澳洲親子遊

巴黎與告迪安 澳洲親子遊 兩母女形影不離

熱話

廣告

告迪安只係半歲大嘅囡囡,講真第一次帶佢去旅行,仲要坐成八個幾鐘頭飛機唔係短程嘅旅行喎!

巴黎與告迪安 澳洲親子遊 兩母女形影不離

真係有啲困難,起初我都好怕,但係((做得媽媽有什麼好怕就算怕都要硬着頭皮上))!!

我哋係搭夜晚機去澳洲,班機仲要延遲左50分鐘先至起飛, 成1點夜晚先至起飛,小朋友已經開始疲倦,但係佢又瞓唔着,我個囡囡平時是凌晨一點幾兩點都唔肯瞓覺!
去到閘口嘅位置,見到成駕機都超多小朋友,心諗呢次實好嘈,
我真係好怕佢喺飛機度嘈醒晒全部人,加上佢一喊係唔收聲嗰啲,把聲又嘈,頭都痛…

經過八個鐘嘅時間之後終於到咗悉尼落機除咗要顧下你之外又要顧及佢其實真係麻煩…

這個旅程差不多日日都帶住小朋友週圍去,雖然同小朋友嘅感情增進了不少
加上我覺得雖然第一次做媽媽帶着小朋友去旅行,係一件好麻煩同埋好辛苦嘅事,但係做得媽媽就要硬着頭皮上

世上是沒有解決不到而做不到的事情,只是你有沒有比心機去努力做
帶她去了很多地方幫她拍下很多不同的照片,而這個經歷亦係我第一次比較難忘的我與告迪安

Sydney Opera House
我第一次嚟呢度咋,好開心媽媽帶我嚟到依度

Fish Markets
我得半歲大咋點可以食咁多魚生呀媽媽仲比生蠔同埋壽司(點解我會咁大個口嘅唔通我真係覺得好好味),你睇下個元貝大過我塊面

澳洲嘅天氣呢幾日好彩都冇落雨,我同媽媽影得好多靚相

Inglis 馬匹拍賣場
平時喺香港睇拍賣同埋馬就睇得多啦,今次第一次嚟到澳洲睇拍賣
呢度好大呀,好多綠色草地

Hickson Road The Rocks
上邊就係悉尼大橋,好興奮呀
可以喺澳洲每一個角落都影相

Balmoral Beach (The Boat House)
呢個沙灘旁邊全部都有好多唔同嘅cafe, 全部都好靚,好舒服,吹住海風飲住一杯咖啡或者朱古力真係正正正
真正嘅海風吹埋嚟,真係令我有啲想瞓一瞓下午覺…

媽媽要俾我食奶奶了

Coogee
我哋嘅酒店就係住喺呢度附近,日日都對住過海,好舒服媽媽仲帶咗我去泳池游水同沙灘玩添

喺酒店樓下嘅玻璃度影相

The Grounds of Alexandria

其實帶小朋友去旅行真係好多事情要兼顧,一來你要兼顧着小朋友,而來你要兼顧住佢幾時飲奶,幾時換尿片,幾時會喊等,因為當小朋友一喊嘅時候就真係一發不可收拾,甚至好難控制,好彩係外國嘅餐廳大部份都可以接受小朋友入去,同埋地方比較大,路面比較廣闊

每一日我都幫告迪安打扮都很漂亮才出街
話晒佢都係女仔,當然要漂漂亮亮做一個可愛嘅小朋友
謀殺我相機的memory

我今次飛機係坐國泰機,但係呢有啲不愉快嘅經歷,就係BB返嚟嗰程是下午機,BB有啲耳鳴情況出現,唔好話小朋友呀,其實大人都會有咁嘅情況出現。

半歲BB被拒進商務客位

其實小朋友喊都好正常,上機嘅時候,我有屋企人坐商務客位,我哋就選坐後邊嗰排特選經濟客位,只係隔咗一塊板,因為我要沖奶比小朋友飲,所以我將小朋友放咗喺商務客位讓屋企人抱住一陣。
點知有位航班上的員工同我哋講,要抱返小朋友去特選經濟客位,並唔可以將小朋友抱到商務客位,就算你有家人在場都唔可以,但我心諗我點可以抱住小朋友再沖奶俾佢飲,呢個就係我係旅程當中不愉快的事情!

 

 

ParisC
Facebook Page:https://www.facebook.com/parisccc/
Instagram:pariscxoxo
Youtube:http://www.youtube.com/mnwlmnwl
Email:[email protected]