相見好同住難? 舒淇 馮德倫驚傳離婚

相見好同住難? 舒淇 馮德倫驚傳離婚

舒淇 與馮德倫(Stephen)去年九月時突然宣布結婚,並向傳媒發出結婚啟事,震驚整個娛樂圈!兩人在網上發放多張甜蜜婚照,人人都替他們高興!舒琪跟Stephen結婚未夠一年,但今日有報道指兩人現時已經分居,原因係大家婚後一齊生活常出現摩擦,生活習慣不同。據知兩人已經草擬離婚協議書,準備簽紙離婚!難道童話都是騙人的?

 

 

 

 

舒淇 馮德倫 去年九月成婚

舒淇與Stephen相識20年,拍拖四年,去年9月3日突然宣布在布拉格閃婚,並發放多張甜蜜婚照!兩人表示今次結婚雖然係好突然,但其實只想簡簡單單辦婚事,所以唔會有結婚派對,而Stephen笑言係毫無反顧娶舒淇,決定相互糾纏一輩子,所以「我們結婚了」!

婚後築二千呎愛巢

兩人結婚後,一直有傳舒淇想減產造人,主動戒煙又戒酒,希望組織幸福家庭!另外兩人拍拖期間,女方家住港島南區南灣,而男方則住在貝沙灣,距離唔算遠,所以不時到對方家中共聚甜蜜時光!不過兩公婆就當然要有自己愛巢,據知舒淇對淺水灣情有獨鍾,睇中該區一個近二千呎的豪宅築愛巢!

傳已分居 草擬離婚協議書

表面上舒淇Stephen婚後生活幸福美滿,但今日有報道指出兩人現今已經係分居階段,更已草擬離婚協議書,準備簽紙離婚!正所謂「相見好同住難」,兩人婚後因生活習慣唔同而不時出現摩擦,而且Stephen經常醉心幕後工作而冷落嬌妻,令舒淇對婚姻生活感到失望。另外又指兩人認識多年,其實感情似姊妹多於戀人,所以舒淇堅決離婚,希望大家再見亦是朋友。

報道又稱舒淇不時在網上大吐苦水,因為兩公婆婚後聚少離多,而且Stephen因工作壓力大而發脾氣,曾試過幾日唔返屋企,令舒淇傷心不已。加上舒淇年紀唔輕,想生B真係要把握時間,可惜只係神女有心,於是分歧就愈來愈大。但其實舒淇Stephen本來都係圈中大忙人,四圍飛聚少離多都很正常,同為藝人應該可以互相諒解?

全文完

更多精選內容