清腸排毒 香芒橙汁特飲

清腸排毒 香芒橙汁特飲

自從屋企多左部飛利浦慢磨榨汁雪葩機之後,簡簡單單就可以榨出一杯果汁之後,所以就上網睇下有咩果汁可以整俾兩位老細飲。

見有朋友介紹用芒果加橙就可以榨出一杯好味又有益嘅果汁,見街市又有買到依兩種食材,所以就又嚟試下依款 香芒橙汁特飲 啦~

 

 

 

 

坦白講,依兩種生果又好似冇乜關係,完全冇諗過可以加埋一齊食(更加唔好話飲呀),不過睇介紹話可以清腸排毒、養心健康,而且對健胃消食都有好幫助,好似好有益咁,就試下佢啦!

 

材料只需要兩個芒果同埋一個橙就得啦~

將芒果肉切成為粒粒~


橙去皮去核,撕開一片片橙肉~

將芒果粒粒及橙肉放入管內~

然後就可以榨出果汁啦~

入口個味道又幾得意,少少嘅芒果味又帶點點橙汁,而且飲落又完全冇渣,酸酸甜甜得嚟又好新清,都幾啱我口味呀~

我個人嚟講又幾鐘意用依個磨榨汁機整橙汁,因為比起之前我用手動榨橙汁器方便好多,只需要搣好粒橙,放入機就得,真係方便輕鬆得多(唔洗咁用力動手榨了),所以依家小小豬成日都可以飲新鮮橙汁飲啦~


由於小小豬濕疹唔可以飲香芒,所以佢就只可以飲純橙汁,我就可以加埋芒果,一人一種味道,大人小朋友都可以飲健康果汁啦…呵呵呵!
BY小小豬的成長日誌

 

更多精選內容