湊仔公

好老公好爸爸!圈中5個星級顧家 湊仔公

熱話

廣告

就算工作有多忙碌,都絕對唔係忽略仔女的藉口,亦都不能夠老馮將湊仔女責任交晒畀老婆!劇接劇無停手、捱到殘的王浩信日前被拍得抽空陪女兒到公園,幾攰都硬撐到底,但其實仲有大把一線星爸賺錢養家捱更抵夜完,一樣親自湊仔女享受親子樂,絕對係星級 湊仔公!

撰文:Sunday Kiss

王浩信

34歲的王浩信與太太陳自瑤(YoYo) 2011年結婚,兩人的寶貝女靖喬(QQ)於12年出生,而王浩信自去年憑《EU超時任務》彈起後,一劇接一劇忙過不停,頻頻出埠拍外景及宣傳,除了冇時間陪妻女,造人大計無期,就連承諾每年暑假的親子遊都未能兌現,故近日不時傳出王浩信及YoYo感情生變的消息!但其實王浩信咁辛苦都係為咗頭家,希望給妻女更優越的生活!

 

 

工作忙都好,家人始終係第一位。王浩信早前難得有一日假,兩父女去到將軍澳寓所附近的公園做運動,當日太陽曬正頭頂,QQ大汗淋漓盡,幸好有個體貼爸爸左手拎毛巾、右手拎水樽,一停低就埋身抹汗餵水。現埸所見,每次QQ因為太熱太辛苦而撒嬌,王浩信都有方法氹番個女笑,踩咗個幾小時單車,兩父女手拖手步行返家,睇得出QQ好黐爸爸,二人都很珍惜共渡的時光。

 

 

陳豪

陳豪與陳茵媺(Aimee) 呢對娛圈夫婦確實係幸福家庭典範,Aimee早年為老公誕下梓燁和浩鋒,去年四月又再添小公主Camilla,三年抱三,羨煞旁人!為了爭取陪伴仔女成長, 陳豪寧願放棄北上賺人仔,另外續約TVB時,條件係要多一點自由度,周末可以讓他照顧家庭!要養老婆同三個仔女、加上兩名工人姐姐和一名保母確實唔容易,心水清的網民都應該發現,陳豪近年明顯走樣,不單樣子凹陷,身型亦肥了一個碼,和從前的model 身材相差甚遠!不過聽到「My queen」甜叫一聲老公,甚麼都值得﹗

 

 

屋企雖然有老婆同兩個工人姐姐幫手,但陳豪一樣會親力親為陪兩子一女,帶他們四出遊樂!最近茵薇復出、隔離屋又裝修日嘈夜嘈,陳豪更自爆為避噪音日日帶小朋友出走。

 

 

郭晉安

郭晉安與歐倩怡早年拍攝旅遊節目而擦出火花,拍拖七年後,2006年在迪士尼樂園舉行婚禮,一對子女令山及以雅分別在08及11年出生。安仔希望太太能做個全職主婦,專心照顧家庭,所以努力賺錢,更支持太太繼續進修!至今年歐倩怡復出奇妙台主持《身醫管》,劇集煞科的郭晉安全線充當湊仔公近兩個月,不過其實老婆沒有工作時,他一樣都常被影到收工撲去學校接一對仔女放學。

 

 

 

 

郭晉安與一對子女的感情十分要好!

 

張繼聰

育有一子的張繼聰與太太謝安琪(Kay)追女成功,小公主張靖今年三月出生,湊成一個「好」字!當時阿聰被問到是否會抽更多時間照顧家人,他非常有承擔的表示:「我嘅餘生都係照顧佢哋!」Kay早前公告未有復工限期,不過一個人擔起頭家的阿聰一樣樂於抽時間陪仔女,唔呻辛苦仲話好快樂㖭!

 

 

 

 

阿聰不時在社交網站上載自己與仔女的合照,相中可見他親自餵奶,又彈結他俾囡囡聽,一副有女萬事足的樣子,十分温馨!

 

 

黎諾懿

「神之馬壯」黎諾懿與太太李潔瑩今年四月榮升父母,誕下黎峰睿(Lugus)後,初為人父的黎諾懿多次被拍到抱實囝囝四圍逛,甜絲絲享受路人誇獎Lugus趣緻精靈外,還親自拍片剪片在個人IG狂晒仔,讓全世界都知道他的喜悅!

 

 

 

全文完