雪糕 大滿灌! 3大影相位 x 挑戰籃球九宮格

雪糕 大滿灌! 3大影相位 x 挑戰籃球九宮格

天氣嚴熱,香港熱到一出街就流汗,係依個時候一定要食 雪糕 消暑!今個暑假去到樂富挑戰籃球九宮格,成功就有得免費品嘗具有香港特色的「12道 雪糕 味」,仲有3大影相位添!一於等小編帶大家到現場介紹下!

撰文:Sunday Kiss

「雪糕月」免費食香港特色「12道 雪糕 味」

唔講唔知呀!原來每年7月係「 雪糕 月」,一於趁今個暑假去樂富參與佢哋嘅雪糕大滿灌!只要挑戰以 雪糕 為主題的巨型籃球九宮格遊戲或奇趣跳「糕」機,就有機會免費獲贈 雪糕 球一個,最多可獲贈五球雪糕!

周末成功挑戰巨型籃球九宮格,仲可以食香港特色「12道 雪糕 味」 雪榚 杯!例如熊仔餅妙趣、蔗汁味、 五花茶味、 凍檸茶少甜味等等!

一共有12種特別味道!只有週末先至有㗎~平日就得普通嘅味道,想試記得周末嚟啦!
好多味道揀呀!不過雪糕數量有限,想食記得周末早啲嚟!
小編覺得桂圓紅棗味好特別!真係有粒粒紅棗肉係入面,酸酸甜甜好消暑!不過佢似係雪葩嘅質地,好快溶!

3大打卡位!巨型 雪糕 逐個捉

1.6 米闊的巨型「 雪糕 池」

6 米闊的巨型「 雪糕 池」!好多雪糕攬枕!

2.浪漫雪糕車

3. 2.5 米高嘅「巨型 雪糕 Cone」

個雪糕筒高過你個人呀!可以攬住嚟影相!

最佳射手-籃球九宮格

每人每次有5球機會,只要係指定距離成功把籃球投入雪糕筒內完成「過三關」挑戰(連成直線、橫線或斜線),即可贏得雪糕一球!留意返平日只有普通嘅味道,「十二道雪糕味」只會係週末提供!

除咗贏取 雪糕 之外,7月29至30日 (超級巨星組)及8月5至6日 (明日之星組) 每日最短時間投射命中九個籃之參加者,即會成為「最佳射手MVP」,可以贏得購物現金券價值3,000港元!自問係神射手嘅你,仲唔把握機會大展身手!

籃球九宮格分2種,一個係用籃球,一個係用彈彈波!
挑戰彈彈波嘅話要控制力度!唔係好容易撞框彈出!

奇趣跳「糕」機 跳得越高越多雪糕!

場內亦設置咗一個3.5 米高嘅跳「糕」機,機上有多個按鈕,只要跳高撳掣,就有相應嘅雪糕球送!分大人同小朋友,大人嘅話最高嗰個紫色制可以換5球,最高嗰個黃色制可以換1球;小朋友就最低個黃色制可以換1球,最高嗰個黃色制可以換5球!

大人level都唔容易架!男model最多都係可以換3球!
小朋友就換到2球!

雪糕 大滿灌 Scoop and Slam
地點:領展樂富廣場
日期:2017 年 7 月 12 日(星期三)至 8 月 27 日 (星期日)
開放時間:下午 12 時至 8 時

 

更多精選內容