年少時被摯親出賣 陳松伶 :嗰時淨係諗住要走 去邊都冇所謂

年少時被摯親出賣 陳松伶 :嗰時淨係諗住要走 去邊都冇所謂

電視劇《全職沒女》近日熱播,講述四十、三十、二十年齡層單身女性的尋愛故事,觀眾指劇集有水準又好睇。當中飾演「天生愛情狂」-羅麗晶的46歲的藝人 陳松伶 更是獲得觀眾一致好評。未有小朋友的陳松伶 近日就表示有意領養孤兒,特別是身體有殘疾的小朋友,希望可以給他們一個溫暖的家。

 

 

 

撰文:Sunday Kiss
圖片:陳松伶微博、張鐸微博、新傳媒資料庫、TVB節目劇照

以往一直走清純、親切路線的陳松伶 今次在電視劇《全職沒女》中豁出去化身婚嫁店化妝師羅麗晶,是個在愛情路上屢次遇人不淑,導致遍體鱗傷,社會最低層的「多失」人士。電視劇一出便馬上大受好評!而現實的陳松伶與比自己年輕9年的老公張鐸非常恩愛。

000009494231_1491553425
陳松伶 在電視劇《全職沒女》中飾演「天生愛情狂」-羅麗晶

000009494785_1491556116

000009494793_1491556124

000009494303_1491553496

會繼續嘗試人工受孕 為老公繼後香燈

陳松伶與老公一直希望有小朋友,甚至婚前在美國冷藏卵子為生小朋友做準備,可惜多年來不斷嘗試配對,仍然未能成功人工受孕。陳松伶 表示問題出在自己身上,不是老公的問題,就算只有一絲希望仍然會繼續嘗試,希望為老公生個小朋友繼後香燈。

4b3f7356gw1fafthvotsdj20w816wx6p
陳松伶 與老公張鐸

4b3f7356gw1faftho0uv0j20w816wu0x

 

有意領養孤兒 特別是領養身體有殘疾的小朋友

陳松伶 一直有助養小朋友,近日她表示有意領養孤兒,特別是領養身體有殘疾的小朋友,希望給他們一個溫暖的家,唯老公張鐸對領養殘疾小朋友有點抗拒。 陳松伶說會透過溝通慢慢改變老公的觀念,而自己亦會好好考慮清楚是否領養身體有殘疾的小朋友。

{"IPTC-DATA":"NMG","data":{"photoID":1871681}}

童年感情被出賣無依無靠

雖然陳松伶 活在幸福之中,甚至愛心滿載選擇去幫助別人。但曾幾何時,愛,對她來說,絕對遙不可及。 陳松伶成年前已離家出走,傳聞因為陳母迫她放棄學業、全身投入演藝圈賺錢養家,令她心灰意冷,與家人斷絕來往20年。

9e7fac3cgw1f9w9ksmqo8j20dc0hst9z

與家人鬧翻後,她寄居在契媽家中,與兩個契家姐情同姊妹,將唱歌拍戲所賺回來的一分一文,全跟這家人共用,沒有留一點私己錢給自己,信任度好比血脈之親。關係好時,當然沒有問題,但05年,突然急轉直下,這家人將她踢出門口,還講明不能帶走任何東西。所有血汗錢化為烏有,她尚能看開,但感情被出賣,才教她痛心疾首,死去活來,突然無依無靠,一度方寸大亂。她足足用了兩年時間去療傷和尋找自己,上天是公平的,給她一個終身伴侶,也給她與真正家人和好如初的機會。

 

唔識照顧自己

剛走紅的時候,陳松伶已離家出走,事隔廿幾年,她實在不想回應被家人當成搖錢樹的傳聞。只奇怪一個未成年、心智未成熟的少女怎能決絕到與父母斷絕來往,可以估計當年的她也相當倔強和偏激。「當然唔係我一個人嘅決定。」她無奈地說。可能當時的情況真的惡劣到非走不可,對與錯,我們作為外人很難判斷。陳松伶與兩位契姐姐生活的15年間,的確備受呵護,陪進陪出做埋貼身保母,感情猶如親姊妹。

9e7fac3cgw1f99bjy95qbj20vd0ktn30

「所有片酬會入落大家個pool度,然後我就唔理,佢哋會幫我交學費,我話想買邊幾本書,佢哋會買俾我,衫更加唔使我care,我係一個好隨便嘅人,佢哋買乜,我咪着乜囉,出騷衫亦係佢哋搞掂,所以生活上我有一個缺失,就係唔識照顧自己。「但原來有一日佢哋會突然唔鍾意你,唔會再理你嘅生死,將我踢出佢哋嘅圈子,嗰時啱啱新年,感受特別深。」當時她沒有積蓄,身上的現金也不多,只帶走幾件簡單衣服和內衣便被趕出家門。其實這件事上,她也有責任,就是不懂保護自己而種下禍根。

張學友助解財困

「你 講得啱,呢個教訓好沉重,簡直扭轉咗我嘅人生觀同做人態度,我老公同我講就算親人,每一個人都係獨立個體,呢個係商業社會,可能我由細到大都覺得自己生活 喺烏托邦入面,原來我本人最崇尚共產主義嘅,哈…哈…「依家所有關於錢銀嘅嘢,我都鍾意black and white,譬如同事攞咗公司好細數目嘅petty cash,我都要佢簽番張回條,軍真啲好。」當年陳淑芬一知道陳松伶三餐不保,即刻將她推薦給張學友,然後隨着《雪狼湖》團隊穿州過省演出,開始淡出香港娛樂圈。

「好 想搵一條出路,嗰時淨係諗住我要走,去邊都冇所謂,我將呢個想法同陳淑芬講,佢就拉咗我去做《雪狼湖》巡迴,仲叫我中途唔好返香港,『你自己享受吓生活 啦!』全程我只係一個背囊、一對舒服嘅鞋,唔會特別打理自己,做番一個普通人,有時坐火車,真係會寂寞到喊。」被人「圈養」多年,自理能力低,當她一個人 生活,當然要過渡一段適應期。

{"IPTC-DATA":"NMG","data":{"photoID":1922780}}
《雪狼湖》

相隔多年 一家終於團聚

「其實我係一個好down to earth嘅女仔,八歲已經識煮飯煲湯、修理水喉電掣,屋企仲有一大棚細佬妹同表弟妹等我照顧,幫佢哋洗尿布,只係呢種能力被腰斬咗,咪重新學囉!」陳松伶與真正家人重聚的經歷也很有趣,應該是整定。「有次行行吓街,有個女仔埋嚟問『你認唔認得我?』我以為係fans,但唔夠兩秒鐘,我就望到佢個樣同我好似,尤其嘴同鼻,但佢已經亭亭玉立,我問佢『你係咪我個妹媚媚呀?』」相隔多年,終於一家團聚。

9e7fac3cgw1f5uz9tb6amj21kw2dc1kx

老公細9年 溝通無問題

07年陳松伶拍攝內地劇《血未冷》時與細九歲的內地男星張鐸墮入愛河,雖然有年齡差距,但女的單純,男的早熟,思想溝通並無問題,2011年註冊結婚修成正果。 陳松伶 表示,中港兩地男星的文化差異不少。

「譬 如當年拍《血未冷》,我哋啱啱識,老公就同我講中國歷史,香港男artists講玩講食就多啫!而且可能大陸嘅狗仔隊唔係咁盛行,佢唔會特登同我保持距 離,譬如有次佢見我凍到縮吓縮吓,即刻將佢身上嘅羽絨披喺我身上,嗰刻有啲觸動,覺得呢個男仔真係好細心、好識照顧人。香港男演員怕傳緋聞通常唔會咁做, 所以老公俾我好大嘅安全感,好有吸引力。」咁又係,香港男仔比較現實,對你冇意思時,就話當你是兄弟,僭台詞即是叫你自己顧自己!

9e7fac3cgw1f6gmjml4n3j20qo0zk79k

被求婚嚇到死

但陳松伶與張鐸的年紀始終相差9年,溝通不會有問題嗎?「當 初我一聽到佢話自己廿幾歲,個心即刻跌落地,心諗『唔通內地artists鍾意報細數?』講真佢個樣真係唔似,我覺得自己似細佢十年多啲囉!嗰刻我已經想 縮沙,但佢話『我講過照顧你,就會照顧你一世。』其實最大問題係佢屋企人介唔介意我大佢哋個仔咁多,好彩佢喺屋企係皇帝,佢話一,冇人敢話二。」於是愛苗 慢慢發芽成長,這套劇亦曲終人散,不過他們的故事才剛剛開始。

9e7fac3cjw1f8akuyll2mj20zk0qo7b0

「之後我去北京拍,佢去大連拍,因為佢實在太擔心我,寧願每日搭一個鐘頭飛機返北京搵我,入閘出閘車程計埋三個鐘,點會唔感動吖!」那他向你求婚時,又感動嗎?「嚇 死我就真,佢嗰晚約咗我去天安門附近食飯,仲叫我着靚啲,點知嗰日我同水喉師傅喺屋企搞到嗌交咁滯,邊有心情扮靚,去到見到佢着晒西裝已經好驚訝,食食吓 飯,waiter突然遞紮花俾我,然後佢就求婚喇,我同佢講如果想我長命啲,以後唔好再搞咩surprise,哈…哈…」唔知張鐸有冇少少好心着雷劈的感 覺呢?愛這個女人,就要愛她的傻。

更多精選內容