陳茵媺大仔讀 猶太教國際學校

陳茵媺大仔讀 猶太教國際學校

三年抱三的陳豪、 陳茵媺 ,大仔梓燁(Aiden)今年十二月就4歲,早前陳氏夫婦為囝囝的入學問題,費盡思量,四圍搜集資料,一度心儀有「首相搖籃」之稱的哈羅國際學校,不惜斥資五百萬的學校資證券做「留位費」,又到加拿大國際學校面試。不過經陳氏夫婦細心篩選後,最後卻選擇了非主流的香港 猶太教國際學校 。

 

撰文:Sunday Kiss|圖片:新傳媒圖庫、陳茵媺微博

返學來回車程三個鐘

陳氏夫婦如此另類,全因睇中猶太式教育,對培育學生的數學、精算方面的卓越成績,猶太人被喻為擁有天才腦,諾貝爾獎得主中佔三成也是猶太人。為了栽培大仔成才,陳豪茵媺不惜每日輪流做司機,接送大仔由大埔比華利山寓所到港島半山返學放學。上周四(15日)在雷暴警告下,陳茵媺風雨不改去接仔,來回車程三個鐘,為兒女的未來鋪路,為人父母,幾辛苦都無所謂﹗

上周四(15日)當日落住大雨及雷暴警告下,陳茵媺撐住雨傘接大仔Aiden放學,大仔現就讀於香港猶太教國際學校(Carmel School)。

夫婦輪流接送

陳豪茵媺大仔Aiden本來在九龍塘的Kingston國際學校讀幼兒班,近日正式入讀位於港島半山的香港猶太教國際學校,附近有很多學校,有街坊指陳氏夫婦每日輪流接送,並透露:「佢哋每日都係親自揸車送仔接仔,好少見到有司機或者外傭喺度,亦唔多見兩公婆同時出現,可能要湊細佬妹,所以兩公婆輪流分工,佢哋好nice,會教囝囝同人用英文打招呼,囝囝都好聽話。」

Aiden精靈活潑

上星期,茵媺一早親自駕駛其黑色平治接送Aiden,中午時分再折返接仔放學,Aiden見到媽咪立即報告在校情況,兩母子邊行邊於雨中漫步,上了半日學的Aiden愈行愈慢,開始冇電。上車後茵媺帶仔到中環醫肚,食飽飽的Aiden再次活躍、非常精靈,入到童裝店,Aiden對周圍事物都充滿好奇,每事問,茵媺每次都耐心解答,享受住母子獨對時光後,便返回大埔比華利山豪宅。

出產天才名人

陳豪茵媺拒做怪獸家長,但為了Aiden教育問題大為緊張,四出向家長們朋友攞料,陳豪話:「搵學校我係抱open心態,我自己小學、中學都係讀傳統學校,最後覺得國際學校比較適合Aiden,只係想搵最好教育制度畀佢,主要視乎學校體制、方向、教育方式以及未來發展,講呢啲方面,太太先係專家,佢搵好多資料,我都要向佢學習。」陳豪茵媺為了揀最好的給囝囝,不停上網查資料,知情人士透露:「茵媺上網逐一查每一間學校背景、校風、學生成績,每次去學校簡介會,阿Mo都一齊去,之前去加拿大國際學校面試,阿Mo問劇組請幾粒鐘假過去。」

最後揀了相對較另類的猶太教國際學校,雖然沒有身邊朋友讀過,但經茵媺巨細無遺的搵資料後的決定,好友透露:「呢間唔係大家爭崩頭嘅學校,阿Mo茵媺睇中學校用猶太式教育方法,而呢種教學法喺美國好有名,會着重小朋友凡事存疑去問問題、重視閱讀,茵媺搵過猶太人喺世界上出咗好多天才,諾貝爾獎好多都係猶太人,而且猶太人最叻計數,出過好多數學奇才,愛因斯坦都係猶太人。另外,一般國際學校校風都比較自由開放,一切講求平等,就算同父母關係都係,但猶太人唔同,會似中國舊有思想,尊師重道,好重視家庭教育,茵媺同阿Mo雖然喺外國讀書長大,但家庭觀念好重,佢想下一代都係咁。」

幼小中學一條龍

Aiden入讀的香港猶太國際學校位於港島半山波老道,附近名校林立,學校有幼稚園、小學、中學一條龍,幼稚園學費每年約九萬,採取十對一小班教學,學校以教導學生熱愛發問、凡事心存懷疑,以培養獨立思考力,學習多種語言,鼓勵閱讀,透過多方閱讀以拓展知識及追求知識的渴求,用讚美與獎勵方式,讓孩子從小就建立自信。而猶太式教育在美國、台灣相當盛行,猶太人在全球多產天才、精通數理,而諾貝爾獎得主中有3成是猶太人,愛因斯坦、馬克思、佛洛伊德等都是猶太人。

陳豪:大仔已適應學校生活

陳豪近日忙於為新劇《誇世代》開工,日曬雨淋都頂硬上,周四(15日)陳豪和對手李佳芯為一個鏡頭曬足全日,本刊記者上前問陳豪有關大仔入讀猶太教學校一事,陳豪顯得有點避忌,笑住拒回應,但問到囝囝是否適應校園生活,陳豪點頭話:「ok,佢已經適應學校生活。(咁遠會唔會好辛苦?)有啲啦,有啲遠。」陳豪密密做,同時兼顧咖啡批發生意,都是為了提供優質生活、環境給子女,據知茵媺計劃復出,不時收到劇本及廣告代言,正選擇最適合的工作而又不阻礙湊仔。

相約蔡少芬傾媽媽經

趁還未復工,日前(14日)茵媺就相約兩女之母蔡少芬傾媽媽經,茵媺手抱細女凱婷手拖大仔,同行兩名工人姐姐照顧二仔浩鋒,三大三小到淺水灣pulse的親子主題餐廳,兩位媽媽一傾就四個鐘,近七時才離開。

而陳氏夫婦對教子女向來有一套,堅持子女自己湊,不讓上一代幫忙湊孫,茵媺話:「因為不同代人對小朋友教育方式唔同,我哋想用自己嘅方式。」另外雖然二人電視台出身,在家卻不會讓子女看電視,陳豪話:「電視節目內容未必啱小朋友,而且睇電視對小朋友眼唔好,通常我喺屋企陪佢哋砌積木、講故事書。」雖然身為公眾人物,但湊仔生活好貼地,不但帶子女去工展會掃平貨,茵媺又自己動手砌書櫃、小朋友木椅、希望跟子女一起創作及從中學習,陳豪話:「想佢哋多啲體驗生活,二仔似我鍾意講嘢,成日黐實哥哥,但又會爭玩具,會教佢哋分享培養佢哋兄弟妹情,對三個我哋都大公無私,錯就罰,啱就讚。」每個父母都有自己的教子方式,最終目的都是想子女成長得健康快樂。

更多精選內容