曾因壓力而分手 林子善 同女友明年拉埋天窗

曾因壓力而分手 林子善 同女友明年拉埋天窗

今年娛樂圈喜事多籮籮,由韓國雙宋到香港郭富城、陳柏宇、王君馨等人結婚,日前又有藝人宣布喜訊,就係 林子善 啦!正拍攝《果欄中的江湖大嫂》的子善同圈外女友Kary拍拖多年,恩愛非常,經常喺IG放閃晒恩愛,二人結婚相信大家不感意外。自《怒火街頭》彈起之後,子善劇接劇,收入急升,近年更升呢為茶餐廳老闆,依家準備做人夫,可以話係事業愛情兩得意!

 

林子善 宣布結婚

林子善 今年忙裏偷閒,終於搵到時間註冊結婚,但其實呢段愛情並唔係風平浪靜,去年兩人因家人催婚,子善壓力大到一度分手逃避,當時佢以為跟女友分開可以冷靜一下,但兩人一齊經歷咁多風風雨雨,突然分開發覺自己冇咗對方唔得,所以子善下定決心向女友開出結婚承諾。佢表示婚禮已經搞左一半,酒席、場地亦搞得七七八八,到二月份就全力搞婚事,結完婚就開工或者陪太太去旅行。

逢二、五Parent婷就揀了敷肌美精超滲透3D美白立體面膜(藍色),面膜嘅高純度維他命 C可以抑制黑色素形成,加埋可柔軟肌膚嘅檸檬精華,幫肌膚去黃去暗啞,就唔怕被人話係「黃面婆」喇!面膜仲有保濕度極佳的膠原蛋白及蜂王漿精華,咁就可以重現水潤白滑肌喇!$68/4片(萬寧及莎莎有售)

 

 

星級兄弟團

林子善 圈中人緣好好,佢日前自爆兄弟團人選,可謂粒粒皆星!有鄭嘉穎﹑馬國明﹑黃嘉樂﹑唐詩詠,仲有黃長興同袁偉豪,就牌面睇已經係《萬千星輝賀台慶》!

 

 

 

婚禮請埋星爺

另外星爺周星馳可算係子善的啟蒙老師,那些年只有16歲的子善參加電影《喜劇之王》試鏡,有幸被星爺睇中,扮演黑社會角色「洪爺」出位,成功喺觀眾心中留下印象。子善揚言婚禮一定會請埋星爺,不過都明白對方貴人事忙,未必會到。

 

更多精選內容