趙頌茹 :我們三母女會堅強走下去

趙頌茹 :我們三母女會堅強走下去

趙頌茹 (阿Yu )同周永恒日前分居期滿,原定家事法庭將宣判二人離婚,惟男方接到阿Yu的通知仍不肯上庭,人冇到之餘,連一個回應都冇個,真係無人明佢諗緊咩呀。不過,好彩阿Yu非常堅強,一個人帶住兩個囡囡雖然好辛苦,但都繼續撐落去。佢呢日仲喺Facebook留言,多謝曾經幫助過佢、鼓勵過佢同埋為佢禱告嘅朋友!

 

撰文:Sunday Kiss
圖片:趙頌茹 Facebook、新傳媒圖片庫

女人要靠自己

阿Yu同周永恒分居至今,一直未有要求男方付贍養費,雖然經濟狀況有一定的壓力,但佢為咗兩個囡囡會繼續努力落去。佢呢日就有感而發並喺Facebook留言:「很想籍(藉)着這個機會,感謝每一個幫助過我,鼓勵過我,支持過我及為我禱告的朋友們!我們三母女在這些日子經歷了很多的第一次都因着你們的支持,亦多謝你們令我可以堅強走下去,成為女兒們的榜樣!所以,我想在此勸告那些想在我和女兒身上奪取任何東西的人,請你們反省一下,不需向我巧取任何有關工作的資訊,如果想證明就上庭,不要在背後搞小動作,亦不要巧立名目奪取我辛苦工作的功勞!」

阿Yu平時都會在FB上分享和女兒們的日常生活,早前佢就PO咗張相寫到:你們的吵鬧聲有時候真的令我😫

😫😫可每次工作結束後,感到最滿足的就是聽到你們的吵鬧聲!一對女兒對阿Yu來說十分重要,如果有人想在她和女兒身上奪取任何東西,阿Yu絕對會奮不顧身地保護女兒們。

螢幕快照 2017-05-12 下午2.39.12

 

18193929_1329880803760853_7292830076508564664_n

 

離婚後 三母女感情更好

阿Yu 去年接受《Sundaykiss》訪問時指,離婚的決定是經過長久以來的掙扎,因為害怕改變,害怕一個人搞不定,更擔心小朋友的成長有所缺陷,但想到若然婚姻繼續下去的話,反而對小朋友的成長有較壞影響。一切風波過後, 阿Yu有向女兒坦白一切,雖然女兒只有幾歲人仔,但也大概明白了家中發生甚麼事情,最難得是因此更增進了三母女的感情。「我每次都好坦白同佢哋講解,坦白嘅意思唔係將事情最差嘅一面話佢哋知, 而係有限度、佢哋認知範圍上面,去讓佢哋明白到父母雖然分開居住,佢哋仍然有爸爸。」

媽媽是全世界最偉大的

擔任單親媽媽是一件不容易的事, 阿Yu 覺得不論單親與否,所有媽咪都是辛苦的,偉大的。佢話:「係咪單親都係一樣咁照顧小朋友,本身我都係自己一手一腳去湊大小朋友,其實任何父母都有辛苦嘅一面,如果你要諗得好辛苦,咁好多嘢都可以好辛苦。只不過我經歷得更多,學識更多嘢,我都覺得自己有成長。」

放工回家 見到囡囡最滿足

阿Yu希望兩個囡囡喺一個開心嘅環境生活,並且希望佢哋每一刻都敢同佢傾訴,因為以往囡囡好驚同佢講心事,驚佢聽完會唔開心,但係其實佢哋唔同自己分享,反而更傷心。到依家,阿Yu表示自己對同小朋友嘅關係好有信心,因為依家睇到佢哋女兒好信任自己,每一日都充滿安全感。雖然兩個女啲吵鬧聲有時候真的令人好辛苦,但係每當阿Yu做完嘢返屋企聽到佢哋把聲,就覺得好滿足。

{"IPTC-DATA":"NMG","data":{"photoID":2394875}}

{"IPTC-DATA":"NMG","data":{"photoID":2394872}}{"IPTC-DATA":"NMG","data":{"photoID":2394873}}

更多精選內容