胡諾言

胡諾言 40歲生日 太太陳琪:希望你每一天更順利

熱話

廣告

尋日8月23日強颱風「天鴿」襲港,本港掛起十號風球,不過原來呢日都係 胡諾言 嘅40歲生日,亦係佢同陳琪嘅拍拖紀念日。踏入「男人四十」同拍拖17周年嘅重要日子,「天鴿」當然冇影響到佢哋慶祝嘅興致,胡太陳琪喺網上發表「愛的宣言」,原來仲預早喺沙田一間酒店訂咗套房,一家五口食自助餐加埋住一晚慶祝一番,見 胡諾言 拍埋片同網民開心Share,認真幸福又溫馨!

 

 

 

撰文:Sunday Kiss
圖片:胡諾言Facebook、陳琪Facebook

胡諾言 牛一 老婆囝囡逐個錫

先睇睇胡諾言嘅FB,佢昨日喺社交平台上傳咗一條佢哋一家五口慶祝生日嘅影片,影片入面見到有生日蛋糕,佢哋仲一齊大唱生日歌,兼互贈Birthday Kiss,幸福滿瀉啊!

胡仔自稱胡大少爺,仲公開多謝老婆嘅窩心安排,睇嚟呢個生日雖然冇好天氣都過得好開心!

 

 

兩位千金一齊錫爸爸面珠,仲唔冧死?

 

 

老婆陳琪亦唔輸蝕,即刻話:「我又錫啖!」,然後就咀咗老公一啖。見到胡仔個樣咁冧就知佢哋結婚多年都仲係好恩愛!

兩個囡囡對鏡頭一啲都唔怕醜!仲要求要同大家晒下爸鏡嘅生日禮物!完來兩位千金畫咗個氣球俾爸爸,畫功仲好好𠻹!

胡諾言生日 兼拍拖周年

原來8月23日,唔止係胡仔嘅生日,仲係佢同太太陳琪嘅拍拖紀念日,陳琪在網上發愛的宣言,大讚他是好老公:「八號風球嘅前夕,呢一個男人為咗家庭同事業,冒着風雨仲喺飛鵝山頂拍攝外景,做佢背後嘅女人我仲可以講啲乜?應該係同佢講聲『生日快樂』,希望你未來嘅每一天都更加順利!」唔使問壽星佬胡諾言梗係冧到入心啦!

原來二人由拍拖至今已經17個年頭,真的不容易啊!

 

 

陳琪窩心送驚喜

其實陳琪為咗送個驚喜畀老公,一早預訂咗沙田一間酒店嘅套房,帶埋三個仔女一家人齊齊整整慶祝,雖然遇上「天鴿」助興,但陳琪話決定風雨不改一家大細齊去慶祝。難怪胡諾言都忍唔住公開多謝老婆呢個窩心嘅安排-!

 

 

 

 

 

 

胡仔一家五口喺酒店住一晚、切生日蛋糕,仲拉隊去食自助餐,節目好豐富!

 

 

 

 

圈中模範家庭

其實數數手指,胡諾言 同陳琪唔經唔覺已經結咗婚8年,佢哋仲已經有三個愛情結晶品,分別係大女Jay,二女Jacey,同埋上年先啱啱出世嘅小王子Jayden,一家五口經常會喺社交網站大晒溫馨照,絕對係圈中嘅模範家庭!

慶祝囝囝出世100日,佢哋專程去咗影樓影家庭照。

 

 

兩位千金絕對係家中嘅小公主!

 

 

月頭佢哋仲一家大細去咗滑雪,享受家庭樂!

 

 

你哋又覺得小王子似爸爸定媽媽多啲?

 

 

雖然已經係三個小朋友嘅父母,但佢哋兩公婆一樣係咁恩愛,經常放閃!

全文完