放閃! 吳岱融 為太太慶生 高呼I Love You

放閃! 吳岱融 為太太慶生 高呼I Love You

昨天是 吳岱融 (Hugo)太太鍾淑慧的生日,每年太太生日,Hugo都會為她慶祝,今年也不例外!Hugo昨天上傳了多張太太的生日照到微博,祝太太生日快樂之餘,仲高呼:I Love You!真係好浪漫啊!

撰文:Sunday Kiss

(內容節錄自1006期東方新地)

Hugo為太太準備了兩個生日蛋糕及花束,仲錫晒老婆,真係好冧豬啊!

7835161bgy1febi8r55hnj20lc0sgac67835161bgy1febi8qfe61j20lc0sgtaw

7835161bgy1febi8ph4d6j20lc0sg40z 7835161bgy1febi8o22zsj20lc0sg402

7835161bgy1febi9v4of9j23401r04qq

Hugo最近回巢無綫且被重用,在過去的台慶頒獎禮呼聲好高,雖然失落獎項,但拍攝《巨輪II》後,不但人氣大增,連工作都接踵而來!近年以銀髮型男姿態 視人的他更被外間稱為男神、美魔男等,早前他接受《東方新地》訪問,更直言多咗女士同佢影相,唔知老婆鍾淑慧(Lily)有無吃醋呢?

人氣高人哋會搵你

當年入行冇耐就做咗當紅小生,吳岱融自覺發展都算順利,更大談自己的拍劇史。「我係新加坡人,細個嚟咗香港,廿一歲返新加坡服兵役,入咗表演團體,跳舞、芭蕾舞、一字馬都係嗰時學番嚟,同時間喺酒廊唱歌,識咗一啲製作人,入咗訓練班,演咗6部電視劇,《人在旅途》、《盜日英雄傳》、《怒海萍蹤》⋯⋯呢啲戲當時喺大陸都幾好,最尾套劇我斷咗腳,返咗嚟香港,因為爹哋媽咪喺香港,之前識嘅製作人引薦咗我入TVB,好快拍咗《絕代雙驕》。到之後離開TVB出嚟搞電影,90年代結婚,之後返咗星馬搞製作,生埋小朋友,hea咗8、9年,去大陸住,喺大陸演出,有一段時間人氣係冇咗,我亦都唔mind,因為我都係一個幕後人,好清楚呢行嘅規則,人氣高人哋會搵你,人氣普通咪慢慢重頭做起,我初入行係好好彩,升到第一位,人氣冇咗之後,我重頭做起,好多客串角色,低微嘅酬勞,甚至酒店房可能唔係人住,我都唔mind,重頭嚟囉!絕對明白遊戲規則,呢行好現實,演員係被動嘅,佢搵你,你有價值,你自己去敲門,你一定係冇價值。」

freelance0223jay9441

拍攝《巨輪II》過足戲癮 監製大讚

問到對於啱啱過去嘅台慶頒獎禮,對於自己呼聲好高,點睇獎項?Hugo笑說:「有梗係好啦,係鼓勵嚟,對任何演員都想有,但演嗰陣完全冇諗呢樣嘢,好似拍《巨輪II》,唔夠兩、三個禮拜我已經入咗戲,係好過癮,例如監製棟隻手指公讚,我覺得已經係鼓勵,但真心話我認同曹永廉係值得攞(最佳男配角),因為我睇過佢套劇,同埋從另一個角度,呢個(指頒獎禮)都係一個騷嚟啫,或者我自我安慰,佢攞獎牌,我攞獎金,的而且確《巨》之後四、五個月,出面多咗好多嘢做,呢個係真嘅,價錢亦都好咗好多。」

22年婚姻 互相扶持

吳岱融與鍾淑慧1994年結婚,卻依然十分甜蜜。早前跟太太同上無淺《1+1的幸福》分享夫妻情,笑言猶如再宣誓,因所講的全是真心話:「我同太太接近三十年,兩個人一齊真係一種心,錫對方,咪多啲關心對方,人去到一個階段,真係會得番半個人,有時想搵個人真係撐你、支持你、信得過,慢慢變咗係另外一半嘅自己,好微妙,我知道佢好錫我,我係好唔想佢唔開心。佢有時做啲嘢可能令我唔開心,但原因都係錫我。」

b1拷貝
早前跟太太鍾淑慧同上無綫《1+1的幸福》節目分享夫妻情,笑言猶如再宣誓,因所講全是真說話。

 

太太嚴防 有女埋身

原來早前Hugo在《巨輪II》內飾演奸角出位,吸引到一眾女士跟她合照,太太因而變得緊張,但他亦十分體諒,完全沒有怪責老婆:「譬如有第二啲女仔埋嚟,佢好快有啲感應,覺得呢個人有侵犯,我就feel唔到,但佢嘅目的就係緊張你、唔想冇咗你,佢冇錯㗎喎!」夫妻相處難免會有爭執,Hugo和太太也不例外,但吳岱融也會主動和好:「有時鬧交,我哋會自動停咗、唔再嘈,第日通常係我講番嘢先,其實已經算係say sorry。」

1

不忍心見太太辛苦

Hugo近年密密接job,原來太太嚟緊亦會再演戲:「嚟緊都會有,我唔方便公布住。」但大男人性格的吳岱融卻直言比較自私,不想太太辛苦:「我自私啲,唔想佢太辛苦,始終拍劇太多嘢要兼顧,但佢都鍾意玩下。」

除了Hugo和太太,吳岱融笑言囝囝亦有演戲潛質:「肯定有啦,我成日俾佢呃㗎,哈哈,我本身都係大細路搞搞震,佢又有佢冇喱正經嘅一套,但佢喺出面唔會咁,我同佢講尊重人好緊要,諗清楚嗰個人玩得先好玩。」

TUNGSTAR5845430拷貝
吳岱融晉身銀髮型男,太太亦保養得宜,「如果當時冇離開TVB,仲係人氣好高,或者分開咗都唔定,但我哋嘅思維都係鍾意一家人一齊,想有個家。」

新加坡 香港兩邊走 為一家團聚

Hugo稱囝囝在吉隆坡出世,期後在香港和新加坡也居住了幾年,隨後在大陸番禺居住十多年,笑言成個過程遊牧民族:「其實喺佢讀書過程要佢走嚟走去,我都有啲對佢唔住,最主要我想屋企人一齊。」他寄語兒子不用追求富裕,最緊要活得開心:「我又唔係想佢飛黃騰達,照顧到自己、開心最緊要,好似我咁,唔一定要賺好多錢。我都58歲,仲有兩年登六,嚟緊都諗住可能TVB一部、國內或者其他一部就夠,唔想搞到太辛苦,做餐死突然間死咗點?」

freelance0223jay9465
婚姻保鮮方法是不停去旅行,「泰國、星馬最多,一有時間就去。」

新加坡、香港兩邊走

太太和仔仔在新加坡生活,這位100分丈夫和爸爸不介意新加坡、香港兩邊走,不用工作便會回去與家人團聚:「我好想盡可能一家人一齊,唔好分開,我 唔使開工就返去。」他認為新加坡較適合太太和仔仔居住,:「我覺得我個仔比較適合喺新加坡生活,人與人之間嘅壓力冇咁大,太太又比較怕凍,新加坡可能適合 佢多啲。」

太太不在身邊,又曾被拍到他自己去茶餐廳食飯,但吳岱融亦沒有覺得寂寞,表示太太陪住仔仔令他更放心:「佢陪個仔我又放心啲,佢返去十日八點,返嚟十零廿日,佢辛苦啲,湊緊兩個仔,有時我去第二度做嘢佢又會飛過嚟。」

b2
兒子現於新加坡服兵役,負責軍方刊物的編採工作,將來有意從事特技、剪接方面行業,「隨佢心,even佢演藝或者其他方面有興趣,我哋都會支持佢,唔會左右佢。」說時一臉慈愛,愛子之情溢於言表。

延伸閱讀:工作狂退下來 黃浩然 : 家庭比事業重要

HOME

更多精選內容