深情對望 十指緊扣  古巨基 結婚三週年放閃

深情對望 十指緊扣 古巨基 結婚三週年放閃

要數娛樂圈中愛情長跑嘅佼佼者,相信大家一定會諗起 古巨基 同佢嘅助手老婆Lorraine,兩人在2014年結束約20年的愛情長跑!適逢結婚三週年紀念,基仔日前喺社交網站大放閃光彈,同老婆深情對望仲十指緊扣!一齊嚟睇睇!

圖片來源:古巨基Facebook

結婚三週年 罕有晒合照

逢結婚三週年,基仔連發三張相,仲寫下:「三周年,遇見彩虹,許了願。」,冧死人咩!

古巨基
基仔同老婆喺彩虹下深情對望,畫面十分唯美!

 

古巨基
原來基仔喺週年紀念當日同樣遇見彩虹!

 

深情對望都仲唔夠,要放埋十指緊扣相!

結束20年愛情長跑

古巨基 同老婆Lorraine於2014年結束長達約20年愛情長跑,並於拉斯維加斯結婚,當年成為一時熱話!原來兩人相識於唱片公司,當初Lorraine喺宣傳部工作,後來成為咗基仔嘅私人助手,日久生情之下成為咗基仔入行以嚟唯一一位女友。

古巨基
一齊回味下佢哋當年嘅Sweet爆結婚相!

 

基仔同Lorraine多年來一直十分低調,雖然傳媒一度傳二人結婚,但基仔一直都只係回應話Lorraine係佢嘅「得力助手」。

基仔曾經留言:「從94年我第一張唱片開始,在我工作上妳一直緊守在照顧我的崗位。然而此後,妳的未來,就讓我來好好的照顧。」結婚相特別揀喺豎立「ONE WAY」路牌前影,相信係寓意未來風雨同路,十分浪漫!

送甜品店冧老婆

基仔喺結婚同年與老婆Lorraine喺中環開設甜品麵包店,開張當日Lorraine正式以「基嫂」身份現身,兩位面上掛住幸福笑容,羨煞旁人!

 

甜品麵包店開張當天祝酒後二人又被記者要求合卺交杯,最後都只係碰杯,貫徹含蓄低調的作風!

低調夫婦甚少放閃

二人婚後依舊保持低調,基仔亦好少公開放閃,最多都係情人節當天出老婆個背影。今次大曬結婚相真係好罕見!

結婚兩週年當日亦只係上傳咗出拖手相,不過就靠文字放閃。基仔留言話:「結婚2週年。老婆:『已經兩年了⋯為什麼我感覺還是像剛剛結婚那時的感覺呢~』我:『因為我疼妳嘍~』⋯⋯肉麻~~~」。

全文完

更多精選內容