王祖藍 與老婆大晒凸肚照 網民心急催生B

王祖藍 與老婆大晒凸肚照 網民心急催生B

王祖藍 同太太李亞男結婚兩年多,兩人不時都在社交網站上大放閃光彈。日前,祖藍就喺社交網站上載咗張大肚相,唔通係宣佈有喜?

 

 

上載大肚相 網民催生

王祖藍喺2015年同太太李亞男拉埋天窗,結婚已經兩年多,一直非常恩愛,仲不時喺社交網站上大放閃光彈。日前,祖藍就上載咗張大肚相,唔通係宣佈有喜?咪住先,相入面,大肚嘅竟然係祖藍!祖藍同李亞男一齊捲起上衣,祖藍露出大肚腩,而亞男則露出小蠻腰,點睇都唔似有喜啊!祖藍仲好搞笑地留言話:「成日向我同Leanne催生嘅各界好友,你哋係咪催錯人喇?」一眾網民除咗叫祖藍減肥,仲叫佢哋快啲生返個!

18767689_1322228581187291_2058767001692152937_n

曾自卑而導致分手

王祖藍 同亞男喺06年已在教會秘密撻着,當時祖藍寂寂無名,又怕俾唔對幸福對方,自卑之下,與亞男分手。祖藍曾經講過:「我嗰時係咩啫?兒童節目主持,冇人識,身高又……而佢,華姐喎,又高又靚,我唔敢高攀。佢哋由細到大都覺得係咪要搵個好啲嘅呢?所以亞男都有啲驚。我哋05 年認識,06年決定喺埋一齊,但好快又冇喺埋一齊。」

201201101743400043708555

分手後,祖藍的工作機會接踵而來,事業不斷發展,歌影視三邊忙。09年,祖藍始終都放唔低亞男,之後寫咗一封情信加一隻自己寫嘅歌《跌落凡間的天使》送俾亞男,終於佢哋又走番埋一齊。

{"IPTC-DATA":"NMG","data":{"photoID":2178938}}

台慶求婚成佳話

兩人於2010年11月爆岀戀情,亞男大讚祖藍有責任感,又夠勇表白,而祖藍覺得亞男係好女仔其後五年中他們愛得甜蜜。呢對「長短腳之戀」終於喺兩年前開花結果,祖藍喺無線節目《萬千星輝賀台慶》中,當著全港700萬觀眾面前,跪地向亞男求婚,最後亞男喜極而泣,仲未講我願意就等唔切想戴戒指,場面感動又搞笑。

螢幕快照 2017-02-20 下午5.49.47

454

情人節舉行婚禮

最後祖藍求婚成功,並喺2015年2月14日情人節當日舉行婚禮,邀請咗親友及圈中好友為佢哋簽紙見證,之後喺迪士尼擺酒,真係甜上加甜。

{"IPTC-DATA":"NMG","data":{"photoID":2233859}}{"IPTC-DATA":"NMG","data":{"photoID":2233865}}

{"IPTC-DATA":"NMG","data":{"photoID":2240508}}

老婆入院 自責自己沒陪伴左右

祖藍曾經因爲亞男入院,自己又唔係老婆身邊而感到𤷪。佢覺得點解老婆最需要自己嘅時候唔喺度,佢又因呢件事而好決絕咁推晒半年嘅job。並因呢件事,祖藍先覺得都係屋企緊要,錢搵唔晒嘅!

{"IPTC-DATA":"NMG","data":{"photoID":2233876}}

{"IPTC-DATA":"NMG","data":{"photoID":2452950}}

亞男爆祖藍鍾意放屁

婚後兩人夫妻檔岀席活動又做節目主持例如《蜜月到訪》,亞男仲大爆最唔鍾意祖藍放屁:「佢會喺我面前,扮啲好Cute嘅姿勢,我要放啦!一、二、三!仲要將個Pat Pat放喺我塊面前面放!」祖藍就笑住咁話:「我係教佢咩叫俾人噴到一面屁咋!」

{"IPTC-DATA":"NMG","data":{"photoID":2192905}}

{"IPTC-DATA":"NMG","data":{"photoID":2423004}}

計劃生BB

祖藍同亞男婚後都有共識,有兩,三年嘅計劃生小朋友!數數手指,佢哋都結婚2年啦,喺時候要計劃下啦!另外祖藍話未必可以買到好勁嘅豪宅,但養到一家人唔成問題。祖藍真係一個有責任感嘅人,亞男真係冇揀錯!最近,祖藍同亞男一齊演岀《1+1的幸福》,分享相處之道及少為人知的愛情故事,又甜蜜又窩心,不知不覺成為圈中的模範夫妻。

{"IPTC-DATA":"NMG","data":{"photoID":2423013}}

545

關鍵詞
王祖藍

更多精選內容