新美心妹妹Keicy成廣告新寵

用小朋友做主角嘅廣告都特別吸睛同入屋，所以唔少廣告商都鍾意搵小朋友出鏡，數到最紅當然係第一代美心妹Celine楊鎧凝，不過佢嘅接班人新美心妹Keicy氣勢如虹，自去年為美心拍裹蒸糉廣告後火速彈起，先後拍咗多個廣告和出席活動，成為新一代小model。問到鍾唔鍾意拍廣告，Keicy妹妹話：「鍾意，因為有鐘食! 同埋有得化妝同扮靚，我好貪靚! 」拍攝當日仲著咗條用波波扭成嘅裙同媽媽親手做嘅彩虹紗裙，拍攝時邊跳邊轉，笑得好開心，非常享受拍攝，難怪會成為廣告新寵兒。