被指獲邀出任 教育局長 陳美齡: 希望為香港教育帶來新風

被指獲邀出任 教育局長 陳美齡: 希望為香港教育帶來新風

近日,有報道指香港70、80年代著名歌手 陳美齡 (Agnes),是候任特首林鄭月娥其中一位有邀請並向北京推薦出任 教育局長 的人選。雖然 陳美齡 表示不會評論有關報道,但就表示如果這是大家的期望,她任何崗位都會願意,更指無論是否身在政府,都希望帶一陣新風進入香港教育。

 

能學習的時候要珍惜機會,好好學習!

現年61歲的Agnes,在美國史丹福大學取得教育博士學位,也夢想三個兒子和平、昇平與協平也考入史丹福,成為世界性人材。她沒有虎媽上身狂谷,反之給 予 滿滿的母愛,啟發他們做書蟲,自發學習,並自稱「教育媽媽」創出一套「Agnes式教育法」,果真成功把三子送進史丹福,得到世界排名第三的大學認可。

去年,她接受Sunday Kiss訪問時,表示能給孩子最大的禮物,就是教育。多得 陳美齡 (Agnes)爸爸一句叮囑:「能學習的時候要珍惜機會,好好學習!」長居日本的歌手 陳美齡 自為人母後,沒有放棄任何學習機會,邊讀、邊工作、邊湊小孩,對孩子的照顧不下於全職媽媽,因Agnes覺得生育了孩子,就要一世負責,任何事都比不上 「媽媽」這份工作。尤其孩子的嬰幼期在教育中最重要,性格和個性都在此階段形成,影響往後人生。

mei
61歲的陳美齡仍保持着童顏與年輕心境,更是賢淑端莊的好媽媽,她創出一套「Agnes式教育法」,當中最重要是培育兒子愛己愛人、懂得感恩、報恩的精神。「唔需要同人比較,我係我,人係人,要相信自己能力,去追求做一個快樂獨立嘅人,能對社會有貢獻就最好。」
v3
三個兒子的名字各有意思,「和平」指世界和平;「昇平」即「日」加「升」,太陽升起、有陽光和平的意思;「協平」就是三兄弟同心協力

v4

1985年,Agnes與日本人金子力結婚,多年來與丈夫的相處之道是互相尊敬,結婚前已對如何養育小孩有共識。

熱愛湊仔 犧牲洗頭修甲

人 人都不禁要問,究竟陳美齡有甚麼育兒秘訣?水滴石穿,並非一二日之事。Agnes的秘訣就是做個負責任的媽媽,為了不想有任何後悔,她每天都為孩子做好所 有事情,大部分時間都盡量與孩子相處。「工作係緊要,但做媽媽仲緊要,呢三個小生命係我嘅責任。其實以前真係好忙,依家諗番起我都唔知點做到,日日冇覺好 瞓,連出去同朋友飲茶、洗頭、修甲都冇,去髮型屋都淨係剪頭髮唔洗頭,如果我自己剪到嘅髮型我會自己剪;買餸、買衫、買日用品都係網購。」全因想無時無刻 看到孩子,Agnes激發出所有母愛,寧可犧牲自己的外觀、社交,去換取湊仔時間。「湊小朋友俾我好大樂趣,每日生活都好開心,我又想教到佢哋頭腦靈活, 好多嘢想同佢哋一齊做。」

v5
Agnes把多年來的育兒心得,總括了50個育兒法著書,希望家長閱後有所得着,增加湊小朋友的信心,尤其是新手父母,不一定要學足50個,能夠參考部分已經好好。

做在職媽媽 平衡思想

Agnes 不修邊幅享受家庭樂,但她從沒打算放棄工作,亦因為要工作,她才會如此爭取時間湊小孩。為何不轉做全職媽媽,換多一點時間?「我嘅個人時間就係工作,因為 工作都係為咗追求自己夢想,繼續唱歌同做義工。有工作亦平衡到我思想,工作辛苦就諗吓屋企,想快啲放工陪小朋友;喺屋企做家務辛苦,又諗吓聽日返工有咩樂 趣,所以做在職媽媽反而得到平衡。」

日常照顧以外,Agnes與孩子做很多啟發活動,讓他們從小明白讀書不是一種負擔。 「一定要多睇書,BB時期我已經讀好多圖畫書俾佢哋聽,小朋友頭腦好犀利,未識講嘢就識用手催你揭書,到佢識講嘢已經識唸晒簡單內容,就係咁培養到佢哋愛上閱讀,做咗書蟲。」

成 為書蟲已經贏在讀書起跑線,除了提升語文能力及自發讀書之外,更訓練到表達能力。「我讀完俾佢哋聽,就叫佢哋讀番俾我聽,小朋友一放聲出嚟讀,就會記得更 入腦;之後叫佢哋用自己說話講番俾爸爸聽,令佢哋更了解內容同表達自己;仲有鼓勵佢哋多發問,唔好覺得羞恥,所以佢哋成日問我嘢,我都會讚佢哋問得好! 『不過媽咪都唔識答,不如你哋自己去搵答案啦!』提升埋佢哋嘅求知慾。」

自創小遊戲 取代打機

每 日除了親子閱讀,Agnes亦投放大量心思設計小遊戲,好似接龍、猜謎語,既好玩又能刺激思考,連出街都有得玩!「搭車好悶㗎嘛,我就搵個題目玩,例如: 大家睇住路上行人,鬥快搵到着橙色衫、綠色褲嘅人,好少有㗎嘛,所以成程車就望到實,真係會搵到㗎,搵完就轉紅色衫、紫色褲。如果上高速公路就搵車牌,要 有3、7,好好㗎。」Agnes設計的小遊戲只需動手腦,毋須工具,一家人坐着就玩到,可訓練集中力,頭腦靈活,更重要令小朋友明白追求快樂,不一定需要 物質。「只要有伴侶,甚至一個人都可以搵到樂趣。」

7
擔任歌手是陳美齡的夢想,即使已為人母也從沒有放棄唱歌。
8
陳美齡與陳百強曾合唱經典名曲。

接觸大自然 發掘興趣

現 在人人搭車都低頭玩手機,有幾多父母會和孩子搭車耍樂?Agnes形容電玩猶如中毒,她自小就禁止孩子接觸電玩,直至中學,「要幫佢哋發掘其他興趣,好似 我同佢哋玩遊戲、帶佢哋多啲出街見識,去郊外釣魚、接觸大自然;就算夜晚都會出街踢波,落雨搵蝸牛,唔好成日困喺屋企。」Agnes建議家長一定要多帶孩 子到大自然,尋找萬物「老公會帶佢哋搵昆蟲、掘蟲仔、認識花草樹木,令佢哋對大自然產生興趣,唔需要再靠電子遊戲。」家長當然要率先身教,避免在小朋友面 前打機,並灌輸沉迷打機的壞處,令小朋友遠離,「如果小朋友掛住打機,對腦部發育好有影響,有少少中毒咁,遊戲生產商都希望啲人中毒,咁先賺到錢,當你一 中毒就好難戒,你要問小朋友:想唔想好似食白粉咁中毒吖?佢哋梗係唔想,所以唔好俾打機玩到你,係人玩機,唔係機玩人!」

v8
Agnes在史丹福教育博士學位畢業,她一邊帶兒子一邊讀書,做個好榜樣給兒子

戶外學習課本內容

香 港的填鴨式教育,好多家庭都要逆來順受,催谷小朋友做功課及應付默書考試,壓力大之餘,學習亦枯燥乏味。Agnes的方法是先看一次孩子的課本,記低將會 學習的內容,並計劃一個具體的學習活動,例如假日帶他們去科學館、博物館等地方,寓學習於娛樂。孩子預先接觸了學習的課程,到老師講課時就好易明。「好似 學魚我就帶佢哋去水族館;學歷史就去博物館或歷史古蹟,搵埋相關嘅電影睇,令學習環境變得立體,到佢上堂學嗰陣已經早有知識同有興趣,一邊玩一邊學。」

9
Agnes在美國留學時期已是兩子之母,就讀的教育博士學位對她教育兒子上有很多幫助。

Agnes笑言三個仔最鍾意去科學館,每次都發掘到不同奧秘,培養到對科學的興趣,令學習事半功倍。「我覺得呢招好有用,當小朋友識咗好多嘢,就唔會覺得讀書辛苦,返學上堂都跟得上進度,我成日都話唔好追老師教學進度,應該安安樂樂等老師教你。」

cats
Agnes覺得做父母要讓孩子有自我肯定能力,愈高的小朋友愈有信心,「佢哋能夠自我肯定,就會接受自己好處同壞處,並盡情發揮好處,無咁叻嘅地方都會有改善。」

至 於語文方面,Agnes坦言最佳方法只有多看書,以提升語文水平及閱讀理解能力,其中細仔更自學成速讀者。「佢兩三秒睇完一版!睇書睇得快對返學仲有利, 寫文都好好,因為佢睇得文章多。」自小在日本讀國際學校的三個兒子,精通中、英、日語,以英文能力最好。Agnes沒有安排過兒子補習,親自睇功課至小 六,中學才放手讓他們管理自己。

抗癌10年 點解會係我?

九年前,兒子們開始獨立成人, 陳美齡 (Agnes)看似鬆一口氣之際,被驗出患上乳癌,突如其來的癌魔找上自己,她感到晴天霹靂:「點解係我?我一直以嚟健康生活,咁俾心機做嘢,唔煙唔酒,屋企又冇人患過癌症,點解會係我?」

幸好發現得早,其後她做手術割除腫瘤,並進行長達五年的化療,捱過多次藥物副作用及多重壓力。明年十月,她將踏入抗癌第十年,屆時可正式宣布戰勝癌魔。「我依家身體好健康、好精神,思想都好正面,呢個病令到一家人團結咗好多。」

cats1
左:大仔和平曾與媽媽去印度做義工,兒子大了懂得反保護媽媽;右:細仔協平樣子最似媽媽,喜歡與馬兒為伴。

治療期間她最擔心家人,自覺增加了他們的負擔。當時二子在美國準備考入史丹福,十分擔心媽媽的病情,想回家陪伴,但她不准許,二子全無心機之下交白卷,令她感到歉疚。回想起來,她應該讓兒子回家,不應由他獨個兒在彼邦擔心。幸好老師容許補考,二子最終成功考入史丹福。

17
Agnes覺得湊仔是人生最大樂趣,最鍾意帶他們四出走走,看清世界。

最怕看不到三個兒子長大

因 為家庭,令Agnes懷着堅定的意志抗癌,最怕看不到三個兒子長大成人,當時最小的兒子仍就讀小學,即使藥物的副作用令她臉腫、身體虛弱,為了兒子她也 一一捱過。「當時我塊面腫到眼都見唔到,真係好痛苦,有時朝早起身做唔到便當同早餐俾囝囝,老公就會幫手煮飯,送囝囝返學。我細仔知道我唔開心,夜晚會去 我床邊講笑話,佢喺Internet搵好多笑話練習,每晚氹我笑,我真係覺得好開心,都唔知喊好笑好,佢好愛護媽咪。」

18
Agnes在史丹福留學時,與兒子在草地上享受加州陽光,令兒子對史丹福早已留下深刻印象。

Agnes覺得自己教仔最成功的地方,並非三個全入史丹福,而是三兄弟相親相愛,即使將來自己老去,三兄弟仍可互相扶持。「我唔可以睇住佢哋一世,佢哋遲早要自己照顧自己。佢哋走埋一齊好多嘢講,又搞笑,好鍾意同我玩,我都係一個好玩嘅媽咪嚟㗎!」

12
三兄弟感情要好,有賴Agnes常在兒子間講好說話,把讚美聲音放大,「細佬同我講話多謝哥哥幫忙,我一定會講番俾哥哥聽,等佢哋知道大家係互相關心。」

更多精選內容