准山赤小豆扁豆湯食譜 清熱去濕

准山赤小豆扁豆湯食譜 清熱去濕

赤小豆扁豆湯 去濕又清熱,夏天一定要飲!老公成日都話夏天熱辣辣唔洗煲咁多湯,但其實夏天都一樣係要飲多啲湯水,所以今日我就煲左准山 赤小豆扁豆湯 ,等佢兩父子清熱去濕!其實依家啲天氣又濕又熱,都總係會令人頭脹脹身腫腫咁,成日都攰攰冇精神,所以就煲多啲袪濕湯,好好調理下自己身體。赤小豆同扁豆可以話係夏天多數煲嘅湯,因為扁豆可以健脾和中,消暑化濕。赤小豆就利水除濕,和血排膿,消腫解毒。

原本我打算係買老黃瓜煲,不過行晒整個街市都唔見有大大粒嘅黃瓜,所以最後有朋友就教我用生熟薏米、北芪及准山一齊煲,除左可以清熱袪濕之外,仲可以健脾胃、強肺同預防感冒。

撰文&圖片:小小豬的成長日誌

 

赤小豆扁豆湯材料:

見咁簡單,就當然買齊材料返屋企煲,豬肉眼$35、果皮1小角、無花果4-5粒、生熟薏米、北芪、准山、赤小豆及扁豆,藥材份量方面你同藥材店職員講大約幾多人飲用,佢就會幫你執份量啦~
resources.php-4

 

赤小豆扁豆湯做法:

豬肉洗乾淨,氽水準用;果皮浸透去囊;其他藥材浸洗一陣備用~
resources.php-5

煲內放約3L水,然後加入果皮~
resources.php-10

 

水滾後放入所有材料~
resources.php-11

待水再次滾起時,先繼續用大火煲約15分鐘,然後轉慢火加蓋煲1.5小時~
resources.php-12

最後加入少少鹽調味,就可以飲啦~
resources.php-13

 

好坦白講,其實個味道係偏向有一陣比較重嘅赤小豆味,所以如果唔太”好”豆味重嘅人,可能會唔多鐘意飲依個赤小豆扁豆湯

(小小豬就係表表者,要三催四請之下先飲一湯,真係激C我呀)。

不過..其實又唔係好難飲,我自己都飲左兩碗,只係可能豆味重左啲,所以小小豬先唔鐘意啦,等我下次買到老黃瓜嚟煲依個袪濕湯,我諗佢一定會鐘意!

resources.php

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

更多精選內容