《關你家事》 肥媽 聲淚俱下哭訴被前夫家暴

《關你家事》 肥媽 聲淚俱下哭訴被前夫家暴

肥媽,你想起的是她兒孫滿堂,唱歌好好氣同「食平啲」系列!不過,一向開心果形象的肥媽,登上由江美儀、麥長青及林盛斌(Bob)主持的無綫新節目《關你家事》(將於下星期播出),在節目上分享鮮為人知的家事, 肥媽 聲淚俱下,說出自己曾遭家暴,未播已經引起全城討論!

 

撰文:Sunday Kiss

 

肥媽 上全新節目講家事

由江美儀及麥包等主持的《關你家事》以探討時下家庭經常遇到的事情,如家暴、出軌、逃婚和遭拋棄等貼地話題,討論大家應該如何面對。

11

肥媽 曾慘家暴

《關你家事》宣傳片中一大亮點,就係 肥媽 講到痛哭流淚的一幕!觀眾平時見到的都係 肥媽 強悍一面,或者同六號(陸浩明)嘻嘻哈哈教煮餸,你又點估到佢曾經係家暴主角?事緣18歲那年, 肥媽 嫁俾比她年長22年的菲律賓酒廊琴師,對方家境平俗,家 庭經濟全靠肥媽支撐,養活一家八口。

1111

12344

前夫曾偷食女傭

肥媽透露前夫婚後一年即失業,每月攤大手板問佢攞錢,每次出糧都要成個糧袋都交俾對方,但每每未到月尾就已經花光。所以肥媽的子女們都勸佢離婚,認為如此下去肯定冇前途。肥媽仲話前夫曾偷食家中女傭,令對方懷孕,衰到冇人有!

12222 1222

拳打腳踢 出刀仔

以為咁樣做已經夠賤?低處未算低!當前夫覺得肥媽自力更生,佢就想完全控制肥媽,不時拳打腳踢,連刀仔都出埋!只求打到你服。好彩肥媽夠健碩,擋到 幾下刀攻拳踢,不過咁做已經傷透佢心,更對小朋友造成好大影響。雖然已經過去多年,但肥媽在節目中重提呢段慘痛經歷時都忍唔住爆喊!

111

 

幸好肥媽現任老公Rick對佢極好,令佢重拾信心,現時肥媽有6個仔女、13個孫,得閒登台得閒弄孫為樂,總算苦盡甘來!

{"IPTC-DATA":"NMG","data":{"photoID":2156597}}

{"IPTC-DATA":"NMG","data":{"photoID":2156589}}

肥媽(Maria Cordero)早前再婚,一對璧人飛到拉斯維加斯舉行婚禮,同行有20位親友見證,肥媽更在婚禮上數度爆喊,新郎哥是誰?其實都是同一個男人——結婚15年的丈夫Rick,兩人已是第三次行禮,還連搞兩年。

同一個老公 肥媽 嫁三次

第 一次是肥媽和Rick正式結婚,當年家有白事沒擺酒,肥媽的外籍奶奶一直耿耿於懷,所以年前兩人為老人家補擺喜宴,今次則是Rick為鼓勵老婆而辦。早前 肥媽發現子宮生瘤,需做手術切除子宮和卵巢,手術前Rick揚言再娶她,推動肥媽極速康復。一場手術拉近了兩人關係,一對加埋百幾歲的「新人」再度 行禮,恩愛得如新婚一樣。

869C_KissCover_resize

14_171_170k_sundayfamily

手術後沖喜再婚

2_171_170k_sundayfamily_resize

為滿足奶奶心願,兼替老公沖喜,早前決定補擺喜酒,「我老公屬豬,嗰年又唔係咁好,睇相佬話最好辦喜事,本來叫啲仔結婚,又推話之後,唔知幾多年後,咁是但啦,我自己嚟囉!我奶奶都好大年紀喇,唔斟俾佢飲等幾時?斟唔到咪大鑊!」喜事唔嫌多,早前肥媽發現生子宮瘤,要做大手術切除子宮和卵巢,今次輪到老公為她 沖喜,肥媽說:「我入手術室前,老公叫我唔好驚,我係好驚㗎,成晚睇佛書。我朝早七點幾做手術,老公安慰我話無事嘅,你出番嚟我再娶你做老婆,幾時我都娶 你做老婆,我就笑問係咪真㗎?佢話係!我醒咗之後,第一件事就問佢『係咪結婚呀?』」

計劃第四次結婚

4_171_170k_sundayfamily_resize
在肥媽60大壽前夕,與Rick雙雙步入拉斯維加斯教堂行禮,邀請20名親友見證,包括好友劉雅麗。兩人第三次結婚,依然感動得如新婚般,淚流披 面,肥媽指該次由老公一手包辦,「拉斯維加斯好正,樓上做騷,樓下係成個教堂,教堂二樓可以買戒指,我老公安排買戒指、訂婚紗,老公未見過我件婚紗,我又 未見過老公件衫,當我一開門出來,我老公見到我着嗰件婚紗好開心,佢一路喊,喊到好似新婚咁,仲有見證我哋嘅人都喊,嗰種喊係喜悅,好難得兩個人百幾歲, 再由頭行過婚禮,真係好開心。」肥媽想起結婚的喜悅,食過番尋味,正計劃第四次結婚,「我老公話人哋回教可以結四次,我都結咗三次咯,我俾老公做回教人結 四次呀,但娶親個老婆都係我咋嘛!」

3_171_170k_sundayfamily_resize

仔女是怪獸家長

8_171_170k_sundayfamily

現時肥媽與老公和奶奶三個人在大埔住,一眾仔女和孫兒早已搬離,原來他們都好現實,為入名校搬到尖沙咀、銅鑼灣及中環等名校區,「有拔萃、St. Paul’s、St. Joseph’s,香港政府迫人哋分開囉!呢一代讀書好陰公,數學有數學老師補習,國語有國語老師,英文有英文老師,又彈琴又運動,依家啲細路一出世就返 工,發癲㗎,個個都話考狀元!」肥媽只要求孫一代學業合格,反而是仔女要求高,「拎70幾分都要鬧,個個都係怪獸家長!同佢哋講仲話番我,『你唔明㗎喇, 追唔上㗎,同以前唔同晒喇!』咁是但啦,我唔識嘛。」肥媽與孫仔孫女每星期見面,但一到考試期,肥媽不會上門探望,以免他們分心,「我一上去佢哋就冇心機 讀書,個個喺房出嚟嗌『阿嫲!阿嫲!』要同我玩,又俾嘢我睇,最細個孫成日俾手作我睇,其他補緊習都借尿遁出嚟攬吓我。」

9_171_170k_sundayfamily

 

關鍵詞
家暴肥媽

更多精選內容