鍾嘉欣  :最幸福係每日都可以見到囡囡笑

鍾嘉欣 :最幸福係每日都可以見到囡囡笑

鍾嘉欣 (Linda)日前出席代言品牌的剪綵活動,談到囡囡Kelly的近況時,顯得非常雀躍兼滔滔不絕,佢指快將1歲生日的Kelly喜歡說話又愛笑,Linda話最幸福係每日都可以見到囡囡笑!

 

 

撰文:Sunday Kiss
圖片:新傳媒資料庫、鍾嘉欣 Instagram

囡囡好鍾意講嘢

鍾嘉欣 (Linda)近日於網上分享囡囡Kelly嘅圖片,不知不覺Kelly已經大個咗好多,可以話係愈大愈精靈。日前Linda出席剪綵活動時,談到Kelly她顯得特別興奮。Linda指囡囡好鍾意講嘢,Kelly第一句講嘅就係「媽媽」,依家識講Mum、Dad、hi同埋唔太純正的no。又謂Kelly有陣時會好頑皮,但當Linda說No的時候,都會乖乖聽話。

愈大愈似媽咪

Linda笑指Kelly被養到肥肥白白,依家大概21磅,好健康,同埋皮膚好好。佢解釋指可能平時飲食習慣良好同作息有規律。日前,Linda還上載了囡囡的照片,並留言︰「媽媽永遠愛你!你成長得太快,你是我的一切。」不少網民都大讚Kelly好可愛,仲有幾分媽媽的影子。另外,Linda補充依家仲餵緊母乳,直到Kelly一歲為止。

為囡囡大搞一歲生日會

Kelly 8月就一歲啦,之前滿月百日時都只係簡簡單單地慶祝,問到今次囡囡一歲生日佢哋會有咩搞作,Linda話生日會將會大搞,自己已經準備咗生日禮物同埋好多好多氣球。生日會主題係Happy Face,原因係Kelly好鍾意笑,佢話最幸福係每日都可以見到囡囡笑。另外,賓客名單都已經定好,大概有70至80人,包括家人、朋友同埋喺playgroup新認識嘅BB同埋媽媽。

關鍵詞
鍾嘉欣

更多精選內容