蘇永康

蘇永康 榮升老竇親剪臍帶 張衛健: BIG 4終於有後

熱話

廣告

49歲的 蘇永康 (阿公)與太太Anita去年宣布懷孕,預產期本為下月3日,但好友雷頌德(Mark)今日出席攝影集分享會時,卻突然大爆阿公尋日已榮升爸爸!仲反問記者:「你哋唔知咩?」哈哈!恭喜晒阿公!

 

Mark今日出席分享會時,講到自己之前有幫黎明演唱會出左本影集,點知就突然講咗好朋友阿公的秘密出嚟!佢話嚟緊都會幫蘇永康影,「佢噚日做咗爸爸啦!」仲反問記者:「你哋唔知咩?」之後蘇永康向傳媒報喜話好多謝大家關心,仲話母子平安,BB好可愛!阿公第一次做爸爸,有點手忙腳亂,但就非常感動同開心!

而另一位好友張衛健(Dicky)就話太太張茜尋日特登陪Anita生BB,仲話成個過程好感動,BIG 4終於有後!Dicky話阿公自己剪臍帶,不過當時就好驚佢剪錯「子孫根」!不過Dicky就唔知BB幾重,只係話佢手長腳長,仲話個樣似媽媽,即刻「放心晒!」Anita生完B之後,阿公揸住BB手指即刻溫柔晒,好感動!成個過程阿公都有拍底,真係好值得留念啊!

BB未出世前,阿公已經成日孖老婆買嬰兒用品迎接BB!

Don’t worry…I won’t speeding 😆#speedy #speeding #happymoment #happyme #happy
William So Wing Hong 蘇永康(@william_gung)分享的貼文 於 張貼