【祛濕必飲】3大滋潤 祛濕 湯水

【祛濕必飲】3大滋潤 祛濕 湯水

小朋友平時唔多飲水又容易出汗,需要飲多啲滋潤 祛濕 嘅湯水!今次等Blogger小小豬的成長日誌教大家煲3款滋潤 祛濕 湯水啦!

撰文&圖片:小小豬的成長日誌 | 編輯:Chloe

1. 祛濕 解毒 牛大力土伏苓茶

依家天氣都帶點濕濕笠笠,都係時候要煲多啲祛濕解毒嘅湯水。講到最好嘅祛濕湯就一定係 牛大力土伏苓 ,我之前都有煲過牛大力土伏苓粉葛豬骨湯,由於帶有啲豆味,所以小小豬就唔算鐘意飲,只你應酬式飲左一碗。

前日帶小小豬去興趣班時,等放學嘅時候行過食材店,店主姨姨教緊其他客人煲牛大力土伏苓茶,話煲出嚟有益之餘,甜甜地又有蔗味,絕對啱各位大小朋友。見佢講到咁正,所以我又買一份嚟煲俾小小豬飲啦~

祛濕

上次我煲嘅牛大力同土伏苓就係濕貨(即係新鮮嘅),今次嘅就係用乾貨(即係中藥材店嘅),我都發揮問題少婦咁不停問店主姨姨兩者有咩分別,原來乾貨(即一般嘅藥材店買到嘅各材料)就係經過切片晒乾或者先蒸熟再曬,咁佢就冇咁寒涼,適合唔同體質嘅人仕,尤其更加啱小朋友飲呀!

材料:

牛大力一両、土伏苓一両、糖冬瓜約十條及腰果半碗~
祛濕

做法:

將所有材料清洗乾淨~
祛濕

煲內放入8碗水~
祛濕
然後加入所有材料(糖冬瓜除外)~
祛濕

延伸閱讀:【超強勁祛濕湯】 牛大力土伏苓粉葛蘿蔔豬骨湯

待煲滾後,就可以加入糖冬瓜,然後用大火加蓋煲約10分鐘~
祛濕
最後加蓋慢火煲30分鐘~
祛濕

煲好後先隔去材料,待涼後就可以飲啦~
祛濕
上次飲牛大力土伏苓粉葛豬骨湯就十萬個不願意(因為煲出嚟烏卒卒),不過今次出奇地小小豬勁鐘意飲,飲完一杯再一杯,唔洗一晚就成支500ML完成品俾佢飲晒。

不過其實又真係幾好飲,入口丁點藥材味都冇,仲有勁香嘅竹蔗味,所以唔止小小豬,就連多多要求嘅老公都讚好!

只要兩位老細鐘意,尤其食個係咁簡單又易煲兼好好飲嘅涼茶,我都唔怕密密煲啦!

2. 滋潤 祛濕 無花果雪梨薏米水

小小豬唔知做乜依幾日個咀角爆擦,係呀….正常都係應該秋天先會爆擦,唔知點解佢咁奇怪炎炎夏日嚟爆。緊係啦,依隻豬仔平日都唔算多飲水,加上身體又成日出汗,所以整個人都唔夠水,所以就煲滋潤 祛濕 嘅無花果雪梨薏米水俾隻豬仔潤返下啦!

無花果我多數用嚟煲湯,用嚟調味為主。不過原來用嚟做主角都一樣係好正,因為無花果係好益,可以補血氣、強體質、滋潤喉嚨、幫助皮膚鎖水、祛水腫 同埋潤腸減少便秘。

無花果再加埋雪梨就夠晒滋潤,再加埋薏米一齊,就可以有埋祛濕同祛水腫,真係飲完可以即刻潤返晒,飲完仲唔即刻靚返晒。

材料:

雪梨4個、無花果6粒、生薏米及熟薏米各半碗~

祛濕

做法:

平時我煲湯就用普通細細粒嗰啲無花果,不過我今次就買左大大粒嗰啲土耳其無花果,咁煲出嚟嘅味道就會甜啲,咁就可以連冰糖都唔洗加呀~

生熟薏米先浸1小時;無花果略沖洗後切開一半(咁就可以易啲出味);雪梨去芯切件~

祛濕

延伸閱讀:【健脾祛濕】蓮藕栗子赤小豆扁豆豬骨湯

煲內放入3水,然後將所有材料加入煲內~待水滾後,用大火加蓋煲約15分鐘~然後轉慢火加蓋煲多一個鐘~

祛濕

煲好之後就可以試下味,如果有需要就可以加少少冰糖調味。不過我就覺得只係用無花果都夠甜,所以就冇加冰糖都好好飲~

祛濕

有小小豬鐘意飲嘅雪梨水,加上味道又甜甜地,依隻豬仔都好鐘意飲呀~

祛濕

除左滋潤之外,平日食得多熱氣嘢、捱夜或睡眠不足(即係我啦),都好啱飲呀!
溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

3.祛濕消暑 雲苓蓮子薏米南豆黃瓜湯

話說我上次煲准山赤小豆扁豆湯時,就係因為嗰一陣重豆味,所以小小豬係唔情願之下飲。咁飲湯應該係開心,依家天氣又真係需要袪濕,所以就請教相熟藥材店職員,最後佢就教我煲呢個健脾化濕的 雲苓蓮子薏米南豆黃瓜湯 。

其實大部分材料我都有少少認識,雲苓有健脾祛濕嘅功效;蓮子就可以清心醒脾,補中養神,健脾補胃;薏米就唔洗講都知係袪濕良坊啦!只係南豆嚟講就有啲陌生,原來南豆又叫做南扁豆,對健脾益氣、化濕消暑都好有幫助,所以如果唔鐘意赤小豆及扁豆嗰個重豆味時,可以改用南豆,因為功效都係差唔多呀!依幾樣藥材加埋個黃瓜一齊煲,就可以健脾化濕補氣,最重要係煲出嚟白雪雪又有甜甜地,小小豬應該會鐘意。

材料:

材料都唔算係好多,豬肉眼$40、黃瓜1個、蜜棗4-5粒;雲苓、蓮子、薏米、南豆,藥材份量方面你同藥材店職員講大約幾多人飲用,佢就會幫你執份量啦~

祛濕

做法:

瘦肉洗淨汆水備用,藥材就浸洗一陣~黃瓜去籽切塊,切大舊啲都唔怕,因為太細煲完湯就冇得食啦~

祛濕

煲內放約3L水,水滾後放入所有材料~

祛濕

待再次滾起時,先繼續用大火煲約15分鐘~然後加入黃瓜~
祛濕

用大火煲約15分鐘,再轉慢火加蓋煲1.5小時~最後加入少少鹽調味,就可以飲啦~

祛濕

延伸閱讀:【春季祛濕】30大春日最強祛濕湯水合集

千其唔好漏左啲黃瓜,煲過湯嘅特別好味,簡直係我至愛呀~

祛濕

今次終於唔洗三吹四請,小小豬自動自覺拎碗湯嚟飲,仲要求我下次再煲依款湯添。得佢咁支持我緊係開心,所以都要去執多幾份材料,煲多幾次俾佢飲先得呀!
溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

更多精選內容