2017美食博覽 掃食指南 布丁燒+巨型墨魚+黑松露大魚蛋

2017美食博覽 掃食指南 布丁燒+巨型墨魚+黑松露大魚蛋

2017美食博覽 昨日開鑼,不少人都會一家大細來掃街,記者今日就來到現場直擊,睇下有咩食!今屆參展商數目打破歷年紀錄,記者今天落場試食了幾十個攤位,發現不少吸引的美食,立即看看!

原文:新假期

撰文:Helen、Jacky| 攝影:Man、Manson

2017美食博覽 場內小吃大晒冷!

札幌名物 卡通布丁燒

年半前,元朗小店賣布丁燒,日日排長龍,未食過的朋友,今次就可以在美食博覽食到啦!

卡通布丁燒 各$35
分別有原味和抹茶味。

這次布丁燒上燒上 Melody 、Little Twin Stars 同蛋黃哥等圖案,更吸引小朋友眼球!雞蛋布丁加上乳酪芝士蛋糕,面淋上焦糖漿,蛋香濃郁,質感較為結實。

茶記變奏! 即煎咸牛肉多士

芝士鹹牛肉多士 $18/2件(半份)、$36/4件(一份)

多士夾住鹹牛肉碎,加上厚厚的芝士餡,老闆更說足料到拉開可達2米長,多士外脆內軟,加上咸牛肉餡,食落都幾飽肚,所以老闆通常以2小件(半份)出售,可以一家大細Share。

黑松露+Raclette芝士+長洲大魚蛋

長洲大魚蛋,又有新玩法!淋上黑松露醬和Raclette熱熔芝士,濃濃黑松露香味撲鼻,與奶味濃厚的芝士十分配合。

店員即場把Raclette芝士加熱成熔岩狀。
黑松露醬Raclette熔岩芝士魚蛋 $35/2粒

原隻即切! 西班牙黑毛豬火腿

大大隻西班牙伊比利亞黑毛豬火腿放在攤位中,店員原隻即場切,火腿油份豐富,不會太乾硬,但淨食味道偏鹹,不妨買杯飲品一齊食。

西班牙伊比利臣黑毛豬火腿/辣肉腸 各$20

即切芝士 瑞士熱溶芝士新薯

博覽中,芝士產品跟前幾年一樣大行其道,其中一個set以熱溶芝士,配火腿、新薯、酸洋蔥、酸青瓜,新薯和芝士搭配起來較黏身,但不會太膩。

瑞士熱溶芝士 $60
店員即場把熱溶芝士切在薯仔上,保證新鮮。

巨無霸! 懷舊滷水大墨魚

現場還有款Size驚人的大墨魚,大到差不多把湯鍋填滿。工作人員用滷水即場浸煮入味,煮熟後,切成細細塊賣,似舊時的車仔檔,墨魚身質感彈牙,墨魚腳則相對軟滑,滷汁帶微甜,很不錯。

墨魚size相當矚目!

台灣傳統 足料刈包

場內亦有台灣傳統小食刈包,由滷五花肉夾饅頭,同時包著花生粉、酸菜和香菜等,餡料十足,但五花肉略肥。

刈包 $20

台灣過江 $15紅燒羊肉麵

由來自台灣的急凍熟麵公司推出,$15便可吃到紅燒羊肉麵,配料數量絕不輕手,這價錢來說十分抵!

紅燒羊肉麵 $15

期間限定!章魚燒雞蛋仔

雞蛋仔又有新鮮配搭,以軟糯的章魚燒和香脆的雞蛋仔,裡面更食到章魚粒!

章魚燒雞蛋仔 $28

貓山王 榴槤果棒

以往貓山王果棒只可買盒裝,但現時在美食博覽可單買一枝試食,入口滑溜,啖啖榴槤香。

貓山王果棒 $28

場內亦有其他甜品,包括芋圓、雪糕和水果茶等。

招牌芋圓 $30
蜜瓜雪糕 $40
台式水果茶 $30

 

豆漿特飲+Churros $35

熊本熊包裝的綠茶吉士蛋糕,只在博覽中有售,包裝可愛,適合買禮送人,又可以帶返學校同同學仔開心Share。

綠茶吉士蛋糕 $20

多款大熱班戟!

現場更有多款班戟,有使用麵粉成分的,或只用蛋白製成的,不過部分店員的手勢比較生疏,味道就一般般。

朱古力班戟 $35
焦糖梳乎里班戟 $40

 

同場其他特色產品

豆腐火腩飯向來在香港茶餐廳十分受歡迎,現時推出罐頭版,更於今年美食博覽首次面世,$15一罐不算過份,有興趣的朋友買罐試試也無仿!

豆腐火腩罐頭 $15
罐頭豆腐火腩倒出來後,有數件原整的火腩, 連皮帶肉, 配料炸豆腐等, 送飯可以一試。

美食博覽

地址:灣仔香港會議展覽中心 Hall 1 & 3(顯示地址
時間: 8月17日至8月20日10am – 10pm,8月21日10am – 6pm
收費:公眾館門票: $25 / 公眾館+尊貴美食區: $40
備註:尊貴美食區只開放至8月20日

 

更多精選內容