陽光與海灘 胡杏兒 最新孕照曝光

陽光與海灘 胡杏兒 最新孕照曝光

近日 胡杏兒 與「胡說八道會」其餘五位成員,飛澳洲拍攝旅遊特輯,工作之餘順道來個姊妹旅行團!每位成員各自分享靚相,而懷孕快將6個半月的 胡杏兒 ,見肚照片終於曝光,加埋陽光與海灘,一個字,正!

 

撰文:Sunday Kiss
圖片:胡杏兒IG

胡說八道會在澳洲旅行,除了吃喝玩樂,點少得周圍影相啊?另外胡定欣擔任胡說八道會的專屬攝影師,為大家拍下很多美好的回憶!當中唔少得懷孕快將6個半月的 胡杏兒 ,佢不但帶咗好多靚衫去襯靚景之外,當然唔少得肚入面的小寶寶啦!杏兒見肚照片終於曝光,加埋陽光與海灘,一個字,正!

 

老公想陪飛

胡杏兒 同老公李乘德一直恨做父母,儘管杏兒陀B初期反胃又冇胃口,體重不重反輕,不過未有嚇怕杏兒,更望為夫家生多幾個,建立一個大家庭。5月母親節時陀B四個月的杏兒,終於對外公布喜訊,經歷孕吐後身體狀態回勇後,杏兒再度活躍起來,不但中港兩地開工,更跟老公出埠旅遊。近日陀住六個半月的杏兒更與胡說八道班姊妹齊齊飛澳洲,出發前,杏兒接受訪問口話老公唔擔心:「有班姊妹照顧我,老公都放心﹗」

今次雖然是工作,但由於拍攝以飲飲食食為主,大家當玩多過開工心態,不時網上直播拍攝情況,胡定欣龍友上身,拿住專業相機為大家留倩影,杏兒如表演時裝騷,靚衫每日一look,更一起入廚兼夾玩姊妹爆大鑊,又安排蒲吧,杏兒講笑話:「呢次拍攝冇任何危險動作,最危險就係去酒吧結識異性,最期待定欣有冇艷遇。」幸福少奶奶杏兒,最想姊妹們都得到幸福。

更多精選內容