蘇永康 囝囝百日宴 黃子華:我兼職係做陪月

蘇永康 囝囝百日宴 黃子華:我兼職係做陪月

蘇永康 昨日為兒子蘇展弘(Jazz)舉行百日宴,筳開11席。大批圈中好友到賀,場面熱鬧。身為契爺嘅黃子華,當然亦有到場,仲話自己兼職係做陪月,咁厲害?

 

 

圖片:東星,Instagram

為囝囝搞百日宴群星到賀

蘇永康於2014年與圈外女友馮翠珊(Anita)結婚,今年3月誕下兒子蘇展弘(Jazz)。蘇永康昨日為兒子補擺百日宴,筳開11席。大批圈中好友到賀,如Jazz的契爺黃子華、容祖兒、張衛健、許志安、車婉婉、梁漢文夫婦、胡杏兒夫婦等…場面非常熱鬧。

myoliemyolie(@myoliemyolie)分享的貼文 於 張貼

熱烈祝賀「蘇展弘」百日之喜 ….. 恭喜、恭喜 🎉🎈 #babisojazz#dinner#100days#adorable#instamood#happygathering#wearefamily#cherish#hkiger#hkig#praisethelord
Tak Fan 歐陽德勛(@auyeungtakfan)分享的貼文 於 張貼

從照片可見,場地以氣球佈置,藍白色為主,有Jazz的英文名,蛋糕上有不同樂器和音符裝飾。蘇永康抱住囝囝,表現得非常高興,而Jazz亦眼仔碌碌,十分精靈。

蘇永康:開奶、換片無難度!

蘇永康表示選擇在灣仔六國飯店舉行百日宴是有原因!他向大家分享了兩張照片,一張是蘇媽媽抱著自己,另一張是蘇媽媽抱著孫兒Jazz。他指當年自己的百日宴亦是在這裡舉行,49年後的這天,則輪到自己的兒子,別具意義。他又透露因為太太早前需要到歐洲公幹,所以湊B的責任則落在他身上,開奶、換片都難佢唔到!有仔萬事足嘅蘇永康,唔知會唔會考慮追多個呢?佢就話未有依個打算,想全心照顧好Jazz,讓他在沒有壓力的環境下成長,最重要是他開心。

剛滿101日,Jazz已急不及待與我著父子鞋向前行⛹️‍♀️感謝Adidas 送給Jazz生命中第一對波鞋#adidas #adidashk #happy #luckyboy #happyme #yeezyboost350
William So Wing Hong 蘇永康(@william_gung)分享的貼文 於 張貼

 

黃子華一抱Jazz就唔喊

Jazz百日宴,又點少得契爺黃子華。提到子華,蘇永康則指他在百日宴上,擔當了非常重要的角色。只要Jazz一喊,就會抱佢去子華度,當子華一抱起Jazz,Jazz就立即唔喊。仲話在場任何人都唔得,包括自己。睇嚟真係得契爺先搞得掂Jazz!眼見此狀,蘇永康都忍唔住話好懷疑子華係咪每星期去一次母親的抉擇幫手,非常搞笑。

最鍾意契爺#黃子華 抱抱 #babisojazz #dinner #100days #anniversary #蘇展弘
Cherrie 蔡立兒 /香港歌手、演員(@choilapyee_cherrie)分享的貼文 於 張貼

 

子華:我兼職係做陪月

對於蘇永康指黃子華一抱Jazz,Jazz就唔喊。子華自己都話實情真係咁,仲話因為自己嘅兼職係陪月。他指:「近來冇咩做,就係做陪月!」送咗揹帶嘅子華就話,因為Jazz大得好快,依家已經有成16磅,單手,甚至雙手抱住佢,都會好攰,所以就決定送揹帶,夠晒實用。當問到依位契爺會唔會想生返個嘅時候,佢就話見到Jazz已經好開心,亦都好渴望可以得閒上去湊吓Jazz。相信爸爸蘇永康一定非常歡迎!

關鍵詞
蘇永康

更多精選內容