七夕放閃! 吳君如 晒同老公拖手照

七夕放閃! 吳君如 晒同老公拖手照

今日係七夕,傳說中牛郎同織女一年只可以在這一天相遇,淒美又浪漫。唔知大家係咪同另一半一齊過呢? 吳君如 今日就喺微博晒放閃,仲引用老公陳可辛的電影風格,寫出另一番浪漫。

 

撰文:Sunday Kiss
相片:吳君如微博

雖然放閃,但吳君如都不改搞笑本色,把陳可辛的電影風格改寫成現實風格。

陳可辛的電影——
“命中注定的人,無論中間經過多少曲折,終會相遇。”
陳可辛的現實——
“你讓我走裡面,這樣我拍出來比較高。”
七夕快樂。

今個月2號是吳君如的52歲生日,老公陳可辛、囡囡陳是知、細佬吳君祥、爸爸夏春秋仲有媽媽,為佢喺英國搞咗個生日野餐慶祝,一家人仲喺當地公園開香檳又切蛋糕!陳可辛仲送咗紥花氹老婆,而囡囡陳是知就即席彈結他為媽媽唱生日歌,唔冧就假!難怪君如都忍唔住將咁難忘嘅時刻po上網開心share:「一班加起嚟都470幾歲嘅至愛親人為我開心到飛起慶祝生日,女兒為我彈結他唱生日歌,我點都要搏命晒一下幸福。」

連冬叔同吳媽媽都陪君如一齊癲,一家人真情流露演繹咩叫開心到飛起!
囡囡陳是知陪媽媽切蛋糕,又即席彈結他獻唱生日歌,君如唔冧就假。
一家人到英國旅行,喺當地公園為君如搞生日party,仲有氣球、彩帶佈置,絕不馬虎。
全家總動員為君如搞野餐慶生,既花心思又夠溫馨,抵佢晒命嘅。
囡囡陳是知陪媽媽切蛋糕,又即席彈結他獻唱生日歌,君如唔冧就假。

 

關鍵詞
吳君如

更多精選內容