好媽媽 唐寧 分享:探索世界比讀名校重要

好媽媽 唐寧 分享:探索世界比讀名校重要

童星出身,現年35歲的 唐寧 ,2010年與年長13年的舞台劇才子鄧偉傑結婚,育有一對子女。婚後相夫教子,甚少參與幕前演出的唐寧。近日憑著電視劇《蘭花刼》再次成為網民熱話,怎料在昨夜凌晨時份,其經理人在社交網站上宣佈 唐寧 與鄧偉傑決定離婚,並表示一對子女將由 唐寧 照顧,夫妻共同撫養。 唐寧 雖然離婚,但 她一向是位好媽媽,親自買餸煮飯又不時陪子女出國看世界,她曾經向我們分享育兒之道,並謂:「名校唔重要,最重要探索世界!」

 

圖片:TVB.com、唐寧Instagram & Facebook、新傳媒資料庫

唐寧離婚 雙方承諾共同撫養子女

唐寧於2010年低調與舞台劇才子鄧偉傑結婚,育有一對子女。婚後專心相夫教子,主力照顧子女,甚少出現在螢光幕前,直至15年才開始復出拍劇。唐寧更因近日播出的《蘭花刼》,而再次成為網民熱話。本以為家庭事業兩得意,但昨夜凌晨時份,其經理人突然在社交網站上宣佈唐寧與鄧偉傑決定離婚,並指一對子女將由唐寧照顧。其經理人表示二人在去年已分居,並決定今年辦理離婚,子女會跟隨唐寧生活,但雙方亦承諾共同撫養。

家庭相無鄧偉傑

唐寧甚少提及另一半,但見她不時於社交網站上分享一對子女的生活相,並不時帶他們出席活動。昨晚唐寧亦上載了一張母親和仔女的合照,並留言:「母親大人,生日快樂,我愛您。」但就未有發佈有關離婚的消息。

螢幕快照 2017-06-08 下午12.56.55TUNGSTAR5763816 拷貝

sTUNGSTAR5763814 拷貝

童顏母親 分享心得

2010年11月,唐寧與年長13歲的舞台劇演員鄧偉傑結婚,翌年3月誕下兒子俊俊,並於2015年誕下女兒嗡嗡。唐寧雖已身為人母,仍一臉童顏,但是當她頭頭是道、條理分明地分享育兒心得時,便發現她原來已經不是小孩子了。早前她在香港電視跟林嘉華合作電視劇時,當然有請教他教仔心得,她說:「佢(林嘉華)講好多道理,例如父母要同小朋友做朋友,同時要佢明白父母係 家長,要有基本尊重。嘉華哥仲教我,一定要話俾小朋友聽,無論發生咩事,屋企人都喺佢身邊。惡係冇用,惡只會令小朋友咩事都唔同你講,或者講大話。即使發生大件事,你好想鬧佢,都要控制自己情緒,聽佢解釋咗先,然後話OK,我哋一齊處理啦,咁小朋友先會放心同屋企人講嘢。」

公園、遊樂場代替Playgroup

兒子俊俊以前一直沒上playgroup,由父母親自教育,唐寧最常帶他到公園及室內遊樂場,接觸其他小朋友學習人際關係,「我最鍾意帶佢去將軍澳坑口嘅兒童遊戲室,喺市政大樓入面,好大間、有樓梯走上走落。可能近西貢,有好多唔同類型嘅人,包括外國家庭,仲有大大小小嘅小朋友,俊俊會同佢哋傾偈、一齊玩,返playgroup接觸嘅小朋友仲冇咁多元化㖭。」

13256694_1557055067922498_772138190_n

名校唔重要最緊要開心

當年為兒子選幼稚園時,唐寧指:「名校唔重要,我自己都唔係名校出身,讀名校壓力一定大。我同家人諗法好接近,希望搵間活動教學同環境優美嘅學校,有一間我好鍾意,有沙池、大草地,著重小朋友探索。我自己住新界區,好鍾意大自然,小朋友除咗喺課室接受教育,都要接觸世界。」如今囝囝俊俊已經小學,對於選校,她依舊堅持自己的原則,不會盲目跟隨主流思想,最緊要係囝囝讀得開心。

不反對兒子做童星

唐寧與丈夫鄧偉 傑渾身演戲細胞,大有可能遺傳給俊俊,有次唐寧在刨《警界線》劇本,見俊俊充滿好奇,便演繹幾場戲給他看,「我抽咗場警匪搏鬥場面做,佢係咁笑,可能見到我好用力演,哈哈!劇本白紙黑字佢未有太大興趣睇,鍾意睇我做戲多啲!」她坦言不介意俊俊步她後塵做童星。講故事氹孩子,每個家長都會做, 唐寧夫婦更得演繹故事,「我哋會為唔同角色扮晒聲,自己都覺得好好玩!佢最鍾意我哋創作嘅生活化故事,加入咗好多佢鍾意嘅元素,例如佢好鍾意搭車,我會講 『今日俊俊起身後,我帶佢搭巴士,點知冇巴士喎,要過去等小巴⋯』故事中佢不斷聽到自己鍾意嘅嘢,就好有興趣聽落去。」

13269548_206717546388297_491697207_n

更多精選內容