聽到囡囡叫媽媽 鍾嘉欣:開心到嗌咗出嚟

聽到囡囡叫媽媽 鍾嘉欣:開心到嗌咗出嚟

今日, 鍾嘉欣 出席ILLUMA奶粉品牌活動時,一如既往,一提到囡囡Kelly就非常高興。嘉欣話囡囡開始識得叫媽媽,自己當時聽到,開心到嗌咗出嚟。雖然做咗媽媽,但嘉欣話因為自己太鍾意娛樂圈工作,所以會一直接Job,仲話唔介意同埋囡囡一齊拍廣告。

 

 

 

透露囡囡先叫媽後叫爸

鍾嘉欣 同名模Ana R.喺中環出席ILLUMA奶粉品牌活動。每次講到囡囡Kelly就非常高興嘅嘉欣,今日都唔例外!嘉欣指九個月大嘅囡囡,每日都有好大變化,自己好鍾意幫佢扮靚,仲會一齊著母女裝。嘉欣仲開心透露囡囡已經識得叫爸媽:「我好記得4月17日係佢第一次叫媽媽,4月22日就叫Daddy。」

CASTUNGSTAR5945460 拷貝 DSTUNGSTAR5945428 拷貝

囡囡叫媽媽 開心到嗌出嚟

問到嘉欣聽到囡囡叫媽媽有咩感受,佢話開心到嗌咗出嚟,不過就有啲疑惑囡囡係咪真係叫自己。嘉欣解釋因為自己會叫囡囡食mum mum,所以唔知囡囡係叫緊自己定係想食mum mum。後來發現原來囡囡真係叫緊媽媽,因為當自己行開時,囡囡就會叫,仲話冇諗過囡囡會嗌媽媽先,不過老公都冇因為咁而呷醋,仲話最緊要囡囡健康。

CSTUNGSTAR5945460 拷貝

唔介意同囡囡「母女檔」拍廣告

雖然嘉欣做咗媽媽,但佢就話自己好鍾意娛樂圈工作,所以會一直接Job。嘉欣仲話自己啱啱先為《溏心風暴3》錄咗首英文歌,不過已經兩年冇錄過歌,自己需要啲時間去適應返。講到唱歌,嘉欣就話自己已經作咗好多首兒歌,當佢朝早起身,見到囡囡笑或者流口水,就會好開心,覺得好幸福,所以就作咗首《媽咪朝早起身就望住我》。問到會唔會同囡囡一齊「母女檔」接Job,佢就話同老公商量過,如果係啲好品牌(廣告),都可以考慮下,當作留念都好。

CTUNGSTAR5945425 拷貝DSTUNGSTAR5945428 拷貝

螢幕快照 2017-05-26 下午3.39.15

遺憾未能見證姨甥女出世

提到嘉欣最近屋企再添新成員,佢就話自己做咗Auntie,BB係家姐嘅。仲話好遺憾之前家姐生第一胎時,自己見證唔到BB出世,以為今次家姐生第二胎都會錯過,點知自己趕得切搭飛機返去見證到BB出世,覺得好開心。後來又表示自己之前因為忙於工作,所以錯過了好多,日後唔想再錯過屋企嘅緊要事。

FSTUNGSTAR5945411 拷貝

螢幕快照 2017-05-26 下午3.40.45

 

關鍵詞
鍾嘉欣

更多精選內容