暑期 親子樂 千嬅、子丹、茵媺外遊歎世界

暑期 親子樂 千嬅、子丹、茵媺外遊歎世界

暑假一到,所有星爸星媽都會特別忙,忙住同班仔女籌劃一系列 暑期 活動,唔少人都會選擇去旅行,既可帶小朋友出去見識吓,又可乘機叉叉電!

 

撰文:Sunday Kiss
圖片:FB及IG

楊千嬅就同老公丁子高帶囝囝Torres飛咗去日本沖繩玩,千嬅更順道為月尾生日嘅老公慶祝,一家人同陽光玩遊戲,爽爆!

千嬅同老公去沙灘同陽光玩遊戲,丁子高仲肉麻指千嬅係佢嘅「 sunshine 」!
千嬅同老公去沙灘同陽光玩遊戲,丁子高仲肉麻指千嬅係佢嘅「 sunshine 」!
子高同囝囝Torres着上父子裝、 戴晒超扮cool!
千嬅喺沖繩提早為月尾生日嘅丁子高慶生,仲送上靚靚蛋糕祝福,連丁生都話冧爆!
千嬅喺沖繩提早為月尾生日嘅丁子高慶生,仲送上靚靚蛋糕祝福,連丁生都話冧爆!

而甄子丹同汪詩詩就帶一對仔女去咗歐洲,遊走意大利、西班牙等地,參觀酒莊又揚帆出海,認真寫意。

一家人揚帆暢遊地中海,好歎。
唔止對仔女,佢哋兩公婆都玩得好開心,詩詩話囡囡同 囝囝仲輪流負責揸機幫佢哋影相。
甄子丹同汪詩詩一對仔女經已長大,可以plan去更遠嘅地方玩,今次帶埋佢哋去意大利嘅酒莊參觀兼食lunch㖭!

過要數最堅揪嘅,非陳茵媺莫屬,老公陳豪忙拍劇,佢一個女人仔湊三個細路坐長途機返老家多倫多,連Aimee自己都話過程好刺激,之前仲花咗10個月去plan今次行程㖭!為人父母真偉大啊!

陳茵媺一拖三返老家多倫多,三個仔女最大嘅只得三歲,要坐16個鐘頭長途機,真係超高難度!
大仔Aiden摘咗一籃紅莓話要請媽媽,冧死!
喺香港冇時間shopping,去到加拿大Aimee去咗佢至愛嘅shopping mall行餐飽,不過都係去掃小朋友嘢。
Aimee同小公主Camilla玩騎膊馬喺草地上奔跑,玩得好開心。

留港一族 – 運動型

陳奕迅咁忙,囡囡陳康堤當然要交畀老婆徐濠縈照顧,阿徐一向好sporty,囡囡亦被佢感染,兩母女趁暑假去咗camping又玩風帆。

12歲嘅康堤眨吓眼高過阿媽仲有一雙長腿,佢玩起風帆來,絕對有板有眼。

留港一族 – 深閨型

謝安琪囡囡Karina剛滿四個月,Kay已決定做全職媽媽專心湊女,雖然囡囡太細唔可以成日周圍去,但Karina已擁有自己嘅房間,分分鐘大過你同我間房,好羨慕囉!

梁詠琪話依家流感肆虐,將囡囡Sofia留喺屋企比較安全,佢話同Sofia喺屋企焗吓麵包都好過癮。

更多精選內容