張名雅 產後古法紮肚修身 回復27吋腰

張名雅 產後古法紮肚修身 回復27吋腰

前港姐冠軍 張名雅 (Carat)上月尾誕下兒子Mario,未夠一個月就火速修身,佢喺FB分享修身大法,除咗積極做運動外,仲採取「古法紮肚」嚟修身,而家條腰已經回復27吋!

 

撰文:Fiona Fong
相片:張名雅 FB

張名雅 喺FB上載咗幾張「古法紮肚」的照片,又不介意公開自己腰圍同懷孕後長出妊娠中線相。佢留言話:「紮肚前度下條腰仔…竟然27″…」

以下是 張名雅 FB全文:

「治療師首先幫我按摩,按淋巴,然後按肚。因為生產過程會令媽咪入風,產後更加要注意驅風同避免入風(坐月就係呢個意思)。按肚主要集中在子宮和卵巢的穴位,治療師亦會用按摩嘅手勢按D肚風出來,然後在肚上加入溫和嘅草藥驅風(包括薑)。對於一般需要改善腰線同盤骨嘅媽咪,紮肚應該會比較大幫助。至於我,生B前同生B後一直都keep到有條腰,所以我比較期待收緊盤骨嘅功效因為我覺得大肚之後個 pat pat 係明顯大咗嘅。搽左暖暖嘅草藥之後,就開始紮肚啦。原來紮肚有三層布㗎。治療師一路紮一路問我頂唔頂到啊,會唔會太緊,定係唔夠緊可以紮緊D啊?第一日我選擇紮得比普通力度緊小小因為我都留喺屋企,就算唔舒服都可以瞓低。結果我第一日變左個機械人,果然唔係好郁到

😆 休息左一個下午,我紮咗四個幾鐘就解左佢啦。(如果想效果好啲就忍六個鐘啦)過左第一日之後我已經習慣左,每日就算紮得緊啲都一樣行動自如。」

17883775_1913902192177854_5471261773517011525_n

17523565_1913902158844524_6212860427526522408_n 17862858_1913902168844523_4214475151814156147_n

 

17759677_1913902215511185_7370374698338407740_n 17861819_1913902238844516_5531882368494373836_n

17883678_1913902212177852_7412045704092021414_n 17884130_1913902198844520_540522799176506184_n

 

順產開刀的抉擇

Carat去年11月宣布有喜,還指出腹中懷有男B,名叫Mario,Carat與律師老公蔡錦豪(Joe)更齊齊穿上孖寶兄弟裝報喜!她笑稱取名Mario除了因名字得意,更是兩人一個開心經歷,「有次Halloween我哋同一班朋友出去玩,當時我哋以孖寶兄弟Luigi 裝扮,玩得好開心。」上月勇敢順產的Carat原來未生前,對順產還是開刀 ,仍拿不定主意!她說:「其實順產同開刀我都好驚……我諗要調節咗自己心理先,開刀就揀定一日,到嗰日就乖乖入醫院開刀,咩都 settle好晒,唔會有咩surprise,老公都話如果我太怕痛,不如揀開刀;但我知道順產媽咪復元快啲,對BB都好啲,出世嗰陣因為媽咪宮縮會推個 BB出嚟,過程中BB都有少少掙扎,所以生命力同平衡力都好啲。」

Carat的皮膚偏乾,平日愛曬太陽,喜歡健康膚色,所以她甚少用美白產品,只重視清潔和保濕,連facial都無做。懷孕後她試過皮膚敏感,紅腫一撻撻,醫生處方一隻孕婦可用的藥膏,大約一個月始消除。

朋友講開刀生B 聽都覺得痛

Carat當日也分享了一些朋友開刀的經歷,又聞言開刀要剖腹七層皮,聯想起也怕怕。「我個朋友喺加拿大生,當地一定要順產,但佢生嘅時候出現問題 要開刀,到依家過咗一年幾,個傷口仲痛緊,或者佢個女踢到佢都覺得痛。」聽完一輪意見,Carat偏向順產多一點,加上她想盡快恢復做gym、跳舞,「唔 想痛住做!」

醫生亦有建議,如果怕痛的話可選擇無痛分娩,好安全,但Carat擔心有後遺症。「醫生話睇麻醉師嘅手勢,其實做咩都有風險,行行吓街都可以仆親,所以唔使擔心太多,要相信醫生。」

Carat讚老公貼身照顧,俾老公99高分,「仲有1分諗吓自己有咩進步!」
老公Joe表明想做慈父,如果囝囝曳曳,由老婆負責鬧仔,但老婆也不情願做惡媽,看來兩人都惡不出樣。

一索得男 長輩興奮

Carat 與老公一直都喜歡小朋友,生BB是計劃之內,由拍拖時期已希望趁後生組織家庭,去年籌備結婚期間開始計劃,不久一擊即中,更一索得男,長輩們最開心。「我 哋男女都鍾意,第一胎男女都冇所謂,不過老爺奶奶比較傳統,如果今胎係女,佢哋會想我快啲追多個仔,依家就少咗呢種壓力。」Carat有考慮生多個,但要 視乎今胎的經歷再決定,如果下一胎是囡囡湊個「好」字就完美了。「好似留長髮會想試短頭髮,短頭髮又想留長髮,不過生仔生女冇得揀,都要睇 timing。」

去年11月Carat與Joe拉埋天窗,不久就造人成功,一索得男,隨即改名Mario,兩人更以孖寶兄弟裝扮宣布喜訊。
去年11月Carat與Joe拉埋天窗,不久就造人成功,一索得男,隨即改名Mario,兩人更以孖寶兄弟裝扮宣布喜訊。

教仔大計

Carat產後將會復出拍劇,希望做個能兼顧家庭與工作的在職媽媽。「我都係29歲仲好後生,如果唔做嘢好多方面會退步,包括思想上,我唔想同社會 脫節,我覺得咁樣對維繫家庭都健康。」兩夫婦要工作,少不免靠長輩幫手湊BB,Carat不擔心小朋友會被寵壞,最重要是父母如何教導,找出平衡點。「我 細個都係公公婆婆湊大,因為爹哋做生意,媽咪要返工。公公婆婆係幾縱我,但我都冇學壞,爹哋媽咪一收工就上公公婆婆屋企一齊食飯,再接我返屋企。其實長輩 湊冇問題,都係一家人,父母最緊要盡番自己責任,放工放假就自己照顧番。」

Carat笑言自己不擅烹飪、煲湯,懷孕期間靠媽咪幫手照顧飲食。

關鍵詞
張名雅

更多精選內容