27款止咳感冒湯水 大小朋友啱飲 流感高峰防感冒增強抵抗力

27款止咳感冒湯水 大小朋友啱飲 流感高峰防感冒增強抵抗力

今次一次過為大家介絡27款滋潤止咳湯水,大人細路都啱飲!24節氣中的白露剛過,意味著日夜溫差開始變大,這些轉季日子正正是流感高峰期,小朋友著涼、休息不足特別易染病。以下27款Blogger 推介秋冬時令啱飲嘅食譜及滋潤止咳湯水,除咗可以潤肺之外,仲可以抗病毒、預防感冒、健脾胃同通便㗎!

編輯:Sunday Kiss|撰文及圖片來源:Sammy Says 小小豬Kinsey、扭扭的地球麻麻、傑。斯與晴、成洛媽媽家常湯、海馬仔成長日記鄭小b之成長日誌

18.猴頭菇蘋果椰片南棗湯
19.蘋果百合煲豬展
20.三果魚尾湯
21.鱷魚肉海底椰湯
22.蘋果龍脷葉海底椰桔餅石黃皮飲
23.蘋果百合無花果瘦肉湯
24.青紅蘿蔔馬碲豬骨湯
25.蟲草花紅蓮雪耳湯
26.香甜椰子湯
27.蘆根薏米淡竹葉雪梨水

1.潤肺止咳 雪梨百合盅

家中小朋友如果因為熱氣而引起的咳嗽,就可以學下 「扭扭的地球麻麻」,為2歲11個月的扭扭準備了「雪梨百合盅」可以潤肺去火止咳,因為百合和梨加上冰糖帶清甜,小朋友都很容易接受。扭扭的地球麻麻溫馨提醒:冰糖不用放太多,圖中使用的是鮮百合,乾百合也可以替代,最後再加了些乾桂花,可以選擇加或不加。

材料:

梨、鮮百合、冰糖

滋潤止咳湯水

做法:

1 先把梨的底部削平,再將梨上方切出少許做為蓋。

2 將中間梨肉挖出,保留約1-2CM厚度的果皮與果肉。

滋潤止咳湯水
滋潤止咳湯水 雪梨百合盅

3 將適量的百合與冰糖放入,隔水中小火蒸。

4 放上梨的蓋子,蒸半個鐘。

5 完成!最後可以加上少少桂花裝飾。

滋潤止咳湯水

返回:27款滋潤止咳湯水大合集 助你對抗流感

2.提高免疫力 虎乳靈芝黨參燉豬腱

依排天氣轉涼,加上又流感咁利害,真係一不小心就好易感染傷風感冒,到時就大件事了。所以趁依家就做好預防,防左日常好好照顧小小豬的衣著同加強保持清潔衛生之外,飲多啲强壯體質同埋增強抵抗力湯水,打好個底咁就唔怕好易作病。今次就聽藥材店店主介紹,煲依個既好飲又有益嘅虎乳靈芝黨參燉豬腱啦!

虎乳靈芝對補益肺氣,對提高免疫力都有好有幫助;黨參有補中益氣、固本健脾;百合潤肺止咳;麥冬具清熱養陰、潤肺養胃;海玉竹養陰潤肺作用。(網上資料)

材料:

虎乳靈芝 半両、黨參半両、百合半両、麥冬半両、海玉竹半両、南北杏一湯匙、蜜棗2粒、豬腱約$35

滋潤止咳湯水

做法:

1 將所有藥材浸洗一陣~豬腱切塊後汆水備用

2 將所有材料放入燉盅內,然後加入1.5L滾水

3 然後放入電子燉盅燉3小時

4 最後加少少鹽調味

飲得啦
滋潤止咳湯水

燉湯因為有密封住燉盅,所以材料唔容易流失水份,啖湯就自然會突別清香,所以小小豬都話今次啲湯好甜,同平日啲有少少唔同,好似好飲啲哦(哈哈哈…幾時變左一名小食家呀)。個湯又真係唔難,加上小小豬又鐘意,咁我都唔介意煲多啲俾佢飲,打好個底都病少啲呀!

溫馨提示:

–黨參屬性比較滋補,所以感冒者不易飲用!

-由於個別人仕體質不同,所以大家記得煲之前了解下自己,如有疑問,請先向註冊中醫查詢!

返回:27款滋潤止咳湯水大合集 助你對抗流感

3.雪梨南瓜百合 小米粥

小朋友生病時,就要保持清淡簡單好消化,粥就是首選,使用鮮百合、乾百合製作的雪梨南瓜百合小米粥,對氣管都好。

材料:

梨、南瓜、無核葡萄乾切細塊,鮮百合、新小米
滋潤止咳湯水

做法:

1 小米同水煮沸後,再放入南瓜煮一陣。

2 最後放入梨和鮮百合一起煮。

3 完成!
滋潤止咳湯水 雪梨南瓜百合小米粥

返回:27款滋潤止咳湯水大合集 助你對抗流感

4. 滋潤湯水 霸王花無花果豬腱湯

天氣開始又乾又凍,最適合煲一啲滋潤湯水!

功效:健脾, 滋潤, 清熱潤肺

滋潤止咳湯水
材料:(3-4人份量)

霸王花(乾) 1束($10)、無花果 6粒、豬腱 1舊350G、紅蘿蔔 1條、粟米 1條、南北杏 2湯羹、蜜棗 2粒、水 3L、鹽 少許
滋潤止咳湯水

做法:

1 霸王花用水浸軟身,洗乾淨切去尾部硬身的地方;紅蘿蔔去皮切件,粟米切件備用;
2 鮑魚骨切件飛水備用;
3 水滾放入所有材料,大火30分鐘再轉細火煲2小時,最後放少許鹽就完成

滋潤止咳湯水

返回:27款滋潤止咳湯水大合集 助你對抗流感

閱讀更多: 6款流感湯水增強免疫力 預防勝治療|流感高峰期小童必飲

5.化痰止咳 紫花果印度椰子合掌瓜粟米湯

今次煲既湯水岩晒一家大細飲用,雖然無落豬肉同豬骨,但味道一樣清甜,仲無油份添架。

唔好以為呢合湯好普通無咩特別,其實每樣湯料都對身體好有益處架!
粟米:  有利尿去腫退黃、降血糖及膽固醇

紫花果: 含豐富花青素,有抗氧化、保䕶眼睛功效,

而且含有豐富纖維,有助促進腸道蠕動,減少便秘

合掌瓜: 具有理氣舒肝、化痰止咳既效用

紅腰豆: 具補血益氣,提高免疫力功效,同時亦有助養陰、消腫

印度椰子:有化痰止咳,潤肺清熱,滋陰養顏之效

材料:

滋潤止咳湯水

粟米    一條

紫花果   四粒

合掌瓜   兩個

紅腰豆   適量

印度椰子  一個

做法:

1 先將粟米去衣、再連同合掌瓜及印度椰子洗淨 。

滋潤止咳湯水

2 將印度椰子切成小片,粟米切成段,合掌瓜切成小片並將核除去備用

滋潤止咳湯水

3 以清水泡浸及清洗紅腰豆和紫花果,備用 。

4 預備一煲已煲滾既開水, 將所有材料放入並以中火煮滾 ,水滾後轉慢火再煲一小時即成

滋潤止咳湯水

5 完成後可依個人喜好加入鹽以調味,湯料本身已經夠清甜,所以就無再加蜜棗。

返回:27款滋潤止咳湯水大合集 助你對抗流感

6.雪梨乾雪耳無花果水

材料:

雪梨乾 8片、雪耳 1個、無花果 6粒、南北杏 1湯匙、蜜棗 2粒、水 2200ml

滋潤止咳湯水

做法:

1 雪耳浸軟沖洗乾淨,切件備用;無花果切開一半;

2 其他材料沖洗乾淨;

3 水滾後放下所有材料,大火煲10分鐘,然後轉細火繼續煲1小時便完成

4 做糖水:可以加入適量冰糖,再煲一煲便可享用

完成!

滋潤止咳湯水

返回:27款滋潤止咳湯水大合集 助你對抗流感

7.蘋果海底椰玉竹頭無花果瘦肉湯- 抗菌止咳 清熱潤肺

近日天氣轉涼,容易喉乾舌燥,今次推介呢個湯水-蘋果海底椰玉竹頭無花果瘦肉湯,有抗菌止咳 、清熱潤肺嘅功效,煲嚟潤一潤之餘,又可以抗菌,人冇咁容易病啦!

滋潤止咳湯水

材料:

蘋果、無花果、海底椰、玉竹頭、無花果、蜜棗、南北杏、瘦肉

蘋果海底椰玉竹頭無花果瘦肉湯
相片由成洛媽媽家常湯提供。

玉竹頭:具清熱、養陰、生津、潤燥、潤肺的作用,這些與普通的玉竹功效大致相同,不過玉竹頭還能調和人體氣血運行,亦能降血脂和血壓,而且味道較香無酸味,因此售價上要比玉竹稍貴。同時,和玉竹一樣,除了入藥,玉竹頭也是煲湯的好食材,清潤去燥,老少皆宜。

除此,玉竹頭有抗菌止咳的功能,配治療慢性支氣管炎所致的咳嗽的藥物,會有較好療效。

做法:

1 海底椰、玉竹頭、無花果、蜜棗、南北杏,洗淨浸軟備用

2 將蘋果一開四,去籽去皮

3 無花果切半

4 瘦肉切大件汆水

相片由成洛媽媽家常湯提供。
相片由成洛媽媽家常湯提供。

5 凍水下瘦肉,水滾後將其他材料放入湯鍋,再滾起後轉慢火煲約2小時

返回:27款滋潤止咳湯水大合集 助你對抗流感

8.西洋菜陳腎羅漢果生魚瘦肉湯 調理氣管不適

有所謂:「不時不食」,而家西洋菜當造,用嚟煲個時令湯水就最啱喇!呢個湯適合調理感冒後氣管炎,痰多咳嗽不止,對防治感冒咳嗽,氣管炎等有療效。

27款合時滋潤止咳湯水 大小朋友啱飲 流感高峰防感冒增強抵抗力

生魚:生魚有補脾益氣,清熱袪風,利水消腫功效。生魚肉成分為蛋白質脂肪、礦物質、維生素B2及核黃素,而尾部肌肉更含脯氨酸等十八種游離氨基酸,營養十分豐富。

西洋菜 :營養價值高,清熱解毒、清燥潤肺、化痰止咳、利尿,還可改善皮膚痕癢。它含豐富葉酸、維他命及礦物質,尤其是鐵質,可補充血紅素,助長血氣循環。其類胡蘿蔔素和葉黃素有強化視力的效果。

羅漢果:具有清肺止咳、涼血止血、生津潤腸的功效。

材料:

西洋菜、紅蘿蔔、陳腎、羅漢果、陳皮、南北杏、薑、生魚、瘦肉

滋潤止咳湯水

 

做法:

1 西洋菜用鹽水浸20分鐘,洗淨的瀝乾。

2 瘦肉及鴨腎在滾水中出水後沖洗乾淨。

3 生魚去鱗及清理內臟, 抹 乾,用1湯匙油煎至兩面微黃。

4 凍水下陳皮,水滾後加入材料(除西洋菜最後20分鐘落)煲3個小時,加鹽調味即可飲用。

滋潤止咳湯水

完成!

返回:27款滋潤止咳湯水大合集 助你對抗流感

9. 五指毛桃竹芋無花果栗子素湯 清肺止咳 益氣補虛

秋意漸涼,天氣轉乾,最容易惹咳及引起氣管敏感。呢個素湯可益氣補虛,清肺止咳,平日煲嚟潤一潤都唔錯㗎!

材料:

五指毛桃、竹芋、無花果、栗子、粟米、茨實、南北杏

滋潤止咳湯水
相片由成洛媽媽家常湯提供

五指毛桃:具益氣補虛、行氣解郁、壯筋活絡、健脾化濕、止咳化痰,對支氣管炎、氣虛、食慾不振、貧血、胃痛、慢性胃炎及產後少乳等病症都有一定的作用。

竹芋:具清肺止咳、清熱利尿的功效。

做法:

1 將材料洗淨

2 粟米及竹芋切段備用,其他材料略浸

3 開熱水略煮栗子三分鐘

4 之後取出,趁熱時用毛巾輕捽去衣

相片由成洛媽媽家常湯提供
相片由成洛媽媽家常湯提供

5 水滾後放入所有材料,中小火煲2小時,完成後熄火下鹽便可

相片由成洛媽媽家常湯提供
相片由成洛媽媽家常湯提供

返回:27款滋潤止咳湯水大合集 助你對抗流感

更多資訊:流感高峰要打好底 17款提升免疫力湯水

10.秋冬滋潤 潤肺止咳 蘋果雪梨麥冬無花果百合茶

蘋果: 生津潤肺
雪梨: 潤肺清燥
麥冬: 滋陰健脾
百合: 清熱安神
無花果: 清潤
桔餅: 潤肺止咳

材料:

1 蘋果 2個
2 鴨梨 3個
3 無花果 3粒
4 麥冬 1湯匙
5 百合 1両多
6 桔餅 2個 (可以唔加)
7 水 3L

圖片:鄭小b之成長日誌
圖片:鄭小b之成長日誌

做法:

1 蘋果刮去皮上的蠟,洗淨,去芯切件。

2 雪梨洗淨,去芯切件。

3 無花果、百合、麥冬浸洗淨。

4 無花果剪開一半。(剪開才出味)

5 桔餅用水面上糖粉。

6 鍋注入水,加入所有材料,大火滾10分鐘,轉小火煲1小時,完成。(如果唔夠甜,可加入適量冰糖)

圖片:鄭小b之成長日誌
圖片:鄭小b之成長日誌

貼士:

1 蘋果及雪梨連皮煲有一定功效。
2 蘋果及雪梨需去芯,否則會酸苦。
3 材料有藥材成份,要了解自己個人體質是否適合飲用。

返回:27款滋潤止咳湯水大合集 助你對抗流感

11.蘋果紫花果水 滋潤止咳 清甜

材料:

蘋果 1個、龍眼乾 5粒、紫花果 3粒、水 3大湯碗

滋潤止咳湯水

做法:

1 先將蘋果去皮切片,撤走蘋果芯

2 洗淨所有其他材料

3 加水入煲,凍水加入所有材料,水滾後轉細火煲45分鐘即可

*本身材料已有甜味,沒有加任何糖*

滋潤止咳湯水

返回:27款滋潤止咳湯水大合集 助你對抗流感

12.雪梨乾紫花果水 滋潤止咳 補水

紫無花果,比一般無花果更清甜 (天然原色、無添加、果香十足)

秋冬必備~無論焗水定煲湯都非常合適

含豐富花青素 (對眼睛好),抗氧化 (對皮膚好) 及多種維生素 (能防治傷風、感冒,增強體質)

對體弱多病的孩子有養血安神的作用

一周最多吃三次,食得多容易上火,出現便秘等問題

滋潤止咳湯水

材料:

雪梨乾 5-6塊、紫花果 4粒、南北杏 1湯匙、南棗 3粒、糖 1茶匙、水 3大湯碗

滋潤止咳湯水

做法:

1 洗淨所有其他材料

2 加水入煲,水滾後加入所有材料大火煲10分鐘,之後轉細火煲30分鐘,熄火焗多15-20分鐘即可

滋潤止咳湯水

適合15個月寶寶以上

飲用與否,媽媽自行選擇,以上只是個人意見純屬參考

返回:27款滋潤止咳湯水大合集 助你對抗流感

13. 清燥熱 潤肺止咳 鮮淮山椰子瘦肉湯

準備這個 鮮淮山 栗子椰子瘦肉湯時廚房充斥著一股香濃椰子味,感覺特別滋潤。印度椰子有清燥熱、潤肺養顏的功效;鮮海底椰則潤肺補腎及養顏美顏;栗子補腎健脾胃,也能增強食慾; 鮮淮山 健脾胃;鮮百合 潤肺止咳 ;海玉竹滋陰潤燥;紅蘿蔔健脾潤膚及健胃消滯;蜜棗補氣及 潤肺止咳 ;南北杏也有 潤肺止咳 及潤腸通便的功效。

滋潤止咳湯水

材料:

印度椰子 2個、鮮海底椰 4粒、栗子 約15粒、鮮淮山 1斤、鮮百合 3粒、海玉竹 35g,紅蘿蔔 1條、蜜棗 3粒、南北杏 20g、瘦肉 $30、水 3.5L

滋潤止咳湯水
做法:

1 瘦肉切件出水備用

2 印度椰子及鮮海底椰切片備用;紅蘿蔔及 鮮淮山 去皮切件備用

3 栗子去殼後以熱水煲5分鐘再去衣

4 鮮百合切去頭尾啡色部份並逐瓣拆開

5 海玉竹、蜜棗及南北杏略浸備用

6 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)

返回:27款滋潤止咳湯水大合集 助你對抗流感

更多資訊:冬天必飲5款滋補湯水 有效改善手腳冰冷

14.滋陰潤肺 清熱化痰 霸王花響螺豬展湯

霸王花 具健脾養胃及 潤肺止咳 的功效;響螺有開胃消滯、滋補養顏、滋陰補腎等功效;南北杏有 潤肺止咳 及潤腸通便的功效;無花果健脾滋養;蜜棗亦是 潤肺止咳 及化痰平喘的食材。

滋潤止咳湯水

材料:

霸王花 約70g、乾響螺頭 5隻 (約75-80g)、南北杏 15g、無花果 3粒、蜜棗 2粒、豬展 $35、水 3L

做法:

1 豬展出水備用

2 響螺頭洗淨浸軟,去腸切片備用

3 霸王花 用水浸半小時,剪去硬蒂及洗淨備用

4 無花果洗淨切半;南北杏略浸備用

5 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)

滋潤止咳湯水

返回:27款滋潤止咳湯水大合集 助你對抗流感

15.幼兒湯品:淮山茨實白果鷓鴣湯

鷓鴣是很好的滋補食材,有滋陰潤肺、健脾益氣、化痰止咳等功效,而且牠有高蛋白、低脂肪、低膽固醇的營養特性;瑤柱滋肝補腎;淮山茨實健脾胃;圓肉補益心脾;百合潤肺止咳;核桃補腎補腦;白果有去咳嗽及去咳喘之功效;蜜棗 潤肺止咳 、化痰平喘。

滋潤止咳湯水

材料:

鷓鴣 2隻、瑤柱 2粒、淮山 40g、茨實 40g、圓肉 15g、百合 10g、核桃 7-8粒、白果 30粒、蜜棗 1粒、薑 3片、水 2L

做法:

1 鷓鴣切件去皮(可請檔販代勞),洗淨用1片薑出水備用

2 白果用熱水灼片刻再去皮及去芯

3 其他材料洗淨略浸備用

4 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)
滋潤止咳湯水

返回:27款滋潤止咳湯水大合集 助你對抗流感

16. 潤肺止咳 北芪黨參淮山雞湯

北芪黨參健脾益氣、圓肉有補氣血、 潤肺止咳 的功效;淮山健脾補肺益腎;杞子明目、滋陰養肝;蓮子養心益腎,這個材料配搭便成了一款家常靚湯。

滋潤止咳湯水

材料:

雞 1隻、黨參 1條約15g、北芪 20g、淮山 40g、圓肉 20g、蓮子20g、杞子 20g、蜜棗 2粒、水 3L

做法:

1 雞去皮切件出水備用

2 黨參切件令其更出味

3 所有材料洗淨略浸備用

4 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)
滋潤止咳湯水

返回:27款滋潤止咳湯水大合集 助你對抗流感

17.治乾咳潤肺補氣管 淮山海底椰螺頭湯

鮮螺頭滋陰潤燥、滋補肝腎;鮮海底椰同樣滋陰潤燥,也止咳化痰;無花果滋陰潤肺,杞子明目補肝腎;淮山健脾胃;紅蘿蔔健脾潤膚,適合全家飲用。

滋潤止咳湯水

材料:

鮮螺頭 2個、鮮海底椰 6粒、無花果 3-4粒、杞子 40g、淮山 40g、紅蘿蔔 1條、蜜棗 2粒、豬展 $35、水 3L

做法:

1 螺頭洗淨去除黑潺的斑垢,切令其更易出味

2 鮮海底椰去皮,切片洗淨

3 紅蘿蔔去皮切件,無花果切半備用

4 豬展切件出水備用

5 杞子、淮山及蜜棗洗淨略浸備用

6 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)

返回:27款滋潤止咳湯水大合集 助你對抗流感

18.幼兒湯品 猴頭菇蘋果椰片南棗湯

猴頭菇益處多,有提高人體免疫力、抗氧化、提高胃部及消化系統功能等等;蘋果助消化、生津潤腸;南棗健脾補腎;花生含多種維生素、補腎益精;眉豆健脾化濕;蜜棗 潤肺止咳 。

滋潤止咳湯水

材料:

猴頭菇 1個(約30g)、蘋果 2個、椰片 50g、南棗 5粒、花生 40g、眉豆 40g、蜜棗 2粒、豬展 $30、水 3L

做法:

1 蘋果去皮去芯切件備用

2 豬展切件出水備用

3 猴頭菇 以清水浸片刻並擠乾水

4 去核南棗、椰片、花生、眉豆及蜜棗清洗略浸備用

5 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)
滋潤止咳湯水

返回:27款滋潤止咳湯水大合集 助你對抗流感

19.合家湯水 蘋果百合煲豬展 潤肺止咳

這個 蘋果百合煲豬展 只有4款材料:蘋果、百合、蜜棗及豬展,適合家中各人飲用。蘋果有生津止渴、潤肺除煩、健脾益胃、潤腸等多種功效;百合 潤肺止咳 及清心安神;蜜棗補中益氣、化痰平喘。

滋潤止咳湯水

材料:

蘋果 3個
百合 40g
蜜棗 3粒
豬展 $40
水 3L

做法:

1 蘋果去皮去芯切件備用

2 豬展切件出水備用

3 百合及蜜棗清洗略浸備用

4 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)

滋潤止咳湯水

返回:27款滋潤止咳湯水大合集 助你對抗流感

20.鮮甜滋潤 三果魚尾湯 舒緩喉嚨不適

蘋果有潤肺除煩、健脾益胃、養心益氣等多種功效;萬壽果清熱潤肺、滋陰養顏、含豐富抗氧化成份,同時也有助改善便秘;無花果開胃健脾、潤腸助消化。魚尾脂肪含量低,含豐富蛋白質及鈣;南北杏亦有滋 潤肺止咳 及潤腸通便的功效。

滋潤止咳湯水

材料:

蘋果 2個、木瓜 1個、無花果 3粒、魚尾 1條、蜜棗 2粒、南北杏 少許、薑 2-3片、水 2L

這個湯也可配麵條、米粉或拌飯吃,孩子必定吃得津津有味。我也特別喜歡點醬油吃魚肉,很美味!
滋潤止咳湯水

做法:

1 魚尾洗淨抹乾備用

2 蘋果及木瓜去皮去籽切件備用

3 無花果洗淨切半備用

4 蜜棗及南北杏洗淨略浸備用

5 下油爆香薑片,放入魚尾煎每邊約3分鐘,轉大火及倒入沸水

6 滾起後轉用高壓煲,再加入餘下材料煲20分鐘,於喝前再大滾一下便成 (若用一般煲具,則以大火煲滾,再用文火煲1小時左右便成)

返回:27款滋潤止咳湯水大合集 助你對抗流感

21.潤肺止咳 鱷魚肉海底椰湯

滋潤止咳湯水

林料:

基本上所有材料都好易買,一般藥材店都有, 鱷魚肉 乾2兩、海底椰1兩、南北杏一湯匙、淮山6片、乾百合一湯匙、無花果2兩、果皮1片及豬肉眼$40

滋潤止咳湯水

做法:

1 先將乾百合、淮山、南北杏和海底椰洗淨,果皮浸透去囊,無花果洗淨切半備用
滋潤止咳湯水

2 瘦肉及 鱷魚肉 乾氽水備用

3 煲內放約3L水,然後加入果皮~待水滾後再放入其他材料,用大火煲約半小時

4 之後就轉用慢火煲約1.5小時~最後加鹽調味就得啦

其實今次用嘅材料好似 鱷魚肉 、海底椰、百合….都係一啲健肺嘅食材,加埋一齊煲好飲就唔好講,仲可以潤肺又止咳,真係好啱一啲成日咳嘅大小朋友一齊飲呀!

返回:27款滋潤止咳湯水大合集 助你對抗流感

22.潤肺止咳 治肺熱咳嗽 蘋果龍脷葉海底椰桔餅石黃皮飲

材料:

蘋果、龍脷葉、石黃皮、海底椰、桔餅、蜜棗及南北杏

滋潤止咳湯水

龍脷葉:具有潤肺止咳、通便的作用,常用於治療肺燥咳嗽、咽痛失音和便秘。可清肺止咳、化痰平喘。治肺熱咳嗽、支氣管哮喘、急性支氣管炎、上呼吸道炎、失音、肺結核、咽喉痛。

石黃皮:有清熱利濕,寧肺止咳,也有消積的功效。是肺熱咳嗽化痰止咳的好食材。

做法:

1 將材料洗淨

2 將石黃皮用刀稍為拍扁

滋潤止咳湯水

3 蘋果一分為四,去皮去芯

4.水滾後放入所有材料,中小火煲90分鐘即可

滋潤止咳湯水

完成!

由於呢個湯水冇落肉,冇油份,所以熱飲、攤凍飲,甚至雪凍飲都得!入落水壺畀小朋友帶返學校飲都可以!

返回:27款滋潤止咳湯水大合集 助你對抗流感

23.滋潤排毒 蘋果百合無花果瘦肉湯

滋潤湯水 推介 -原來蘋果煮過之後係會非常甜,而且果膠仲可以幫助吸收身體入面毒素,所以想排毒潤腸之外,又想清清地滋潤下同埋養養裨胃,咁就可以試下煲依個 蘋果百合無花果瘦肉湯啦!

27款合時滋潤止咳湯水 大小朋友啱飲 流感高峰防感冒增強抵抗力

材料:

由於我地今日係六大一小嘅晚餐,所以材料就多少少,蘋果4個、無花果5粒、雪耳1朵 、鮮百合1包、果皮1片、豬肉眼$70
27款合時滋潤止咳湯水 大小朋友啱飲 流感高峰防感冒增強抵抗力

做法:

1 豬肉洗乾淨氽水;果皮浸透去囊;無花果洗淨切半;鮮百合洗淨剝成一瓣瓣備用

2 雪耳浸軟剪切塊;蘋果洗淨去皮去芯切件(蘋果最好就買中國蛇果,因為如果用富士蘋果的話,煲出嚟就會帶點酸味呀)~煲內放約4L水,然後加入果皮

3 待水滾後再放入其他材料,用大火煲約半小時~之後就轉用慢火加蓋煲約1.5小時

4 最後加鹽調味就得啦(真係少少好啦..因為太重鹽味就會蓋過蘋果甜啦)

返回:27款滋潤止咳湯水大合集 助你對抗流感

24.清熱解渴 青紅蘿蔔馬碲豬骨湯

紅蘿蔔含維他命A、B1、B2和C,更含大量胡蘿蔔素,能補血強身,滋潤解燥,驅胸鬱悶,調整腸胃,降火氣;青蘿蔔能清熱,有健胃化痰,滋潤助消化的功效;馬蹄能清熱解渴,涼血解毒,利尿通便,幫助消化,治療咽喉腫脹;粟米有助利尿、清熱、消暑及祛濕的功效;蜜棗潤肺止咳;南北杏可止咳下氣,潤燥消積。(網上資料)

滋潤止咳湯水

材料:

紅蘿蔔1個、青蘿蔔1個、粟米1條、馬蹄10粒、蜜棗3粒、南北杏一湯匙 (少許)、豬骨$40

滋潤止咳湯水

做法:

1 紅蘿蔔及青蘿蔔去皮以滾筒式切塊

2 馬蹄去皮~粟米洗淨切段~蜜棗及南北杏用清水浸15分鐘~豬骨洗淨汆水

3 煲內放約3L水,然後加入所有材料。待滾起後,繼續用大火加蓋煲約15分鐘,再轉慢火加蓋煲1.5小時

4 最後加鹽調味就可以飲得

今次改左用馬蹄同粟米嚟煲青紅蘿蔔湯,感覺都幾好,比我平日最多用嘅羅漢果有多一陣清甜味,清清地又幾啱夏天飲。最好就係又可以當餸食,咁晚餐仲可以慳返一個餸添….哈哈哈!
溫馨提示:
由於個別人仕體質不同,所以大家記得煲之前了解下自己,如有疑問,請先向註冊中醫查詢!

返回:27款滋潤止咳湯水大合集 助你對抗流感

更多資訊:10個食譜+慳錢購物法 日本媽媽教$10煮1菜1湯

25.清熱止咳 蟲草花 紅蓮雪耳湯

蟲草花 瑤柱百合紅蓮雪耳湯補而不燥,當中蟲草花滋陰補腎、有抗衰老、提高免疫力的功效;瑤柱滋肝補腎;百合潤肺止咳、紅蓮健脾;雪耳則有清熱潤肺、養顏之功效,適合家中上飲用。
滋潤止咳湯水

材料:

蟲草花 40g、瑤柱 6粒、百合 40g、紅蓮 40g、雪耳 半個、蜜棗 2粒、瘦肉 $35、水 3L

做法:

1 瘦肉切件出水備用

2 蟲草花 、瑤柱、百合、紅蓮、蜜棗洗淨略浸備用

3 雪耳浸軟去蒂切件備用

4 將所有材料放入高壓煲煲20分鐘,於喝前再大滾一下便成(若想雪耳比較有咬口,可在後段才加入) (若用一般煲具,則以大火煲滾,再用文火煲2-3小時便成)

滋潤止咳湯水

返回:27款滋潤止咳湯水大合集 助你對抗流感

26.止咳潤肺 味道香甜椰子湯

近日天氣轉涼。在這些日子一煲 滋潤 湯水非常重要,我也特意挑選味道甜美的湯水讓孩子多喝一點,補充水份。這個印度椰子甘筍合掌瓜粟米煲豬展有淡淡椰香,配合其他材料味道相當香甜,這款清潤養生湯水一家上下飲用,椰子湯亦有美肌 滋潤 止咳潤肺 功效 。

兒童必飲 止咳潤肺 椰子湯

印度椰子有 止咳潤肺 、滋陰補腎及清熱功效;甘筍健脾胃;合掌瓜含豐富膠原蛋白,有美肌潤膚作用;粟米含豐富纖維,有預防感冒功效;蜜棗補中益氣;南北杏有潤肺止咳、潤腸通便之效。

材料:

印度椰子 1個、甘筍 1條、合掌瓜 2個、粟米 1條、蜜棗 3粒、豬展 $30、南北杏 適量、水2.5L

滋潤止咳湯水

做法:

1 豬展切件出水備用
2 印度椰子切件備用
3 甘筍、合掌瓜及粟米去皮切件備用
4 南北杏及蜜棗洗淨備用
5 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)

滋潤止咳湯水

返回:27款滋潤止咳湯水大合集 助你對抗流感

27.清熱生津 蘆根薏米淡竹葉雪梨水

雪梨可以生津潤燥及清熱化痰等功效;蘆根清熱生津,除煩止嘔;薏米就有美白及清熱排毒嘅功效,而且對利水祛濕同埋去水腫都有非常好嘅作用;淡竹葉功效清心火,除煩熱,利小便。(網上資料)

材料:

雪梨2個、蘆根5錢、生熟薏米1兩、淡竹葉3錢、冰糖適量
滋潤止咳湯水

做法:

1 薏米洗乾淨後浸半小時,其他材料浸洗15分鐘,雪梨洗淨去核切塊備用。

2 煲內放大約1.5L水,然後所有材料(冰糖除外)

3 待滾起後,用大火加蓋煲10分鐘
滋潤止咳湯水

4 然後加入適量冰糖,轉用慢火加蓋煲1小時,完成。

其實佢個味道同普通嘅雪梨薏米水差唔多,不過就多左少少淡竹葉嘅香味,入口都幾清甜,小小豬話雪凍仲好飲呀!

溫馨提示:

– 由於個別人仕體質不同,所以大家記得煲之前了解下自己,如有疑問,請先向註冊中醫查詢!

– 孕婦不宜飲用!

返回:27款滋潤止咳湯水大合集 助你對抗流感

更多精選內容