唔惹蚊的生活習慣小貼示 同場加影自己動手DIY做的抗蚊三寶

專欄

廣告

話說公公一句你地屋企真係「蚊兜」, 皆因佢見到兩粒孫成日比蚊咬到成身係, 都咪話唔心痛. 相信大家同我地一樣, 一到夏天就會好煩惱,因為又熱又潮濕特別容易滋生蚊患,不過其實蠓仲可怕過蚊. 再加上我地住係d鄉郊地方, 作為鄉下妹的我接觸嘅蚊蠓特別多.

但係市面大部分的驅蚊產品除咗有化學成份會傷害皮膚之外,甚至有可能產品本身已經係致敏原,基本上唔係太適合皮膚敏感嘅大小朋友使用。

仲有就係市面大部分嘅驅蚊產未必可以防蠓呢種可惡嘅生物🤦🏼。

所以孖媽不敢怠慢, 嗱嗱聲的起心肝就自己DIY整我地家最強的【抗蚊三寶】:

1/ 怕怕蚊水Bug off Spray


2/ 再見蚊蠓膏 Bug Away Balm


3/ 痕癢救星膏Itchy Relief Balm

D 名係咪改得好堅先, 呵呵! 用落都真係堅呀, 起碼上次佢地去野餐都無小咗好多蚊咬, 如果以前未用自己DIY嘅【抗蚊三寶】前一定變了豬頭啦.

順道同大家分享一下, 一些唔惹蚊的生活習慣:

1/ 注意維他命B1的攝取量(全麥穀物,魚類, 肉類, 各種蔬菜, 豆類, 酵母), 經新陳代謝後, 人體便會產生一種令蚊子討厭的特殊氣咪, 可使蚊蟲敬而遠之。

2/ 比蚊咬某程序上同人體體液的酸鹼度有關, 一般體液偏酸的人會比較容易被蚊咬,所以可以適當進食鹼性食物,如大豆、洋蔥、菠菜、馬鈴薯等,平衡體液的酸鹼度,間接驅蚊。另外,減少進食肉類、油炸食物,都有助預防蚊襲。

3/ 夏天可以試下食多d苦瓜清熱去毒, 所含的物質亦係蚊子唔喜歡的。

4/ 流汗多、戶外活動或運動後,應盡快洗澡或用清水抹走汗水、汗味,還要更換衣服和襪子,因為蚊子也愛腳汗氣味的。

5/ 少用合成化學香水或具香味的化妝品或頭髮造型產品,因那些香氣會令蚊子吸引過來。

6/ 係戶外著淺色衫。

7/ 在室內種植一盆薄荷和番茄, 其分泌出的味道可以驅趕蚊蟲, 同時又可以綠化家居。

講返自家製成份天然, 唔洗再擔心市面上的驅蚊產品含有對小朋友有害. 其實大自然好多植物本身都已經有驅蚊的功效,小朋友安全配方, 大人細路都可以用.

對於住鄉郊嘅我地, 其實幾款都好 work 的。我自己比較喜歡蚊蠓膏, 因為keep得耐d.孖爸就鍾意怕怕蚊水夠方便. 自家製100%全天然成份,無化學加工,適合小朋友使用

如果大家都有興趣自己動手DIY,又或者對【抗蚊三寶】使用量大嘅朋友, 歡迎私下email 聯絡/PM我,可以教你地點樣自己入會訂 EO 返嚟整【抗蚊三寶】對抗蚊蠓.

孖媽小貼士:

1./ 不同蚊蟲討厭的氣味可能有所不同, 單一氣味未必可以驅走所有蚊子

2./ 混合多種蚊子討厭的氣味, 效用比單一氣味更佳

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]