8大美肌 養顏 湯水 靚媽啱飲!

8大美肌 養顏 湯水 靚媽啱飲!

好多媽媽都會煲湯比小朋友飲,希望可以補下小朋友身體,但有唔少湯水同時會有 養顏 嘅功效,煲比小朋友飲之餘自己仲可以 養顏 美肌!等Blogger小小豬的成長日誌教大家煲8大美肌 養顏 湯水!

 

 

 

編輯:Sunday kiss
撰文:小小豬的成長日誌
圖片:小小豬的成長日誌

1.印度椰子栗子瘦肉湯

早係幾個月前煲過印度椰子清潤湯之後,真心覺得係好飲,所以成日都想買嚟再煲過。終於買到又平又靚嘅印度椰子,所以就即刻去買材料,煲依個印度椰子栗子瘦肉湯啦!
IMG_8509

印度椰子有助清燥熱、止咳功效、滋陰補腎、潤肺 養顏 、強壯身體機能嘅作用。栗子就有助補脾健胃,再加埋果皮同百合一齊煲,對潤肺止咳係好好呀!

材料包括有,印度椰子一粒、栗子半斤、紅蘿蔔一絛半、豬肉眼約$40、鮮百合兩粒、果皮兩小塊~

IMG_8512

先將印度椰子切片,可以的話就切薄啲,咁就煲時就可以出味啲~
IMG_8516

栗子去殼,浸熱水去衣備用~

IMG_8520
果皮浸透去囊,百合洗乾淨,紅蘿蔔去皮切塊,瘦肉洗淨汆水備用~

IMG_8523

煲內放約1.5L水(約有15個飯碗左右啦),然後加入果皮~
IMG_8528

利用大火煲一陣,待水滾後加入所有材料~

IMG_8530

再一次滾起後,後轉用慢火煲約2小時~

IMG_8544
最後加少少鹽調味就飲得啦~

IMG_8553

既有超香嘅椰子味之餘,又有少少栗子味,所以真係啱晒椰子控的我同埋栗子控嘅小小豬。就連老公都大讚啖湯好清甜,今次真係一次過滿足晒我地三口子嘅口味,小小豬飲左兩碗,我地大人就飲左三大碗,真係超飽呀呀!

2.蘋果桂圓燉桃膠

其實「桃膠」乃桃樹嘅天然分泌物,於樹上結成琥珀色晶體,蘊含豐富植物膠原,具美顏、滋補功效,最重要是價錢較傳統花膠、燕窩便宜,絕對是平民養顏恩物,而且其功效近似燕窩,冬天用來煲糖水相當滋潤~

IMG_8569

由於都係第一次煮,所以都唔敢煮太多,同埋係咩味道,所以今次就冇預小小豬份,只係煮兩人份量先啦!

蘋果一個、桃膠一湯匙、桂圓約六粒、紅棗六粒、南北杏半湯匙、冰糖少少(視乎個人喜愛嘅甜度啦)~
IMG_8667

 

桃膠用水浸6-8小時至發大,途中最好換幾次水~
IMG_8565

要留意桃膠都係啲天然食材,難免有啲雜質,所以要細心咁除去啲黑色雜質呀~
IMG_8571
IMG_8573

浸好左啲桃膠又真係比初時大好多倍,亮晶晶咁又幾靚哦~
IMG_8575

蘋果去皮去芯切粗粒~

IMG_8669

桂圓、紅棗及南北杏就浸洗備用~
IMG_8671

將蘋果、桂圓、紅棗及南北杏連用兩飯碗水放入燉盅內~
IMG_8674

放入電子燉盅內先燉45分鐘~

IMG_8678

其後再將冰糖及桃膠加入燉盅內,再燉30分鐘~
IMG_8681

IMG_8679

食得啦…記得要趁熱食呀~
IMG_8682

第一次燉蘋果,連埋啲果肉一齊食,甜得嚟又有點酒香味(哈哈哈…我都冇落酒,應該係個蘋果發出嚟嘅),估唔到又幾好食。

之前睇網友講話桃膠囗感似雪蛤膏,算我一向少食貴嘢,唔知雪蛤膏係咩味。不過我就覺得有啲似啫喱,加埋啲糖水一齊食,口感同味道都唔錯呀~
IMG_8689

桃膠其實仲有好多配搭,我買左成一大盒,今次都只係用左少少,所以….真係可以慢慢整多啲唔同花款,等自己滋一滋先得!

3.清甜滋潤 海底椰蘋果雞腳湯

突然間口痕痕,好想食煲湯雞腳,所以就煲返個清甜滋潤嘅 海底椰 蘋果雞腳湯滿足一下自己先!今次其實主要係用上新鮮 海底椰 ,佢除左有潤肺功效之外,仲可以養顏滋潤,對皮膚好好添。特別係由朝到晚都開冷氣,皮膚都一定會乾乾的,所以返個 海底椰 靚湯滋潤下。而且加埋蘋果一齊煲,咁啖湯就真係既滋潤又清甜,仲唔係十個GOOD!

由於今次我地又嚟八人大餐,所以材料就多少少,包括:新鮮海底椰四粒、蜜棗四粒、南北杏一湯匙、果皮三片、蘋果四個、雞腳約二十隻及豬骨約$60~
Picture

果皮浸透去囊;豬骨及雞腳洗淨汆水~

我之前次次煲雞腳都一定會剪好晒啲腳趾,諗住好似會方便啲。但今次爸爸教路話唔好剪,因為一剪左就會係煲湯過程漏左啲雞油出嚟,咁成煲湯就一定會好油淋淋呀。所以我今次就洗乾淨晒之後,原腳一齊煲,睇下係咪真係冇乜油先。

我平日都係鐘意用蛇果,點知今日行晒成個街市都冇,所以都照用富士蘋果頂住先啦。蘋果刮去那層果蠟之後,洗淨去芯切塊;新鮮海底椰洗淨,記得唔好除去嗰層薄皮,因為止咳都係靠佢呀;蜜棗及南北杏浸10分鐘沖淨~

Picture

煲內放約5L水,放入果皮,待水滾後放入蜜棗及南北杏~

Picture

待再次滾起時,可以加入蘋果、海底椰及豬骨,用大火加蓋煲約30分鐘~
Picture

然後加入雞腳,再轉慢火加蓋煲多1.5小時~

Picture

最後加入少少鹽調味,就可以飲啦~
Picture

啖湯真係好清甜,而且真係一啲都唔油,第一次煲雞腳湯係冇唔洗好勤力咁邊煲邊隔油,真係既好味又方便(仲要係好好食,煲湯雞腳真係特別好食呀),睇嚟下次都要用返爸爸呢個方法,煲湯時唔好剪走啲腳甲,最多叫大家食湯渣嘅時候小心啲啦…哈哈哈!

4.海星紅蘿蔔瘦肉湯

IMG_2569

早前試過用海星煲雪梨湯,味道都唔錯小小豬都好鐘意飲,見都開左包海星,再加上搵到肥媽之前食平DD個食譜,所以就嚟海星紅蘿蔔瘦肉湯啦。海星係好有藥用價值,對滋肺養顏、化痰止咳、生津潤燥同埋可以滋養強身,真係啱晒依排成日喉嚨痕引起咳嘅我飲呀!

材料:

海星一隻、 豬肉眼$40、南北杏一湯匙、鮮百合兩球、玉竹兩湯匙、果皮一片、粟米及紅蘿蔔各一條~
IMG_2570

海星先用熱水浸約五分鐘,然後將海星肚內清洗乾淨,一定要小心啲清洗,所有內臟都一定要清走,如果唔係成煲湯就會勁腥啦~
IMG_2576

IMG_2579

海星放入加了薑煲汆水~
IMG_2582

果皮浸透去囊;鮮百合切去頭尾啡黑色部分,逐塊剝開洗淨;玉竹及南北杏洗淨備用~
IMG_2583

瘦肉洗淨汆水;紅蘿蔔及粟米去皮切塊~
IMG_2589

煲內放約3L水,然後加入果皮~
IMG_2586
水滾後放入所有材料~

IMG_2594

待水滾後再放入其他材料,先用大火煲約半小時~
IMG_2596

然後轉慢火加蓋煲兩小時~
IMG_2597

最後加少少鹽就飲得啦~
IMG_2669

上次只用雪梨都已經覺得唔錯,不過加左粟米、紅蘿蔔同鮮百合一齊煲,就多多一份甜味,所以就更加好飲,小小豬都大讚好飲呀!(緊係啦…依個粟米怪一見到條粟米已經不停話正啦!)

5.桃膠雪蓮子煲黃耳

桃膠含有豐富植物膠源,可補充皮膚膠原蛋白、增加皮膚彈性、減少皺紋。雪蓮子營養成份豐富,屬高能量、高碳水化合物、低蛋白,低脂肪食物。而且可以補充膠原蛋白,可以滋養皮膚及養肝滋腎。所以三者加埋一齊煲,可以話係補充膠原蛋白最佳組合,仲唔係勁啱女仕們飲用!

雪蓮子約20粒、桃膠半湯匙、黃耳2朵、圓肉3-4粒、冰糖少少~

IMG_2670

 

將雪蓮子、桃膠及黃耳用水浸發十小時間或以上至軟身~
IMG_2558

然後雪蓮子及桃膠就要洗淨後把黑色部分剪走。黃耳就去蒂切細細舊~
IMG_2674

黃耳所含膠質亦非常豐富,可促進肝脂肪代謝,亦可滋潤養顏及延緩衰老。
將兩飯碗清水加入煲內,然後再將所有材料,以中火煮半小時~

IMG_2677

話咁快就食得啦…最好就要趁熱食~
IMG_2686

基本上所有材料都食得,食落又真係幾好味,而且仲好飽肚添…哈哈哈~
IMG_2692

簡單得嚟又真係超滋潤,膠質仲好重,所以得閒都要煲俾自己食,女仕都要愛下自己先得呀!

6.【美肌 養顏】黑豆紅棗圓肉茶

見有朋友仔介紹煲依個好啱女仕飲嘅黑豆紅棗圓肉茶,見材料簡單又唔難整,所以又嚟試下係好唔好飲先!

當然我都有上網睇過啲資料,原來黑豆係好有益,因為佢黑豆不含膽固醇,只含植物固醇,而植物固醇不被人體吸收利用,又有抑制人體吸收膽固醇、降低膽固醇在血液中含量的作用。經常食用黑豆就可以軟化血管,滋潤皮膚,延緩衰老。另外仲可以有美容養顏功效,而且佢鐵質成份好重,所以月事過後可以飲用嚟調理身體呀!

材料就有:黑豆50g、圓肉15g及紅棗6粒~

黑豆先用水浸大約20分鐘;紅棗去核同圓肉一齊洗淨~

煲內加入4碗水~

然後加入所有材料

待水滾後,轉用慢火加蓋煲30分鐘~

熄火後再焗多15-20分鐘,隔楂後就可以飲啦~
Picture

初時見到黑卒卒都有點驚唔知係咩味,不過原來都同平時嘅紅棗茶味道差唔多,暖暖地咁飲都唔錯呀!

既然味道唔差又有營養啲,所以下以就紅棗茶時都加埋黑豆入去,要愛鍚自己多啲嘛!

7.潤肺養膚 雪耳螺片瘦肉湯

病好左就自然係要好好保養下自己,所以就煲返個潤肺養膚嘅 雪耳螺片瘦肉湯 ,等兩位老細潤一潤之餘,我又可以滋返下啲皮膚(其實….今次都係為自己著想多啲…哈哈哈)!

雪耳係滋潤相信大家都知,有助潤肺、潤膚同埋養顏嘅功效。螺片乾滋陰嘅同時又可以提升湯嘅鮮味。玉竹同埋沙蔘就可以潤肺,所以食雪耳同飲湯水就可以潤肺養膚!

材料包括:雪耳約1両、螺片乾2両(約兩片)、玉竹1両、沙蔘1両,陳皮1小塊,蜜棗4粒及瘦肉約$35~

做法:

螺片先浸至軟身,然後就切成小塊;雪耳浸軟剪切塊;陳皮浸軟刮去皮瓤~

瘦肉洗淨汆水;其他藥材浸洗一陣~

煲內放約3L水,然後隨水加入陳皮~

待水滾後加入所有材料~

繼續用大火加蓋煲約15分鐘~

之後轉慢火加蓋煲多1.5小時~

最後加鹽調味,就可以飲得~

有雪耳嘅湯就啱晒小小豬,因為我話過食雪耳變靚仔嘛(哈哈哈…人仔細細就咁貪靚)。不過其實啖湯都好清甜,飲完都覺得特別滋潤呀!

溫馨提示:
– 這個湯的材料非常溫和,但由於個別人仕體質不同,所以大家記得煲之前了解下自己,如有疑問,最好先諮詢醫生或醫師的意見。!

– 雖然雪耳係好味又有益,不過都要再提多大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!

8.排毒養顏 猴頭菇螺片滋補湯

經常大吃大喝,係時候要食返清啲,等腸胃回復健康。所以我就煲左既可以既滋補又清腸胃嘅 猴頭菇螺片滋補湯 俾兩位老細飲啦!猴頭菇益腸和胃;螺片滋陰養肝,再加埋黨參、北芪同圓肉一齊煲,對腸胃好之餘,對滋補養陰及潤膚養顏有顯著幫助呀。

材料:

我就係三人份量,煲出嚟約有六至七碗左右。

材料就需要:瘦肉約$40;猴頭菇、螺片、黨參、北芪、圓肉,你同藥材鋪店員講大約幾多人飲,佢就會幫你執份量啦~

IMG_0489

做法:

猴頭菇及螺片先浸至軟身(大約兩小時左右),然後就切成小塊~
IMG_0498

IMG_0502

瘦肉洗淨汆水備用,其餘嘅藥材就浸洗一陣~瘦肉洗淨汆水備用,其餘嘅藥材就浸洗一陣~
IMG_0499

將2L清水燒熱,然後放入所有材料~
IMG_0506

待水再滾後轉慢火煲一個半小時~
IMG_0519

最後加少少鹽就可以飲得啦~
IMG_0528

之前我都有煲過猴頭菇湯,不過就只限飲佢啲湯,真係冇諗過係可以食。原來佢嘅味道又真係唔錯,而且仲係好有益,食左猴頭菇之後就好似食左個清道夫,幫你掃走晒啲唔健康嘅嘢排出體外呀~
IMG_0532

雖然都係用藥材嚟煲,不過完全冇嗰啲藥材品,入口反而係甜甜地,我家兩位老細都讚好飲呀!

哈哈哈…佢地鐘意就好,咁我就可以多啲煲,清下體內嘅唔健康嘅嘢,又可以滋潤一下,飲多啲….對身體都好啲呀!

更多精選內容