黃寶欣 :仔女想我復出 猛叫我練歌上節目

黃寶欣 :仔女想我復出 猛叫我練歌上節目

最近一集《流行經典50年》入面, 黃寶欣 同鄭敬基事隔30年在電視上再度合體,唱出經典合唱歌〈 酒杯敲鋼琴 〉喚起唔少觀眾的回憶,好多觀眾大讚 黃寶欣 同鄭敬基仍然非常合拍! 黃寶欣 自1997年全職做保險之後離開娛樂圈,育有一仔一女,做咗10年嘅全職主婦最後離婚收場,而家轉型從商賣蛋撻。黃寶欣 曾經係電台節目披露當年淡出樂壇嘅原因,亦承認同初戀被捧打鴛鴦事。

撰文:Sunday Kiss

圖片:TVB《流行經典50年》截圖、新傳媒資料庫、商台節目《1圈圈 星光背後》

〈 酒杯敲鋼琴 〉街知巷聞

現年已經50歲嘅 黃寶欣 ,當年同鄭敬基合唱〈 酒杯敲鋼琴 〉唱到街知巷聞,因為依首歌佢哋被認為係樂壇情侶。時隔30年再度喺電視機前合唱,唔少觀眾都話佢嘅唱功零瑕疵,仲話希望佢可以復出添!其實之前佢接受訪時都講過,自己就無意復出,不過一對仔女都好想媽咪重現舞台,仲係咁叫佢練歌上呢個TVB節目。所以今次靚聲再現,要多得寶欣一對仔女!

淡出樂壇因沒有突破發展 承認曾被捧打鴛鴦

黃寶欣 早前喺商台節目《1圈圈 星光背後》透露當初入行曾經同一名男歌手相戀,後來二人被唱片公司棒打鴛鴦,男方更加被雪藏,事業受阻。而當時嘅依一位男歌手,就係黃翊。黃翊當時同也是身為歌手的 黃寶欣 兩情相悅,但當時唱片公司迫黃翊分手,他選擇了愛情堅持同初戀女友拍拖,認為不能叫他分手就分手,最後被公司雪藏。雖曾往內地登台,但收入不足以維持生計,遂淡出樂壇。黃翊與女歌手 黃寶欣 拍拖而放棄大好前途,惜最終分手收場。

_J3A4631
黃翊

黃寶欣 直言覺得1997年當時覺得自己在娛樂圈再沒有突破發展,毅然轉投保險決心絕跡幕前。

經歷婚姻失敗 對感情失去信心

離開娛樂圈之後, 黃寶欣 下嫁圈外商人並且育有一子一女,為咗一對子女更加做咗10年全職主婦,但換嚟離婚收場。 黃寶欣 經歷婚姻失敗重投社會工作,佢坦言對感情失去信心,更沒辦法可以全心全意對一個人,所以暫時不會開始任何關係,會專注事業。

無悔黃金時間花在子女身上

黃寶欣 同前夫生咗一仔一女,大仔而家係美國讀大學,囡囡今年亦已經16歲。黃寶欣 認為「仔大仔世界」,2個小朋友已經大個可以自理,係時候要為自己打算,所以決定要專注係事業上面,將全副精神由子女身上轉移到經營蛋撻店。黃寶欣經營嘅蛋撻店,獲得唔少圈中人嘅支持,除咗周潤發(發哥)、劉青雲等,仲有鄭敬基幫她宣傳!雖然同前夫婚姻唔美滿,但係身為單親媽媽嘅佢就認為同子女要多啲溝通,多啲花時間相處,先至可以建立良好嘅親子關係。黃寶欣 亦無後悔自己嘅黃金時間全部花係一對子女嘅身上。

黃寶欣經營嘅蛋撻店
發哥都支持

更多精選內容