【小創夢家】龔慈恩仔女 音樂明日之星

【小創夢家】龔慈恩仔女 音樂明日之星

星二代近年排隊入行,個個都遺傳了靚樣,復出拍港視劇集的龔慈恩(Mimi),近期都有帶一對仔女林愷鈴(Ashley)及林卓毅(Addison)出席活動,大女被外界大讚氣質清純,身形高䠷,封她為「嫩版吳佩慈」。14歲的Ashley內外兼備,擁有未來才能,充滿音樂才華,擅長創意作曲、唱歌,大有條件入行做創作歌手,但龔慈恩不覺得愛女有星味,性格亦較刻板,不太適合在娛樂圈發展,但女兒喜歡作曲,說不定將來從事其他音樂工作,Ashley覺得現階段最緊要努力學習,裝備自己,「如果我唔裝備自己嘅話,將來有機會都冇用。」

龔慈恩早前帶同子女出席KG Group 18周年揭幕典禮,兩人都有在該 校學習Public Speaking及Musical等課程。
龔慈恩早前帶同子女出席KG Group 18周年揭幕典禮,兩人都有在該
校學習Public Speaking及Musical等課程。

港視劇接劇

港視劇集播映以來,每套都皆贏盡口碑,網民大讚一班好戲之人,演慣古裝的龔慈恩加入港視參演了《選戰》及《來生不做香港人》,演技獲網民激讚,她亦有留意網民反應,「好開心呀,絕大部分都覺得套劇好,港視劇集題材新鮮,成個團隊好用功,所以出嚟個效果咁好。我最開心就係入面嘅團隊精神,大家好有熱誠,好有火,大家無分你我,想成件事做到最好,呢樣真係好難得。」她尚有劇集《我阿媽係黑玫瑰》及《末日+5》等陸續播出,幾套劇集所演的角色亦不同,龔慈恩以往最入屋是古裝角色,連台灣拍劇也是99%古裝人,今次終於脫離古裝,「無論角色、年代、劇種都唔一樣,過足戲癮。」

嫩版吳佩慈

龔慈恩從台灣返港拍劇後,再度活躍幕前,近期開始帶子女一同出席活動,多點面對鏡頭練大膽,有「嫩版吳佩慈」之稱的Ashley去年底處女行catwalk騷,身形高有台型,不過第一次出show表現緊張。今次訪問Ashley仍然頗緊張,面對多個鏡頭起初顯得不自然,但傾談下也逐步放開心情。她更特意為今次訪問聯同弟弟表演拉中小提琴,事前練習充足,認真對待訪問,值得嘉許。有別其他星二代,就讀中西區名校的兩姊弟才華滿溢,音樂、朗誦、語文、運動樣樣皆能,是名副其實的叻仔叻女,尤其兩人音樂潛質極高,Ashley擅長拉小提琴、中提琴及唱歌,小時候還有彈琴、吹長笛; Addison亦擅長拉小提琴、吹色士風,兩人現最想學彈結他,正等媽媽批准,龔慈恩希望他們逐步學習,「我想佢哋學好晒呢啲先,出年先俾佢哋學,係時間上問題,我知佢哋既然求得我,一日可以擺16小時喺結他度,佢哋學結他都係想一齊夾band玩音樂。」

龔慈恩指女兒性格較古板單純,暫時不適合入行做星二代。
龔慈恩指女兒性格較古板單純,暫時不適合入行做星二代。

合唱團精英

兩姊弟的音樂天分,或多或少遺傳自媽媽,表演天分亦有遺傳爸爸、台灣演員林煒,但更重要是後天培育,父母投放了很多心機去啟發他們。龔慈恩小時候唱choir出身,當中的團隊精神、一齊比賽共享成敗那份熱血,至今仍在身上流着,一班舊同學不時敍舊。有了自身經驗,她自子女兩三歲就送去參加香港兒童合唱團,學習團隊精神。她指Addison唱歌有天分,音準好,不過長大後較專注運動;反而Ashley天分稍遜,靠後天苦練,繼續唱歌之路,「兒童合唱團初初由好多好多人,跟住金字塔咁上,到依家佢入咗Concert Choir(精英級別),算係早入到,可以同成班團員去外國交流,好似上年去咗英國,佢又跟學校去咗好多地方比賽同表演,開始明白點解我自細就鼓勵佢參加合唱團。」Ashley現唱Classical及Opera 為主,但開始多唱流行曲,作多方面發展,當日Ashley金口一開,簡單清唱已非常震撼。

 

朗誦訓練未來CEO

龔慈恩教子女着重建立自信及表達能力,合唱團之外,她力谷子女參加朗誦,年年參加校際朗誦節,奪獎無數,透過比賽去建立自信。「朗誦可以訓練喺好多人面前present自己,唔係膽量咁簡單,說話要有節奏、有輕重音。」兩姊弟每年坐亞望冠,Addison去年在粵語朗誦再奪冠軍,隨着慢慢長大,他開始質疑媽媽為甚麼堅持要他參賽,她耐心解釋,「佢話想將來做CEO,但對住員工講嘢點先有說服力呢?點講個project先唔悶呢?就係需要學習點present,佢攞獎後都好開心,好多謝我,明白點解我要佢參加比賽。」

粵語長片最常聽到的慘情歌,原來是小提琴曲〈Meditation(from opera Thais)〉,Addison正努力學習中。
粵語長片最常聽到的慘情歌,原來是小提琴曲〈Meditation(from opera Thais)〉,Addison正努力學習中。

阿媽陪學 捉摸評審

媽媽要訓練子女成材,必先做好身教。龔慈恩想子女學好朗誦,自己亦加入學習,齊齊訓練兩文三語,「普通話堂、英文堂我都陪佢哋聽,久而久之我就知道,朗誦嘅評判要求係乜嘢。我好記得有一次,阿女細細個參加英文朗誦,我覺得佢做得好好,有晒動作配合,點知撞啱個評判唔鍾意有動作,每個評判、兩文三語個評審要求都唔同,所以我會陪佢哋練習同比賽,從中累積經驗。我嘅工作唔係要教佢哋,係提點,好似阿女生得高,我到今時今日仲要提佢唔好寒背,佢覺得自己喺同輩中凸咗個頭出嚟,鍾意縮埋自己。」

每年評判準則難以拿捏,龔慈恩認為,朗讀流暢、有感情、了解文章及動作自然就是成功關鍵,「要同仔女傾每一首詩要control喺自然動作,唔可以造作,大個較少發生,但小朋友好鍾意刻意加入動作。手唔可以擺前面,更加唔好擺後面,評判都唔鍾意,一定要擺得自然。」

 

資料搜集 成功之道

中英文朗誦各有不同技巧,英文較着重強調某些字眼,詩與散文的處理亦不同,陪學朗誦十多年的龔慈恩相當有經驗,「散文我會教多啲內心嘢,多過節奏;詩就唔同段落可能有重複句子,要用唔同嘅表現方法。佢哋依家大個咗,仲識搵番作者背景、段散文係出自邊本小說,好似Ashley嗰年用邊篇散文參賽,都會睇埋本小說,有時首詩或散文睇落好開心,但原來作者係諗另一樣嘢,只係反調去寫,你唔了解作者淨係睇字面未必了解到。」

無論朗誦、唱歌、學音樂,龔慈恩並非強迫子女周身刀、張張利,是希望從中迫出他們的自學態度,「我冇要求佢哋攞獎,但我要求佢哋做資料搜集了解更多,Ashley唱歌都係,有時會唱德文歌、法文歌,佢會成份嘢打出嚟,查晒翻譯,搵埋作者背景,過程中佢學到好多嘢,唔單止語文,仲有歐洲文化,依家佢都愛上讀history,呢啲都係從小逐首詩去教佢哋,一步一步到依家自發學習。」

Ashley和Addison特意為是次訪問表演拉弦樂,拉得非常出色,龔慈恩自小有跟子女一齊學習,「佢哋初學時太細,我學埋返去可以教佢哋。」
Ashley和Addison特意為是次訪問表演拉弦樂,拉得非常出色,龔慈恩自小有跟子女一齊學習,「佢哋初學時太細,我學埋返去可以教佢哋。」

 

●撰文:Ling
●攝影:黃大立(部分相片由受訪者提供)

更多精選內容