【多謝老師】雪肌精教你自製發光透明感肌膚迎夏日

【多謝老師】雪肌精教你自製發光透明感肌膚迎夏日

好開心可以參加呢個由日本護膚品牌雪肌精舉辦嘅分享會,

呢次內容有啲唔同,

好似上堂咁樣,

有導師即場教大家點樣按摩,

用小工具幫塊面做 spa.

自問已經有一定護膚知識嘅我,

都覺得今次學到好多嘢,

睇埋落去,

就同我一樣識得點樣自製發光透明感肌膚, 迎接夏日喇! ^^

 

現場首先播放產品介紹短片,

好開心可以先睹為快, 睇到有中文字幕嘅產品介紹短片!

 

林嘉欣真係好靚呀(心心眼)

開始上堂喇!

我係好學生,

當然要保持安靜,

唔好嘈親其他人啦! ^^

 

首先, 係用 Quick Eye Make up Remover, 卸眼妝.

 

跟住, 用雪肌精 MYV Treatment Cleansing Cream 卸妝.

呢款卸妝霜,

含有薑黃萃取液,

將和漢植物嘅豐盈滋潤,

導入卸妝面霜,

捕捉污垢及造成暗沉嘅源頭,

去除化妝品及氧化皮脂等嘅污垢,

令洗淨後嘅肌膚,

明顯變得明亮,

同洋溢透明感.

用嘅時候,

將車厘子大細嘅份量,

點落額頭、面頰兩邊、鼻頭同下巴,

總共五個地方.

 

跟住成塊面打圈,

令粉底+其餘化妝品殘餘物,

同卸妝霜融合.

 

然後用面紙輕輕力抹,

要注意唔好用力過度,

再用清水或者溫水徹底洗乾淨.

 

導師逐個步驟教我哋點用佢哋嘅產品,

仲好細心問我哋有冇聽唔切^^

然後, 用雪肌精 MYV Concentrate Oil 做按摩.

滴兩至三滴落手心,

喺全塊面推開,

按摩面部.

 

按摩後,

用面紙抹,

抹嘅時候都係一樣,

唔好太大力摩擦肌膚.

 

佢含有豐富嘅薏仁精油,

好好推, 仲好柔滑,

令肌膚好有活力同透明感.

 

大家喺條片入面都見到,

我用之前有聞一聞,

佢有天然精油嘅香氣,

聞完好舒服!

所以, 我連條頸都搽埋, 哈哈!

 

另外,

因為我好錫住我個 T 字位,

所以按摩完一輪之後都忍唔住,

再補多少少^^

跟住落嚟,

就用一個類似「丫叉」嘅白色小棒,

做進一步按摩.

佢頭尾兩邊有唔同形狀嘅凹位,

可以分別按摩腮骨、下顎骨同面頰.

做完即刻 V 面!

塊面都好似實咗,

如果勤力啲做,

我覺得塊面一定愈嚟愈尖! 哈哈!

 

再用 MYV Concentrate Lotion 做返個敷面, 鎮靜返.

呢個 concentrate lotion,

係用咗獨家研發嘅高滲透技術,

深入肌膚,

達到肌膚極致嘅透明感.

敷 3-5 分鐘就得喇!

導師仲教我地點樣自製屬於自己嘅爽膚水,

要點係睇返自己嘅膚質同季節性,

大家可以一路睇我敷 mask, 一路聽導師嘅講解.

 

喺2:20,

我搽嘅係MYV Concentrate Cream.

建議係臨瞓前保養程序最後使用,

可以用佢個羹仔, 或者用指尖,

攞珍珠咁大嘅份量,

然後輕輕點係額頭、面頰兩邊、鼻頭、下巴五個部位,

再仔細推開,

就可以深入肌膚,

佢含有濃密嘅和漢植物成分,

夠晒滋潤,

可以填滿至角質細胞之間嘅空隙,

引導出肌膚原有嘅透明感,

令肌膚感受到柔滑飽滿嘅實感.

 

眼部肌膚需要重點照顧,

所以我搽埋 MYV Concentrate Eye Cream,

佢含有茶氨酸帶嚟嘅持續滋潤效果保濕成分,

及抱水性高嘅滋潤油分,

令眼周嘅水油平衡.

 

溫馨提示:

1) 先搽面霜, 後搽眼霜.

2) 如果化妝前用, 要稍為減少份量.

今次雪肌精嘅 product 好好,

試完之後,

成個人都開心晒、精神晒,

啲皮膚有晒光澤, 好飽滿!

除此之外,

導師又派金句:

「呢一刻, 你覺得你嘅肌膚係咩狀態?

你要成日問自己呢個問題, 咁你就知道點樣對待自己嘅皮膚.」

真係好受用,

所以,

我會記住要用暖水洗面,

唔好用凍水或者熱水洗面,

因為用暖水洗完面,

塊面特別吸收,

無論咩護膚品都特別吸收,

呢個係最基本、同最平嘅護膚方法.

今次個包裝都好特別,

係用咗日本嘅摺紙技術,

摺個盒出嚟,

確保使用前後都係好心情! ^^

 

用咗一段時間之後,

皮膚好咗,

上妝都靚咗,

夏天去邊度玩都唔怕啦! 🙂

 

FB: KeicyKK

 

更多精選內容