【澳門親子之旅】功夫熊貓之舞林盛宴

【澳門親子之旅】功夫熊貓之舞林盛宴

繼續我地嘅澳門親子之旅

瞓醒一覺,我地就早啲啲起身,因為要急急腳去搵阿寶食功夫熊貓之舞林盛宴自助早餐呀~


做咩要急急腳?因為我地由巴黎人酒店再行去金沙城中心四樓烏魯木齊宴會都有一大段路,我地大約行左20分鐘左右就到啦~

進入宴會廳之後,真係睇到我地嘩…嘩,因為場地好大之餘,周圍都係功夫熊貓、史力加同埋荒失失奇兵嘅卡通佈置,中間又有一個大舞台,好利害呀~

依個係自助早餐,咁當然係非常留意佢有咩食,原來款式都真係好多,中式西式都一樣都有,我估都應該有超過三十款食物,仲有果汁、飲品同埋乳酪任飲,真係勁豐富呀~


仲有可愛嘅費歐娜公主麵包同埋阿寶麵包添~


係我地大約食左半個鐘嘅時候,表演就會正式開始,我地可以一邊繼續食又一邊睇表演,都真係幾好享受呀!
首先就係荒失失奇兵一眾成員~


然後就到馴龍記~


當然唔少得史力加同埋貓劍俠啦~


最後就當然係主角,熊貓阿寶同飛虎女啦~


睇完表演就當然係我嘅重點節目,因為可以集郵啦。每位卡通人物都會嚟到我地每一張台同我地邊玩邊影相,食住等佢地嚟齊齊玩,仲唔係一次過滿足晒依個既為食又貪玩嘅小小豬呀~


真心推仲依個功夫熊貓之舞林盛宴自助早餐,雖然成人都要兩百蚊一位(成人238元、兒童138元),看似就真係有少少貴,不過有豐富又好食嘅自助餐食,又有精彩表演,最重要係坐定定可以等卡通人物行嚟同我地任影相,所以如果好似我咁係一個公仔控,都真係幾值得呀!
 

 

BY 小小豬的成長日誌

https://www.facebook.com/kinseymama/

更多精選內容