Keicy小小攝影師初體驗

Keicy小小攝影師初體驗

唔少父母都想囝囡大個咗做乜師物師,不過我認為,父母應該支持小朋友做最真實嘅自己,先可以發揮自己獨有嘅才能。學識接受唔完美,但努力勇往直前嘅自己,先係一個孩子成長該有嘅模樣,所以呢次去旅行,我交咗部相機畀 Keicy,希望佢喺旅程中透過攝影,增加佢對周圍事物嘅興趣,激發創意,希望佢有比卡超公仔陪住,能更勇敢探索世界,而我亦可以透過 Keicy 拍攝嘅景物,更了解佢嘅想法。

喺人人都有智能電話嘅年代,影一張相話咁易,好多家長會畀小朋友用智能電話或平板電腦影相,不過其實用相機影相,會少啲誘惑,小朋友可以更專心,唔會影完兩張相就走去玩手遊,而且呢部 Canon EOS M10 細細部,小朋友容易拎出街,但又好似電話影相咁容易操作,點一點個螢幕就可以影相,所以我選擇喺去旅行嘅時候,將佢交畀 Keicy,令佢可以喺一個愉快嘅時光同環境,輕鬆自學攝影。

Keicy 仲學《Pokémon》嘅訓練員,將隨機附送嘅 cute cute 比卡超公仔放上膊頭,即刻元氣十足,冒險精神爆升!Keicy 仲唔捨得除落嚟㖭!

相機設計好輕好方便,Keicy 全日掛喺頸度影相都唔會覺得攰,而且相機有多角度 touch screen,螢幕可以反起,盡情自拍或者企高踎低影相一樣冇問題,幾刁鑽嘅角度 Keicy 都影到。

 

同行其他小朋友見到 Keicy 影得咁開心,都好好奇上前問佢,Keicy 即刻同大家一齊玩,又教對方點用,連四歲半嘅表妹都好快上手,仲一齊自拍㖭!^^

影完相,只要連接 Wi-Fi,就可以喺智能手機睇返影過嘅相,當然要即刻開心 share 啦!

我亦都可以從 Keicy 影嘅相,更了解佢係點樣睇呢個世界,雖則我係媽媽,不過始終係大人,觀點與角度都唔一樣,為咗同小朋友溝通得更好,呢啲「功課」,係要做嘅。

每個小朋友都係獨一無二,所以適合嘅教育方式好重要,而真正的教育,唔係過度保護、過度指導同過度關懷,畀孩子自由發揮、自主決定,無論佢哋大個咗係點,都一定有所作為。

好似呢日咁樣,Keicy 先對公仔影咗一輪,由最初嘅「手震鬆郁矇」、「左右高低不平」、「目標唔夠中間」,慢慢開始掌握到技巧,一點一滴進步,影咗 N 張之後,又開始留意構圖,會嘗試將公仔同「道具」擺靚啲,自己又企高踎低,嘗試搵出最佳角度,務求有最佳效果,就算畀太陽曬到出汗、食晒風都仍然專心影相,精神可加!

唔知係咪影相影到有「氣場」,同行嘅小朋友走埋嚟叫 Keicy 影自己,Keicy 即刻 say yes,繼續「大師上身」,努力搵出最佳角度,雖然搞咗一大輪,但係對方好有耐性,坐定定畀 Keicy 慢慢影。

 

希望 Keicy 無論影相同做其他事,都不斷進步,期待將來 Keicy 會影到更多好嘅作品。

 

FB: KeicyKK

更多精選內容