《賭城群英會》 五代 港姐 同劇現身

《賭城群英會》 五代 港姐 同劇現身

近日新劇《賭城群英會》正全城熱播,除了有久違的四哥謝賢及叻哥陳百祥外,劇中五位主要女角陳法蓉、佘詩曼、高海寧(高Ling)、文凱玲同麥明詩全部都係 港姐 出身,話晒美貌與智慧並重,質素自然有番咁上下!你又最鍾意邊個呢?

原文:東方新地

相片:節目截圖,新傳媒資料室

##embed-label-0##

##embed-label-1##

 

陳法蓉 凍齡太后

現年49歲陳法蓉89年當選 港姐 冠軍,90年就擔正拍《人在邊緣》,及在電影《賭俠》中演出「龍九」一角走紅,之後佢就專注拍戲,但可惜冇咩代表作,直到2001年拍 張衛健版電視劇《小寶與康熙》,陳法蓉一人分飾太后同龍兒兩角,令觀眾留下深刻印象,雖然套劇已過16年,但睇番陳法蓉個樣都冇咩點變,認真係凍齡有術!

##embed-label-2##

##embed-label-3##

 

阿佘 兩度封后

42歲佘詩曼(阿佘)97年攞 港姐 季軍入行,初出道已獲力捧,先後擔正拍劇集《雪山飛狐》同《刑事偵緝檔案IV》等劇,2000年拍主張智霖主演《十月初五的月光》更一炮而紅,之後阿佘努力改善雞仔聲,演技亦愈做愈好,拍過多部劇集如《宮心計》、《公主嫁到》、《使徒行者》等,都係當年收視冠軍,06年阿佘終憑《鳳凰四重奏》一人分飾四角,登上第一個視后寶座,2014年更以《使徒行者》「釘姐」一角,連奪「最佳女主角」和「最受歡迎電視女角色」,成為首位「雙料視后」。

##embed-label-4##

##embed-label-5##

高Ling 性感上位

30歲高Ling 08年選 港姐 時三甲不入,只攞到一個旅遊大使獎,但就獲簽入無綫拍劇,雖然多做花瓶角色,但高Ling喺多個綜藝節目都有不錯的表現。2013年《法網狙擊》更令高Ling人氣即時急升!

##embed-label-6##

##embed-label-7##

文凱玲 做過夜蒲女

34歲文凱玲原來都參選過2010年 港姐 ,不過成績只到第八名,同屆冠亞季軍分別係陳庭欣、張秀文同莊思明。落選後佢轉投電影圈,先後拍過錢國偉執導嘅《喜愛夜蒲2》同《喜愛夜蒲3》,以及多部王晶監製電影《唐伯虎衝上雲霄》、《賭城風雲II》同《鴨王2》等。

##embed-label-8##

麥明詩 處女拍劇

在五代 港姐 中25歲麥明詩最年輕,佢前年以十優狀元嘅優勢力壓其他佳麗當選 港姐 冠軍,卸任後曾做過明珠台《港生活·港享受》同《里約奧運》等節目主持,以及拍過電影《失戀日》,今次處女拍劇,同「鴨王」何浩文做一對,演技如何未睇到,不過獲TVB力捧,戲分點都唔會少!

##embed-label-9##

更多精選內容