《天地豪情》熱播 郭藹明 張家輝廿年不變

《天地豪情》熱播 郭藹明 張家輝廿年不變

廿年前出品嘅無綫經典劇集《天地豪情》近日喺深宵重播,吸引唔少劇迷捱夜都要翻煲,當年卡士強勁包括張家輝、羅嘉良、 郭藹明 、宣萱、陳錦鴻、周海媚、蔡少芬、黃日華等,全屬好戲之人,真係可一不可再!

 

撰文:Sunday Kiss
圖片:新傳媒資料庫

日前本刊喺尖沙嘴撞見劉青雲同 郭藹明 兩公婆,佢哋由加連威老道某大廈落樓,原來青雲陪老婆去做facial。青雲好有耐性,等足老婆成粒鐘,之後由司機接載下齊齊返歸。紮起馬尾嘅 郭藹明 無懼素顏出巡,見佢皮膚白滑,49歲依然keep得好好,同佢位老拍檔張家輝一樣,好似食咗防腐劑咁,廿年不變。

青雲唔嫌悶陪老婆去做facial,又傍實老婆行街街,好體貼好sweet囉!
青雲唔嫌悶陪老婆去做facial,又傍實老婆行街街,好體貼好sweet囉!
49歲嘅郭藹明素顏出巡1皮膚白晳之餘身形仲keep得好好,跟《天地豪情 》入面嘅程嘉鳴分別不大。
劉青雲、郭藹明同張家輝、關詠荷呢兩pair,係圈中出名嘅模範夫妻,零緋聞又恩愛,恨死隔籬。

講開張家輝,佢近年接戲接到冇停手,豬籠入水,片酬升至逾二千萬一部,最近又買入過億豪宅,吸金能力咁強,難怪老婆關詠荷可以疊埋心水湊女做少奶奶啦!

53歲關詠荷退隱多年專心在家相夫教女,閒時到超市買餸煮飯,湊吓囡囡返學、補習、上興趣班,絕對係貼心嘅好媽媽。
劉青雲、郭藹明同張家輝、關詠荷呢兩pair,係圈中出名嘅模範夫妻,零緋聞又恩愛,恨死隔籬。
喺 《天地豪情》入面,郭藹明同張家輝飾演姊弟,原本係富二代嘅家輝原來係被調包,親生嗰邊只係普通家庭,為咗保住自己少爺仔嘅身份,不擇手段迫害阻佢發達嘅人,奸到出汁。

更多精選內容