無綫斟拍劇 吳美珩 專心湊仔拒復出

無綫斟拍劇 吳美珩 專心湊仔拒復出

《妙手仁心》系列夜間重播,不知勾起幾多人電視撈飯往事,亦都勾起網民對上晒岸嘅神級花旦黎姿、 吳美珩 傾慕之情。再攞當年花旦拍埋今日小花比一比,咦,點解美貌同氣場都爭咁遠嘅?一個字:回憶總是美好的!其實一眾港姐小花演技尚幼嫩,無綫又點會唔知?大劇點都要要搵啲有份量有演技又有觀眾緣擔演,仙氣美魔女代表 吳美珩 近年就多次被監製、高層親自出馬邀出山,可惜退出幕前十年,專心相夫教子不知幾享受享夫教子闊太生活一再婉拒。

 

撰文:Sunday Kiss
圖片:新傳媒資料庫

誕下大女後即告別娛樂圈

07年《妙手仁心III》出街之時,其實 吳美珩 已經大住肚,首次承認早於01年已經同美籍台商王華麟成婚。同年為丈夫誕下大女Maegan後即告別娛樂圈,11年再生多個囝囝湊成一個好字,10年來專心相夫教子享受50億人妻闊太生活。

退出娛樂圈後少有同圈中人來往,上次與宣萱、Do姐等人飯聚,已經係兩年前。

高層出馬請唔郁

雖然經典重播令仙氣 吳美珩 再成娛樂版及網民焦點,不過虛名嘅嘢一啲都無影響闊太日常生活。連日來依舊買餸、湊仔女為樂,早前吳美珩陪住6歲囝囝回校參加角色扮演活動。同其他慈母一樣,吳美珩望着戴上自製高帽的囝囝一臉關愛、舉起手機不斷拍照,期間有其他家長要求合照,她都笑笑口有求必應。

家庭至上的吳美珩月初陪同兒子出席完學校活動後,由司機接載返歸。講開又講,她現居的寶雲道複式豪宅市值半億,謝霆鋒都係鄰居。
網民心目中的仙氣女神在囝囝面前都係慈母一位,見到囝囝大汗淋漓,出手抹汗又撥頭髮。
淡妝吳美珩參加學校活動時與其他家長有講有笑,被要求合照留念時,亦都來者不拒非常友善。

復出幕前零希望

之不過想佢出山難度爆燈,據知十年來其實不斷有監製游說吳美珩復出,之前金牌監製李添勝親自出馬,度身訂造《呂后傳》劇本、更話明拍攝時間會盡量遷就縮短騰出家庭時間,可惜吳美珩既沒有戲癮亦不志在,始終不為所動,之後再搵名單之內嘅佘詩曼又因頸傷舊患為由推咗,結果直至李添勝榮休,《呂后傳》始終因為搵唔到擔得大旗人選不了了之。最近《妙手仁心III》重播反應好,無綫高層又再出手出口,不過 吳美珩 仍不為所動。一個吳美珩一個黎姿都只可以成為網民同觀眾的集體回憶﹗復出幕前零希望﹗

45歲生過兩個,仲要脫離幕前十年,吳美珩身形一樣fit到漏,氣場同貴氣比起當年有增無減。
同其他家長一樣,吳美珩在校園內不斷追着囝囝走,又用電話不停拍攝囝囝趣緻造型。
絕少公開露面的吳美珩去年初陪丈夫出席新年晚宴,難得盛裝打扮,一貫有貴氣又有仙氣。

真正仙氣女神

經典重播,女主角黎姿同吳美珩當年已經係女神,十年後十足食咗防腐劑一樣兼且保持仙氣,可惜兩位都上晒岸做咗闊太,復出無望。


《妙手》之後,吳美珩再拍埋套《太極》正式收山,07年誕下大女後便甚少在公開場合露面。

關鍵詞
吳美珩

更多精選內容