林敏驄 自薦彈結他俾Bob囡囡聽 Bob : 唔好啊!

林敏驄 自薦彈結他俾Bob囡囡聽 Bob : 唔好啊!

日前播出的無綫節目《兄弟幫》中,請來「鬼才詞王」 林敏驄 做嘉賓,不過就火藥味十足,一開波,Bob介紹今集嘉賓時,已被林敏驄摑臉。阿驄爆Bob遲到之餘,又話去Bob屋企彈結他俾佢啲女聽,嚇到Bob即刻耍手擰頭!

 

撰文:Fiona Fong、東方新地
相片:MYTV節目截圖、新傳媒資料室

節目開波無幾耐, 林敏驄 就爆Bob遲到,好過份。而另一位主持陳國峰仲話:「未夠!58分鐘啫!」Bob當時就話自己:「我無遲到,係你早到咋喎!」

螢幕快照 2017-06-02 下午1.28.30螢幕快照 2017-06-02 下午1.29.02

有人就留言話Bob遲到仲死撐,不過Bob就堅稱自己無遲到!

Clip_5

Clip_6

Bob又特別喺自己Page發文,大家都係為咗節目氣氛,只希望觀眾睇得開心!

螢幕快照 2017-06-02 下午1.12.01

節目中,Bob又大讚林敏驄手結他勁,阿驄即刻話:「去你屋企彈俾你啲女聽!」Bob耍手擰頭回應:「唔好搞我啲女啦!驄哥!」有網民表示覺得Bob好緊張好錫啲女!

螢幕快照 2017-06-02 下午1.54.42

螢幕快照 2017-06-02 下午1.55.47

螢幕快照 2017-06-02 下午1.56.01

寧願你覺得我假

早前,Bob接受《東方新地》訪問時,被問到而家紅咗會唔會迷失同囂張, Bob 就話覺得自己處理得幾好。佢話以前做司儀試過喺垃圾房嗰條後巷食飯、換衫等出場,到依家,對呢啲嘢有多少少要求,會要求可唔可以安排間房,過澳門做嘢, 要求安排豪華位,坐得舒服啲、休息吓,但遠遠未去到囂呢一個字。Bob謂:「我老婆有講過,佢話:『你注意吓,你依家嘅氣場同以前唔同咗,有啲人會覺得你惡咗,因為你依家比以前嘅影響力大咗少少,你嘅知名度又高咗啲,你應該更加小心啲!』所以我會好小心,我寧願你覺得我假,我都唔想你話我寸。」

9479

Bob 表示唔覺得自己紅,只係機會多。他解釋自己扮嘢無咩底線:「覺得有時反串吓、扮吓騎呢,個客又會開心啲,觀眾又覺得好笑啲。而且身處娛樂圈目的係娛樂人,唔使有太多框,件事係善意,相信好多artist係唔介意你扮佢。但當然要尊重返個artist,好似扮家燕姐,唔會做啲色情嘅嘢,唔會做同佢個人好違背嘅嘢!」不過,Bob雖然堪稱新一代扮嘢王,但他仍有自己的原則,他謂:「如果你要我扮傷殘或者弱能人士出嚟引人笑,而唔係做緊戲,我會覺得有問題,我唔會做,喺唔好傷害到人嘅情況下,為我嘅底線。」玩… 都只是想帶給人歡樂,切勿將歡樂建築在別人的痛苦身上!

屋企人係底線

Bob 覺得自己並非合格的老公同爸爸,因為自己忙,結婚十年都冇同老婆去過一次旅行,所以早前適逢到日本出席朋友婚禮,同老婆留多幾日玩吓。「作為老公、爸爸,畀到舒適安穩嘅生活,我覺得我都OK、優良,但時間付出,真係唔合格。」

因為自己陪佢哋嘅時間已經少,如果仲擺出一副訓導主任嘅嘴臉,小朋友會覺得個老竇好冇癮。所以 Bob 老婆係屬於訓導主任多啲、嚴厲啲, Bob 就屬於「康樂組」,阿媽唔畀食嗰啲違禁品,薯片、可樂、雪糕同爸爸出到去就任食。

18768640_10155417814829413_5603283634987442429_o

提及有網民留言攻擊他「生啲女都係個樣低低地⋯⋯無仔送終」,口不擇言,但身為公眾人物的Bob,回應成熟穩重又不失保護家人的一面,不少網民大讚他EQ高。 Bob解釋那次看到這個留言,覺得太過分,而「家人」亦是他的底線,他略帶激動反擊:「話『見到我想嘔,見到呢個肥仔想死,吔蕉啦!』我OK,但都唔使話我幾個女個樣有問題,話我冇仔送終,做乜嘢呀?傷害到我屋企人係我嘅底線,有啲朋友話已經起咗佢底,我話唔好呀,佢咁攻擊我,你又攻擊番佢,咁同佢咪一樣!」

b2
近日回應網民攻擊性留言,被指EQ高。

冇刻意追仔 亦無意封肚

Bob 近日宣佈太太懷B仔五個月,佢話收到多謝好多朋友、家人、網友好多祝福,覺得好開心。被問到點解懷孕五個月先講,係因為佢同太太都想穩定啲先講。「因為舊 年十月都試過有BB,但陀咗兩、三個禮拜就小產咗。今次係囝囝,但真係冇刻意嘅心去追仔,所以冇特別話要封肚,可能生完遲啲覺得身體狀態、心理狀態許可, 再生都未定,因為我同太太都非常鍾意小朋友。」

b6
育有三女的Bob,近日宣布太太懷B 仔五個月。

住加多利山 希望太太小孩住得開心

Bob 對加多利山呢個地方好有fantasy,「我同我太太搬出嚟住,住喺女人街,一個百零二百呎嘅單位,嗰時已經會睇吓樓,太平道、勝利道,如果再貴啲呢?加 多利道,邊個住?劉德華、陳慧琳⋯⋯已經有fantasy,到我慢慢買啲物業,家庭成員又再多啲,要搬大啲,我同地產經紀講想要大啲嘅單位,唔介意租,佢 問我睇唔睇加多利山,去到,一打開門,幾個女周圍走,『嘩,好大呀!』已經講晒邊個瞓邊間房、邊度可以擺滑梯,我老婆識少少風水,一望個廚房,直情係佢夢 寐已求,因為女人喺間屋有冇地位就係睇個廚房,佢又鍾意煮嘢食,跟住問幾多錢,諗一諗,租啦,搵得番嘅!」 Bob 就表示唔係要攀附咩貴價地方,而係希望太太住得開心,幾個女多啲活動空間。作為老公有時返到去,屋企人已經瞓晒,打開房門,見到三個女瞓到好冧、老婆好歎 咁,就覺得,作為老公、爸爸,令到佢哋有開心、舒適生活,自己都會感動。

b4
最近趁出席友人婚禮,跟太太順道遊日,「十年嚟,最遠同佢去過澳門,(太太)咁都忍到,認真唔話得!」

4女1仔大壓力 為屋企人捱落去

養 小朋友係一個好大壓力嘅事,何況係5個小朋友。 Bob 就話,唔係計一個月要有幾多支出,要搵幾多錢嘅收入,而係呢行係,當你行得正企得正,唔知做錯咗咩或者講錯一句說話,可能半年或者幾個月冇嘢做,突然受 傷,手停口停,呢個壓力係好大,所以自己好積穀防饑,儲錢又好、投資啲磚頭收租,都係想有穩定嘅收入,就算明知個job辛苦、好難做、唔多錢,但個機會係 會令到自己再上一級、進步,佢都會做,呢樣嘅壓力係大,但係成個家庭真係好需要自己,所以要頂住,唔可以冧落嚟。

b5
1家5口就嚟變做1家6口

更多精選內容