童年缺乏父愛 麥包:原來佢欠我嘅,還喺我個仔身上

童年缺乏父愛 麥包:原來佢欠我嘅,還喺我個仔身上

無線新節目《關你家事》除咗每晚會分析不同家庭問題之外,主持之一的麥長青( 麥包 )日前更於節目中分享個人經歷,指小時候不但缺乏父愛,更差點被「賣」掉。

 

 

撰文:Sunday Kiss
圖片:《關你家事》截圖、新傳媒資料庫、Clay Lam(部分相片由受訪者提供)

童年缺乏父愛

主持無線新節目《關你家事》的麥長青( 麥包 )於節目中分享自己童年時缺乏父愛,他指小時候自己在內地長大,父親則在香港工作,兩人長期分隔兩地,一年只有十多天見面的時間,所以內心非常羨幕其他小朋友能擁有跟爸爸「騎膊馬」的時間。

麥包指細個數學好差,為了得到父親的讚賞,有一年就好努力讀數學,考到80幾分,佢媽媽將份卷貼在床頭,但是爸爸一眼都沒望過,從此以後,他就不再認真讀書,直認小時候較反叛。

直到數年前,麥包跟爸爸帶同麥包的兒子一同到主題公園遊玩時,年長的父親竟將自己6歲大兼胖胖的兒子放到膊頭上「騎膊馬」,他擔心地跟父親說:「你唔好玩啦,老豆,你條腰頂唔順!」,父親回應:「唔緊要啦,佢鍾意呀!」麥包指那一剎自己終於釋然,直言:「原來佢欠我嘅,佢還喺我個仔身上!」

險被親人「賣掉」

另外,有觀眾分享父母與子女相處之道時,觸發到 麥包 童年時另一個陰影。他指當年嫲嫲想將自己轉送給別人,是他的媽媽堅持將自己留在身邊,他非常感激母親當天的決定,眼濕濕的說:沒有她的愛護,自己未必有今日的成就。

人生有家庭才會完滿

麥包是一名思想傳統的爸爸,育有一子一女的他,對15歲細仔振瑋(Wayne)的要求亦比18歲大女淳琳(Shannon)高,「教仔係要佢學識自立、堅強,跌低要起番身。」麥包與太太林孜(Allison)結婚18年,一家四口生活美滿,他覺得人生要有家庭,才會齊整和完美,如果每個家庭都老老幼幼,齊齊整整,世界就會美麗得多。

12

錫個女多啲

俗語有云︰「女兒是爸爸的前世情人。」麥包坦言比較疼錫大女淳琳,希望她細心聽話,將來嫁到好人家,「仔女始終都唔同,有唔同錫法亦有唔同教法,我比較傳統,覺得男仔始終要孭起頭家,女仔就始終想佢斯文啲、聽話啲、細心啲。同埋女仔都係要錫多啲嘅,因為第時佢要嫁人啦,希望錫佢嗰個係佢老公嘛,我仲可以鍚得幾耐吖?所以我想喺仲能夠錫佢期間就錫佢多啲啦!」他強調此舉並非偏心,只希望培育細仔振瑋有學識、能堅強自立,將來做個真男人。

4
麥包形容與囡囡的關係好微妙,有時跟阿女鬧交唔睬大家,就像情人鬥氣冷戰。

麥包雖然錫女,但淳琳始終是大家姐,比細佬大三年,麥包對淳琳比較多說教式訓話,「以前阿仔細個未明,所以我話個女多啲,阿仔就成日喺隔籬睇,佢見到家姐做完俾我話,咪醒啲唔跟住做囉。」

跟爸爸開工 讀書開竅

父母縱容多有反效果,麥包坦言過去對大女太寬鬆、太放縱,學業成績一般,幸好她長大後自己識諗開竅,才令他鬆一口氣。「我一直都冇迫佢讀書,結果佢細個好心散,太放鬆,一捉番緊佢就搞到大家都辛苦,好彩近年佢開咗竅,明白真係要俾心機讀書,呢個係我好彩。」

cats
振瑋形容家姐為「唔識管家的管家婆」,乜都想幫弟弟安排和管理。

女兒突然開竅,或許跟過爸爸開工做助手兩個月有關,「開頭佢係貪得意想見識吓,佢跟咗我兩年,尤其第二年嗰兩個月,佢見到我做嘢辛苦,見到我嘅工作態度,的確影響咗佢,令佢待人處事都成熟咗,連讀書成績都好咗!」

5
兩姊弟自小糖黐豆,有段時間曾經水溝油,但經了解後感情更深厚。

淳琳過去成績一直處於中下游,現在成績突飛猛進,考到前列位置,麥包有感女兒終於有盡力。「佢知道自己原來係得嘅,老師都好錫佢,以前我成日um佢『你俾心機讀書就唔會差嘅。』依家印證到,佢開心我又開心!以前我要成日叫佢溫書、做功課,依家調番轉叫佢唔好溫,去瞓啦!」

學習不要輕言放棄

管教仔女讀書不能過度寬鬆,亦不能太緊,尤其幼稚園時期應該輕鬆發展,直到小三四開始慢慢收緊。「依家啲細路幼稚園已經學好多嘢,我係唔贊成,除非佢哋自己想學,佢哋細個想學咩我就俾佢哋學。」

1

細個要發掘興趣,盡量讓他們多嘗試,而隨着年紀長大開始選定重點學習,再考慮長遠發展,麥包就希望他們不要輕言放棄一個興趣、一項技能。「有時佢哋學學吓話唔想學,我會反問番佢哋覺唔覺得可惜?好似佢哋學琴已經一段時間,我想佢哋考琴,可能對將來有用喎,得就得唔得就算,冇壓力嘅,我只係想佢哋俾心機做一件事,咁大個仔咁大個女,應該要向父母有個交代,得唔得都俾個交代我吖,睇吓你哋自己學到咩成績。我冇資格評價你,由老師或張cert去評價你。」大女已經停止學琴,細仔仍繼續,「阿仔音樂天份較高,個女就畫畫好啲。」麥包說。

8
麥包教仔滿口道理,振瑋笑爸爸「古董化」,不夠新潮,麥包反駁說︰「係咪要rap住嚟話你?」振瑋點頭同意︰「可以的話都唔錯。」

小朋友要有童年

大部分家長都希望仔女有個快樂童年,但又不能忽略學業,太寬鬆又怕成績低落,派不到好學校,心情都幾矛盾。麥包覺得兩者一定要做到平衡,在女兒身上自己也做得未夠好,但很安慰女兒有個快樂的童年。「如果小朋友諗番童年時,原來係冇童年,記憶中只有不停學嘢,咁佢會好唔開心。」

10
阿仔話鍾意睇爸爸做壞人,最愛非凡哥,「佢做好人就覺得佢好假!」

麥包認同讀書也是求分數,出來社會工作,一張亮麗成績表的確有助搵工,但長遠要發展事業有所成就,有齊成績、IQ和EQ三個條件,就能快人一步理想達到。「我唔想迫得佢哋太犀利,或者俾太大壓力佢哋,但當出嚟做嘢時,評定一個人嘅準則就係成績表。你話成績表重要又得,唔重要又得,因為你所讀嘅科目未必同你將來工作有關,但成績表可以界定你做咩職級,入邊個門檻嘅通行證。除咗成績之外,如果你IQ同EQ都比人哋叻嘅,咁你就可以快啲到達目的地啦!所以成績、IQ同EQ都同樣重要!」

9
振瑋爆爸爸的壞習慣,除咗在屋企懶惰之外,仲鍾意食飯時去廁所,「佢一去就好耐,人哋食完飯先出嚟,仲話啲飯凍晒點食呀!」麥包反駁阿仔,「食飯你走去打機!」

積極行善培養惜福之心

十多歲的仔女早有惜福之心,振瑋都不敢向父母要求太多,連父母主動購買也耍手擰頭,振瑋說︰「我覺得自己好幸福,因為我得到嘅嘢已經比人多,有時父母問我買唔買嘢,我都覺得好尷尬,唔可以好快答佢哋yes or no,佢哋反而覺得我有問題。」麥包聞言覺得安慰︰「我冇講過爸爸搵錢辛苦呢啲嘢,我亦冇同人比較,細個我只會講當我有能力時,我會將最好嘅嘢俾你,但我唔知自己幾時冇能力。」

15
兩姊弟偶有爭執,不理解對方的想法,麥包會勸兩人要互相體諒,並講出大家的出發點,讓他們慢慢反思。

麥包對仔女也充滿期望,首要一家人身體健康,才有能力談其他。「我細佬都因為身體問題而離開,身體健康係最重要,我希望仔女會做個正直嘅人,幫唔到人都唔好害人。其實作為一個正常人,我對佢哋已經滿意,但作為爸爸,對佢哋嘅要求會高過人哋,我覺得佢哋仲有不足之處,好似懶惰啦,希望佢哋學多啲嘢,做人有尊卑道德、有禮貌,我會繼續鞭策佢哋。」

13
一家三口日前到昂坪360參觀,現忙於做生意的麥包話好耐無帶成家人去玩了。

關鍵詞
麥包

更多精選內容