澳門親子之旅 Planet J冒險王國 – 虛擬童話世界

澳門親子之旅 Planet J冒險王國 – 虛擬童話世界

繼續我地嘅澳門親子之旅

我地食左一個豐富早餐後,我地就即刻急急腳又走去玩,因為要去Planet J投入 虛擬童話世界 ~

 

 

其實上次嚟澳門都有打算嚟依度玩,不過都係鐘意跳唔停嘅小小豬就選擇左PLAYHOUSE大放電。今次就可以嚟試下玩啦!


Planet J其實就係一個角式扮演嘅主題樂園,入到嚟小朋友就可以裝扮一番,之後就齊齊遊戲接受大考驗~


每事問嘅小小豬又嚟發揮佢嘅問題小子本能,一嚟到就不停問姐姐點玩~

如果小朋友想玩遊戲,就要另加150蚊購買魔法裝置(入場費150元(3歲或以下免費入場))~


拎住個魔法裝置就開始可以去玩啦~

話明係童話世界,就當然係有故事嘅內容,職員姐姐就先同小朋友們介紹故事起源及遊戲玩法~


原來場景都真係非常之大呀~

原來全程都有職員姐姐跟住,指導小小豬去接受挑戰呀~

原來每個魔法裝置內嘅任務都係有所不同,所以小小豬要好留心睇下魔法裝置內嘅故事,從而去適當地方做指定任務~

好啦…可以開始接受挑戰啦~


終於到左第一個任務位置~

一步步依指示就可以完成啦~


其實每一個挑戰都有唔同嘅難度,雖然有啲小小豬都真係未必識,不過全程有姐姐帶領,係適當時又加以幫忙同鼓勵,所以都唔怕會失敗呀~

其實每個任務位置嘅佈置都真係好仔細,所以都忍唔住要影下相,不過由於我地嘅魔法裝置只有一小時時限,所以小小豬就唔肯同我影相,要繼續去挑戰呀~


小小豬好努力地完成一個個挑戰,我就成為陪小小豬行住玩,跟隨唔同嘅任務前往唔同嘅區域,都真係左行行右行行,仲要急急腳(因為限時嘛),其實都真係幾攰(我指我自己),不過小小豬就精力無限,仲越玩越起勁,因為想快快手完成多啲任務嘛~

時間過得超快,一小時嘅魔法裝置遊戲時間就完啦。雖然冇得玩,不過仍然係可以留底係入面不停影影影,其實好多場景都係好精美,如果可以多啲時間我估真係可以影起碼大半日都未影完呀~

由於我地之後再有重點活動,就係去睇「體驗夢工場」冰之歷奇冰雕展(按此重溫),所以影得唔夠喉就要走啦。
係我地交還魔法裝置時,原來係會因應你玩到嘅程度,之後就會有COUPON送返俾小朋友,等佢可以係POP-UP STORE買嘢。 當然我地因為太趕下個節目,冇時間SHOPPING呀~

有別於一般嘅PLAYROOM,小朋友可以用用腦力考下智力,其實都真係唔錯,不過我個人就覺得如果大個啲嘅小朋友去玩,可能佢地能力高啲投入感會大啲。小小豬唔係唔鐘意玩,只係有某啲題目對佢嚟講就難左少少,導致投入感減去少少。

不過值得一讚就係那靚靚場景,真係好吸引呀,一個入場費就可以係園內全日任影(留意…係可以全日任行,不過一離開左就唔可以再入去,即係話只要係唔走先可以全日任行)。 唯一就係….如果入場費可以平少少,我想就一定可以吸引多啲人入去玩呀!
BY 小小豬的成長日誌

https://www.facebook.com/kinseymama/

更多精選內容