重8磅10! 孫慧雪 剖腹誕B仔

重8磅10! 孫慧雪 剖腹誕B仔

宅男女神 孫慧雪 ,去年12月由雪雪BB榮升人妻,一個月後極速宣布造人成功!今日就喺FB宣布誕B,BB重8磅10,係一個巨B啊!其實雪雪未生之前,每次Po孕照晒巨肚,大家都會好奇:真係唔係孖胎?事關雪雪個肚真係太大啦!腰圍更達43吋!雖然雪雪之前一直都希望順產,不過最後都係剖腹。

 

今日中午,雪雪喺FB宣布B仔出世,仲話佢臉圓圓成個饅頭咁!大家又覺得似唔似呢?

「和大家報個平安,
親愛的小寶寶已經來到我們的生命裏了!
是一位小男孩~重8磅10

在此要感謝為我們迎接這位小寶寶的醫生們和在產前不斷為我打氣的護士們,還有一直關心我們的家人和朋友們,愛你們喔

P.S.原來逗留在肚子裏差不多有十個月的小人兒,是長這個模樣,既陌生又熟悉,爸爸媽媽會一直愛著你!

圓圓的臉像個小饅頭」

雪雪上星期仲Po咗孕照,咁大個肚,難怪會令人好奇到底入面係咪得一個BB。

開心媽咪

之前雪雪接受訪問時,笑言自己比懷孕前更開心:「可能我本身好鍾意BB,所以我好開心,老公話我溫柔咗,少咗發脾氣,哈哈!依家出街都會多咗望人哋個BB,覺得好得意呀!唔知我個BB出世咩樣呢?」雪雪臉上常掛着甜美的笑容,樂天知命,縱使來自單親家庭,自小只與爸爸和嫲嫲同住,但她從沒有自怨自艾,反而令她渴望組織一個完整家庭,對婚姻更會直到永遠,絕不分離。「爸爸媽媽自我有記憶以嚟就分開咗,細個成日都想爸爸媽媽一齊拖住我,所以大個就希望快啲結婚,生兒育女。我無驚咗婚姻,反而更加渴望,當我決定咗結婚,我就唔會離婚㗎喇。」

未知BB仔定女的雪雪為BB改名傾向中性,其中Riley是她的心水,至於中文名都會自己改,不會找師傅,覺得由父母改名會親切一點,但她指老公不懂中文,只識「日、一」這些簡單字, 老公竟提議改名「羅一日」,當然遭雪雪反對!

婚前已開始造人

雪雪與圈外老公拍拖六年,認定雙方就是Mr. Right,去年決定拉埋天窗,婚禮籌備了半年,並非外界所指的奉子成婚,因兩人早已計劃婚後盡快生小朋友,故婚前開始造人,好快一擊即中,結婚當日陀B一個月,雙喜臨門。「好多人都話生仔要試半年至一年,所以就提早試,估唔到咁快就中咗,我哋都好鍾意小朋友,冇二人世界唔緊要啦,之前都二人世界咗好耐。」

4
雪雪做足產前準備,現每星期聽講座,多睇懷孕書籍、睇YouTube 有關影片學定點湊B。

雪雪懷孕後最開心就是孫爸爸和90多歲的嫲嫲,爸爸經常摸雪雪的肚子笑說:「我個女畀人搞大咗呀!」

聘請兩個陪月貼身照顧

不過,孫爸爸和嫲嫲因不擅下廚和年事已高,難以照顧雪雪坐月期間的起居飲食及湊BB,所以雪雪早已聘請兩個陪月貼身照顧。「幫我補身又好,教我湊BB又好,我一定要請,已經問咗好多人意見,因為陪月都係人,都會,所以第一個月請咗兩個,一個就日頭幫我煮餸,另一個就夜晚幫我睇住BB,咁我會放心啲,我驚自己技巧未得,但第二三個月夜晚我自己湊番。」懷孕期間除了老公幫手,雪雪都要照顧自己,學習煲湯補身,「但有時我都好懶好攰……我有出去買啲湯番嚟飲,依家有得網上訂湯好方便。」

5

絕不棄養四小狗

懷孕七個月時,雪雪開始停工待產,每日食、瞓、睇懷孕經和準備BB物品,還有四隻狗仔陪伴,生活不至於太苦悶。雪雪是愛狗之人,家有兩隻松鼠狗、一隻芝娃娃和一隻貴婦狗,年齡由4至12歲不等,她揚言絕不棄養四小狗,因為全是她的寶貝。「佢哋都係我BB,係我屋企人,由細到大我都有養狗。」她記得小時候狗仔好黐堂弟,晚晚一齊睡,她希望狗狗將來一樣愛錫她的BB。「堂弟出世時,我隻狗成日同佢一齊瞓,當有親友想抱BB,狗狗即刻狂吠保護小主人,我覺得好sweet好溫馨。」家有寵物可以培養小朋友的愛心與責任心,雪雪見過很多養寵物的家庭,小動物都成為小朋友的童年玩伴,令她十分期待BB出世後與狗狗玩耍的日子。

13

12

雪雪懷孕寫真

懷孕時的女人最美,所以雪雪也拍攝了一輯以花為主題的孕照留念,本身鍾意花的她十分滿意,即使孕照要性感露肚,老公都沒有詐型。

6

7

關鍵詞
孫慧雪

更多精選內容