綠葉王 曾守明 離世 《凌凌漆》湖南仔最經典

綠葉王 曾守明 離世 《凌凌漆》湖南仔最經典

無綫資深藝人 曾守明 日前在廣州一間酒吧登台,演出期間不支暈倒,送院搶救無效,終年58歲。曾守明多年來演出過無數角色,雖未做過主角,但各類人物都演得入型入格,形象入屋 又親切,不得不提係佢曾在周星馳電影《國產凌凌漆》中飾演悍匪「湖南仔」,與星爺在茶餐廳有一段無厘頭對話,令人印象深刻!

 

加入娛樂圈逾30年的曾守明,出身自1986年無綫藝員訓練班,同班同學有鄭伊健、梅小惠及李家聲等人。曾守明多年來演出過無數角色,形象入屋,就算你叫唔出佢個名都一定認得佢個樣。佢除了因外表正氣而經常演警察,現實生活中亦係一名輔警,官階至警長,至2013年退休。

6b22d7e5jw1el9ozix129j20qo0zkn0a

去年一月,有觀眾發現一向面圓圓、有個大肚腩的曾守明忽然瘦成皮包骨,令人擔憂其健康狀況。後來佢表示自己心臟血管出現問題,在2015年末接受了一個大手術,因此暴瘦。熱愛演戲的曾守明康復後重投幕前工作,誰不知突然與世長辭,令人惋惜。

現在熱播中的無綫劇《全職沒女》中,曾守明飾演房務部經理「司徒康健」,不時與總經理張振朗針鋒相對;另外曾守明於未出街的劇集《降魔的》及《誇世代》中亦有演出。

螢幕快照 2017-04-24 下午1.57.22 1

螢幕快照 2017-04-24 下午1.57.26螢幕快照 2017-04-24 下午1.57.28

 

曾守明效力無綫多年,拍劇無數,不過其實佢亦參演唔少電影。周星馳經典《國產凌凌漆》中,除了收一百蚊賄款的古明華外,曾守明飾演的悍匪「湖南仔」 亦相當突出!劇情講述星爺喺茶餐廳食飯時隨處吐痰,唔小心將痰吐落曾守明條褲度,於是佢一臉不滿問星爺:「先生,呢篤痰係咪你吐㗎?」而星爺竟然理所當然 咁話:「係啊係啊,冇錯,有咩問題呢?」

螢幕快照 2017-04-24 下午1.00.59 螢幕快照 2017-04-24 下午1.01.00

螢幕快照 2017-04-24 下午1.01.03

當大家以為曾守明會發難之際,佢竟然笑晒口咁講:「冇冇冇,得個知字啫!」極盡無厘頭!

螢幕快照 2017-04-24 下午1.09.53

兩人傾談後,發現大家都係來自湖南洞庭湖草頭鄉,仲住喺同一條村!之後一段對話相信觀眾都印象深刻:「村口長期擺隻狗喺度吠…」、「隻狗咪係我養㗎 囉!後尾仲無端端失咗蹤㖭呀!」、「笑得咁尷尬嘅… 真係唔係你做!?」呢一場無厘頭對手戲,據知仲係星爺同曾守明即場爆肚的!

螢幕快照 2017-04-24 下午1.01.44 螢幕快照 2017-04-24 下午1.01.51

螢幕快照 2017-04-24 下午1.02.08

另外在杜琪峯執導、陳慧琳及任賢齊主演的電影《大事件》中,曾守明飾演一個被悍匪小齊用槍指着、然後跪地舉手投降的警察,同樣令人印象深刻。

螢幕快照 2017-04-24 下午3.17.59

螢幕快照 2017-04-24 下午3.18.01螢幕快照 2017-04-24 下午3.18.10

更多精選內容