自助餐 「夏日牛魔王」

自助餐 「夏日牛魔王」

上星期生日正日,強哥帶左我去一間令我大叫「有!驚!喜!」既餐廳啊!

呢間位於北角既City Garden酒店,我本身並不太認識,因為距離屋企都較遠,亦無特別聽過佢地既自助餐,但強哥既同事就極力推薦,所以佢就選擇係我生日正日帶我黎試試!

「夏日牛魔王」自助餐

炮台山地鐵站附近,地點都算方便。酒店本身不算好大,但嘩!有驚喜啊!佢地個 自助餐 真心係我地食過既頭五甲,一入餐廳強哥就比甜品櫃吸引住,甜品專櫃有超正五星級甜品,其中最受歡迎的黑松露朱古力蛋糕、Opera cake、焦糖蛋糕以及Mövenpick 雪糕,真係見到都開心。

而今次城市花園酒店綠茵閣的主題係「夏日牛魔王盛宴」,其中有韓國、澳洲、紐西蘭三國牛肉可以試到,亦好鐘意佢地既海鮮櫃,有青口、長腳蟹、凍蝦;而日式爐端燒,亦好正,有鵝肝、燒羊架、燒蔬菜等;最正可以任飲啤酒和雞尾酒,呢個「夏日牛魔王」自助晚餐成人每位只須約港幣$468,真心抵呀

更多精選內容