小學生「玩具」 牙簽弩 殺傷力大 能刺穿玻璃

小學生「玩具」 牙簽弩 殺傷力大 能刺穿玻璃

內地小學生近日流行玩一種叫「牙籤弩」的玩具,尺寸只有手掌大小,能發射牙籤及鋼針,射入石膏板及刺穿玻璃,殺傷力非常大。另外,有家長群組不約而同收到個訊息,呼籲避免讓小朋友接觸此類玩具。牙簽弩 威力驚人,不小心射到人身上,尤其係面同眼睛,後果不堪設想。「 牙簽弩 」可以在淘寶或者內地玩具店購買,雖然香港未興起,但係都有家長擔心牙簽弩會傳入香港,後果不堪設想!

撰文:Sunday Kiss

圖片:淘寶、封面新聞截圖、騰證視頻截圖

威力強大 可以將牙籤射入汽水罐

牙簽弩 可以用來發射牙簽,雖然睇落好似好兒戲,但係佢威力強大,有內地網民就拍片測試,證實用「 牙簽弩 」發射,可以將牙簽射入紙板、芒果、豬肉、甚至汽水罐!雖然佢名為「玩具」,但係佢嘅殺傷力根本同武器係冇分別!

「 牙簽弩 」可以輕易將牙籤射穿紙張
亦都輕易射入豬肉
能夠將牙籤射入生果內
可以想像如果係人體被依種「 牙籤弩 」 射傷嘅後果

淘寶禁賣 仍然有漏網之魚

現時淘寶已經無法搜尋到有包含「 牙簽弩 」三個字的商品,大部分相關貨品已經下架,但只要搜尋「弩」或「金屬弩」依然發現不少「 牙簽弩 」。從木製、塑膠製到金屬製嘅「 牙簽弩 」都有得賣。

 

將牙籤換成鋼針 殺傷力再增

「 牙簽弩 」除了可以配置牙籤,甚至可以換成鋼針。有內地記者實測發現換上鋼針後發射嘅速度達到144km/h!若小朋友不小心射到人,後果不堪設想,非常危險!

換上鋼針後發射嘅速度達到144km/h

有賣家發售替換用嘅「金屬頭箭」

甚至有商家會附送鋼珠

內地家長促公安管制 定位應為「武器」非「玩具」

不少內地家長都促請公安部門管制「 牙簽弩 」,認為既然佢名為「弩」就應該納入「武器」而非「玩具」。事實上「 牙簽弩 」嘅殺傷力的確同「武器」無分別,唔應該咁輕易比孩童接觸到。

有小朋友曾經被「 牙籤弩 」射傷,手上面留低咗傷口

更多精選內容