孫耀威

拍拖8年 孫耀威 宣布與陳美詩已註冊結婚

熱話

廣告

歌手 孫耀威 (Eric) 與女友陳美詩 (Macy) 拍拖八年,今年一直傳出兩人會結婚的消息,今日Eric出席加盟新唱片公司的記者會,記者會以「It’s My Day」為主題,似乎係佢大日子喎!大會先係發布同名的新歌MV,之後由Eric親自上台公布一個喜訊,原來佢同Macy已經喺美國註冊結婚啦!恭喜恭喜!

 

 

孫耀威 Macy 拍拖8年

今年44歲的Eric與36歲的Macy,不經不覺已拍拖8年,兩人公開戀情以後一直相當恩愛,經常都被追問幾時結婚!直至今年,不停有消息傳出兩人打算拉埋天窗,早前佢哋又發現去到澳洲墨爾本影結婚相。終於嚟到今日,Eric自己宣布喜訊!

宣布美國註冊

Eric今日下午出席新唱片公司的簽約記者會,大會先是播出新歌〈It’s My Day〉MV,之後Eric就上台表示有個人生的 大消息要向大家宣布,就係佢日前已經同女友Macy喺美國註冊結婚!佢未有透露確實的註冊日子,不過就話已經唔係今年的事,而地點就係洛杉磯。佢仲笑說註冊當日太緊張張,連結婚戒指都唔記得帶!

三年前瑞士求婚

Eric接受訪問時,表示曾經有段時間唔太開心,覺得自己出道至今都好似冇腳雀仔四處漂泊,於是一次與Macy去瑞士旅行時,就喺一間對方好喜歡的甜品店,下跪求婚!Eric話原來已經係三年前的事,認真口密!

感激太太不離不棄

Eric除了希望得到大家祝福,同時感激太太多年來對佢不離不棄,自己喺低谷時有對方扶一把。之後大會為佢送上結婚蛋糕,蛋糕上仲有Macy張相!

關鍵詞
孫耀威