女大18變《超級巨聲》趙展彤變靚闖樂壇

女大18變《超級巨聲》趙展彤變靚闖樂壇

如果小編同大家講今日要介紹「 趙展彤 」,大家一時間可能未必記得佢係邊個,咁如果係12歲就參加《超級巨聲》嗰位濃妝小妹妹呢?咁可能大家都好有印象!老套講句時間就如白駒過隙,當年的小妹妹如今已出落得亭亭玉立,眼大咗、下巴尖咗,搖身一變成為索女,果然係女大18變啊!

 

撰文:Sunday Kiss|圖片:新傳媒資料庫及 趙展彤facebook專頁

12歲參加《超級巨聲》

其實趙展彤7歲時已經在TVB節目《殘酷一叮》嶄露頭角,以一曲《夜上海》成為第8集的冠軍,直到2009年第一屆《超級巨聲》,當時只有12歲的趙展彤係當中最年幼的參賽者,所以備受觀眾關注。咁細個參加歌唱節目雖然係幾勇敢,可惜娘味十足的衣著與其年紀毫不相襯,另外佢每次出鏡都係會塗上搶眼的眼彩,意圖掩飾自己稚嫩的外貌。

曾經與泳兒合唱〈感應〉。

少不更事

趙展彤年紀小小但似乎當自己係大明星,當年喺一次訪問中被指言行舉止囂張,並對自己父母的態度極為惡劣,因此引起唔少市民反感。另外,佢又曾經公開批評歌手周柏豪及台灣組合「飛輪海」成員吳尊唱歌難聽,雖然前兩者唱功如何就見仁見智,不過由一個小妹妹口中講出就似乎係自大過頭。幾年後趙展彤擔任線上遊戲《夢夢Online》的代言人兼唱主題曲,同樣被插!

進軍內地

雖然多年來被網民針對,不過趙展彤同「醬爆」一樣沒有放棄理想,一直堅持發展其歌唱事業。2011年擔任《超級巨聲3》時,已經開始俾人一種幼女初長成的感覺,外表開始成熟,網民亦慢慢對其改觀。2015年時佢更衝出香港,參加內地歌唱節目《中國好聲音4》,chok爆獻唱陳奕迅的〈謝謝儂〉,更一度投入到反晒白眼!可惜被導師庾澄慶狂笑,第一回合已經被淘汰。

不時都會上載自彈自唱的片段上網。

趕收工版本 正常版本係facebook🤓
趙展彤(@valentina_cct)分享的貼文 於 張貼

女大18變

日月如飛,當身邊唔少90後朋友都話自己開始老之際,1997年出世的趙展彤依家已經19歲,當年的濃妝小妹妹如今長得亭亭玉立,化妝技術似乎進步不少,短髮大眼睛造型都幾順眼喎!

昔日的小妹妹,如今喺「美心妹妹」Celine旁邊,已經係大姐姐了。

趙展彤仲同「薯片叔叔」曾俊華影過相!唔通係對方請佢唱番首歌助選?

眼大下巴尖

除咗細個嗰對朦豬眼唔見了,以前一直臉圓圓的趙展彤連下巴仔都尖咗唔少,有網民仲讚佢有幾分似內地索女星楊冪!

再闖娛樂圈

趙展彤之前接受傳媒訪問時,都直言會繼續走演藝呢一條路,不過現時要自專心讀書。雖然曝光率唔算高,但趙展彤其實平時都有出席一些公開活動和首映禮,近日更參演電影《一夜再成名》,有機會與多位影壇前輩合作。樣靚咗,歌喉繼續進步,睇嚟趙展彤已經準備好再展娛樂圈啦!

全文完

更多精選內容