自家製香滑 豆腐花

自家製香滑 豆腐花

喺屋企都可以做到香滑 豆腐花 ,跟足份量就可以做到,今次減了食用石膏粉份量,都可以做到豆味濃滑豆腐花, 冷熱都一樣咁好味!

 

 

 

對不起!因之前打錯鷹粟粉份量!(正確是鷹粟粉:1.5茶匙)

內容材料已更新,請在下面內文看看,片段中的字改不到!真的對不起!

 

材料:份量~約4至5碗

黃豆 130g
水 1200ml
大魚湯袋 1個
食用石膏粉 1茶匙
鷹粟粉 1.5茶匙
水 30ml

做法:

將黃豆用水洗淨,然後用水最少浸8小時或過夜,備用。
浸透黃豆及水用攪拌機打爛。
打好了的豆漿倒入魚湯袋隔豆渣。
之後用工具隔走上面的白色泡沫。
然後豆漿用大火煮滾, 滾起之後即時轉細火,煮佢15分鐘,煮時久不久用木棒攪勻,否則會黐底及煮燶。
當煮豆漿時,預備好的石膏粉和鷹粟粉及30ml水加入碗,攪勻粉水後倒入煲。
用乾淨毛巾包實木蓋,以免整豆腐花會有倒汗水。
再剛煮滾的豆漿倒入煲內,然後蓋上碗蓋,不要動它,等候25分鐘.
隔走豆腐花面上的泡沫,完成.
香滑豆腐花,完成。

Tip:

1.一定要煮佢15分鐘,否則去除唔到黃豆的草青味。
2.倒進大滾的豆漿後,就不要動它,否則豆腐花就不能成功。
3.用乾淨毛巾包實木蓋,以免豆腐花會有倒汗水。
4.見議煮時,最好用易清洗的煲來煮,例如:易潔煲,玫瑰煲之類!
5.在倒熱豆漿前,要肯定石膏粉和鷹粟粉水一定拌好,切勿讓石膏粉沉底。
6.豆漿很容易滾瀉,建議不用蓋去煮。
7.隔完豆渣之後,豆渣可以做豆渣饅頭、豆渣餅、豆渣糖不甩等等,唔好唔要。
8.如果唔整豆腐花,可以用這些豆漿做玉子豆腐(又稱雞蛋豆腐)、加冰糖做甜豆漿及豆乳湯等。

9.約果怕寒的人,可以製作糖漿水中加塊薑片,冰糖200g,水200g加一大塊薑片煲溶冰糖,完成放涼。
10.如果想再方便,可以購買冇糖豆漿撞都可以做到豆腐花。(最好買新鮮天然無調整無添加豆漿比較好,如街市豆腐檔或citysuper,食用日期只有幾天,如果買長時間先過期,就不是鮮豆漿,就食唔到香濃豆味。)

關鍵詞
豆腐花

更多精選內容