適合一家大細出遊地:  澳洲 親子自遊行之Sydney公共交通攻略

適合一家大細出遊地: 澳洲 親子自遊行之Sydney公共交通攻略

日本、台灣等地相信好多朋友都介紹過十分適合親子行,如果大家想去遠小小,探索下地球嘅另一端,同小朋友一起看世界, 澳洲 都可以話係一個不錯嘅選擇。當然啦,長途機亦都係一個挑戰,但我們都走過來了,其實又沒有想像中的困難,但無可否認,2打2的情況之下的確係有點狼狽,但係爸媽都不怕累、不怕辛苦。


Sydney嘅交通主要可分為City Rail火車、Light Rail輕便鐵路、Ferry渡輪、Bus巴士,其他當然還有Taxi,仲有免費的觀光路線巴士555號啦。

其實悉尼不大,如果只在市中心的觀光點,建議大家都可以多加利用公共交通工具,亦是對當地一個不錯嘅體驗呀。因為我地另外有再去近郊輕鬆咁玩下,所以有幾日租車出行,又是另一番不錯嘅體驗。

首先火車主要遊走巿中心至巿郊的主要鐵路網。我們抵達悉尼機場之後就直接購買Opal Card,最方便就係唔洗煩到底應該買咩票種,因為Opal Card會自動計算你搭嘅時段同距離去幫你計費車費,呢張Opal Card就好似我地香港八達通卡,只要一張卡就可以支付各大交通工具嘅車資。


想話定比大家知Opal Card,滿8次Journey之後,只要在同一個星期內你其餘嘅交通就係免費啦,另外仲有就係每日最高上限係AUS$15,簡單d來講,即係你用Opal Card搭乘大眾交通金額到AUS$15,之後就唔洗再扣款啦!

而張Opal Card本身係免費的,唔同香港的,唔需要比deposit,基本上好多地方都可以增值,只要至少儲值AUS$10嘅倍數就可以了。記得一要Tap On同Tap Off,如果係巴士就係上車個時,係前面(司機旁邊)Tap on,落車個時,前後(中門)都可以Tap off。

我地由機場出返市中心都係直接買Opal Card坐火車去Central Station,時間好快,20mins左右。但車票就係AUS$17,所以如果你係機場出市區係打算坐火車,增值時就預多小小啦。

同樣,市中心亦可以住返火車去機場。


另外,Light Rail輕便鐵路,就係巿中心(CBD)內行駛嘅短程鐵路。亦都係去Fish Market最方便嘅交通工具。



一樣都設有關愛位置,坐椅係可以摺合的,如果有需要泊BB車等就可以摺起該區嘅座位。


而巴士可以話係補充火車網絡,巿中心和社區之間的連接工具。我地去Bondi Beach都係坐巴士的,巴士真係好便民,BB車係唔洗收車就可以推上巴士。佢有一個area係for泊disable car 同BB車,坐椅係可以摺合的,如果有需要泊BB車等就可以摺起該區嘅座位。

佢地亦設有Courtesy Seat關愛座,鼓勵大家讓坐比有需要嘅朋友。

而巴士亦有sign提醒大家唔好站立係前門出入口位置,因為前門上落處係可以load底d,方便有需要嘅車仔上落。


不得不讚嘅就係 澳洲 國民真係好禮讓,而且我地遇到幾位司機先生亦會大聲提醒其他乘客,先讓BB車上車settle好先,再到其他乘客上車,真心喜歡悉尼的巴士,十分便民!

跟香港一樣都係預先按bell下車的!

悉尼著名嘅當然有Ferry渡輪啦,係可以近距離欣賞歌劇院同大橋嘅交通工具,渡輪亦係連結巿中心和外島的主要交通工具,如果想同小朋友去Tangora Zoo都可以坐Ferry呀,不過要留意返來回的班次以免miss咗尾班船唷。

還有就是Taxi不用介紹太多,就按標付款。水上Taxi的收費,大家可以參考一下。

基本上市內就用以上交通工具可以方便到達,只係有時坐City Rail推住孖B車要搵lift可能要行得比較遠,所以我地特別坐當地嘅巴士,真心讚!

Opal Card Web Site: https://www.opal.com.au/

其他嘅遊記我會慢慢再為大家補上!

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]

更多精選內容